📖 2 Chronicles — Chapter 9

🎼 SHV Aligned Melodic Matrix: 2_CHRONICLES 9

Rows are centered around the main structural cadence. Star highlights a verse beginning on a note other than the tonic.

🎨 Color Mapping Legend (Tonic E4)

F#4

G#4

1	וּמַֽלְכַּת־שְׁבָ֗א שָׁמְעָה֮ אֶת־שֵׁ֣מַע שְׁלֹמֹה֒ וַתָּב֣וֹא לְנַסּוֹת֩ אֶת־שְׁלֹמֹ֨ה בְחִיד֜וֹת בִּירוּשָׁלִַ֗ם בְּחַ֣יִל כָּבֵ֣ד מְאֹ֡ד וּ֠גְמַלִּים נֹשְׂאִ֨ים בְּשָׂמִ֧ים וְזָהָ֛ב לָרֹ֖ב וְאֶ֣בֶן יְקָרָ֑ה וַתָּבוֹא֙ אֶל־שְׁלֹמֹ֔ה, וַתְּדַבֵּ֣ר עִמּ֔וֹ, אֵ֛ת כָּל־אֲשֶׁ֥ר הָיָ֖ה עִם־לְבָבָֽהּ	^∾^◆E4 B4 C4 D4 G#4 B4 A4	^:A4 ^:B4 D4 F4 G#4 E4 x2
2	וַיַּגֶּד־לָ֥הּ שְׁלֹמֹ֖ה אֶת־כָּל־דְּבָרֶ֑יהָ וְלֹֽא־נֶעְלַ֤ם דָּבָר֙ מִשְּׁלֹמֹ֔ה, אֲשֶׁ֧ר לֹ֦א הִגִּ֖יד לָֽהּ	x3 E4 F4 G#4 A4	A4 E4 ^:C5 C4 F4 G#4 E4
3	וַתֵּ֙רֶא֙ מַֽלְכַּת־שְׁבָ֔א, אֵ֖ת חָכְמַ֣ת שְׁלֹמֹ֑ה וְהַבַּ֖יִת אֲשֶׁ֥ר בָּנָֽה	^:E4 G#4 B4 A4	A4 G#4 F4 E4 x3
4	וּמַאֲכַ֣ל שֻׁלְחָנ֡וֹ וּמוֹשַׁ֣ב עֲבָדָיו֩ וּמַעֲמַ֨ד מְשָׁרְתָ֜יו וּמַלְבּוּשֵׁיהֶ֗ם וּמַשְׁקָיו֙ וּמַלְבּ֣וּשֵׁיהֶ֔ם, וַעֲלִיָּת֔וֹ, אֲשֶׁ֥ר יַעֲלֶ֖ה בֵּ֣ית יְהוָ֑ה וְלֹא־הָ֥יָה ע֛וֹד בָּ֖הּ רֽוּחַ	x2 E4 ^:B4 F4 G#4 B4 A4	A4 F4 D4 G#4 E4
5	וַתֹּ֙אמֶר֙ אֶל־הַמֶּ֔לֶךְ, אֱמֶת֙ הַדָּבָ֔ר, אֲשֶׁ֥ר שָׁמַ֖עְתִּי בְּאַרְצִ֑י עַל־דְּבָרֶ֖יךָ וְעַל־חָכְמָתֶֽךָ	x3 ^:E4 F4 G#4 A4	A4 G#4 E4 x3
6	וְלֹֽא־הֶאֱמַ֣נְתִּי לְדִבְרֵיהֶ֗ם עַ֤ד אֲשֶׁר־בָּ֙אתִי֙ וַתִּרְאֶ֣ינָה עֵינַ֔י, וְהִנֵּה֙ לֹ֣א הֻגַּד־לִ֔י, חֲצִ֖י מַרְבִּ֣ית חָכְמָתֶ֑ךָ יָסַ֕פְתָּ עַל־הַשְּׁמוּעָ֖ה אֲשֶׁ֥ר שָׁמָֽעְתִּי	E4 B4 C5 ^:B4 G#4 B4 A4	A4 G#4 F4 E4 x3
7	אַשְׁרֵ֣י אֲנָשֶׁ֔יךָ, וְאַשְׁרֵ֖י עֲבָדֶ֣יךָ אֵ֑לֶּה הָעֹמְדִ֤ים לְפָנֶ֙יךָ֙ תָּמִ֔יד, וְשֹׁמְעִ֖ים אֶת־חָכְמָתֶֽךָ	x3 E4 ^:B4 G#4 B4 A4	A4 ^:C5 G#4 E4
8	יְהִ֨י יְהוָ֤ה אֱלֹהֶ֙יךָ֙ בָּר֔וּךְ, אֲשֶׁ֣ר ׀ חָפֵ֣ץ בְּךָ֗ לְתִתְּךָ֤ עַל־כִּסְאוֹ֙ לְמֶ֔לֶךְ, לַיהוָ֖ה אֱלֹהֶ֑יךָ בְּאַהֲבַ֨ת אֱלֹהֶ֤יךָ אֶת־יִשְׂרָאֵל֙ לְהַעֲמִיד֣וֹ לְעוֹלָ֔ם, וַיִּתֶּנְךָ֤ עֲלֵיהֶם֙ לְמֶ֔לֶךְ, לַעֲשׂ֖וֹת מִשְׁפָּ֥ט וּצְדָקָֽה	E4 ^:C5 B4 ^:C5 G#4 A4	A4 C5 ^:B4 ^:C5 G#4 F4 E4
9	וַתִּתֵּ֨ן לַמֶּ֜לֶךְ מֵאָ֥ה וְעֶשְׂרִ֣ים ׀ כִּכַּ֣ר זָהָ֗ב וּבְשָׂמִ֛ים לָרֹ֥ב מְאֹ֖ד וְאֶ֣בֶן יְקָרָ֑ה וְלֹ֤א הָיָה֙ כַּבֹּ֣שֶׂם הַה֔וּא, אֲשֶׁר־נָתְנָ֥ה מַֽלְכַּת־שְׁבָ֖א לַמֶּ֥לֶךְ שְׁלֹמֹֽה	E4 F4 B4 D4 F4 G#4 B4 A4	A4 C5 ^:B4 F4 E4 G#4 F4 E4
10	וְגַם־עַבְדֵ֤י חוּרָם֙ וְעַבְדֵ֣י שְׁלֹמֹ֔ה, אֲשֶׁר־הֵבִ֥יאוּ זָהָ֖ב מֵאוֹפִ֑יר הֵבִ֛יאוּ עֲצֵ֥י אַלְגּוּמִּ֖ים וְאֶ֥בֶן יְקָרָֽה	E4 C5 ^:B4 F4 G#4 A4	A4 D4 F4 G#4 F4 E4
11	וַיַּ֣עַשׂ הַ֠מֶּלֶךְ אֶת־עֲצֵ֨י הָאַלְגּוּמִּ֜ים מְסִלּ֤וֹת לְבֵית־יְהוָה֙ וּלְבֵ֣ית הַמֶּ֔לֶךְ, וְכִנֹּר֥וֹת וּנְבָלִ֖ים לַשָּׁרִ֑ים וְלֹא־נִרְא֥וּ כָהֵ֛ם לְפָנִ֖ים בְּאֶ֥רֶץ יְהוּדָֽה	E4 B4 C5 ^:B4 F4 G#4 A4	A4 F4 D4 G#4 F4 E4
12	וְהַמֶּ֨לֶךְ שְׁלֹמֹ֜ה נָתַ֣ן לְמַֽלְכַּת־שְׁבָ֗א אֶת־כָּל־חֶפְצָהּ֙ אֲשֶׁ֣ר שָׁאָ֔לָה, מִלְּבַ֖ד אֲשֶׁר־הֵבִ֣יאָה אֶל־הַמֶּ֑לֶךְ וַֽתַּהֲפֹ֛ךְ וַתֵּ֥לֶךְ לְאַרְצָ֖הּ הִ֥יא וַעֲבָדֶֽיהָ פ	E4 B4 E4 ^:B4 G#4 B4 A4	E4 D4 F4 G#4 F4 E4
13	וַיְהִי֙ מִשְׁקַ֣ל הַזָּהָ֔ב, אֲשֶׁר־בָּ֥א לִשְׁלֹמֹ֖ה בְּשָׁנָ֣ה אֶחָ֑ת שֵׁ֥שׁ מֵא֛וֹת וְשִׁשִּׁ֥ים וָשֵׁ֖שׁ כִּכְּרֵ֥י זָהָֽב	x2 E4 ^:B4 F4 G#4 B4 A4	F4 D4 F4 G#4 F4 E4
14	לְבַ֞ד מֵאַנְשֵׁ֧י הַתָּרִ֛ים וְהַסֹּחֲרִ֖ים מְבִיאִ֑ים וְכָל־מַלְכֵ֤י עֲרַב֙ וּפַח֣וֹת הָאָ֔רֶץ, מְבִיאִ֛ים זָהָ֥ב וָכֶ֖סֶף לִשְׁלֹמֹֽה	x3 E4 C4 D4 G#4 A4	A4 C5 ^:B4 D4 F4 G#4 E4
15	וַיַּ֨עַשׂ הַמֶּ֧לֶךְ שְׁלֹמֹ֛ה מָאתַ֥יִם צִנָּ֖ה זָהָ֣ב שָׁח֑וּט שֵׁ֤שׁ מֵאוֹת֙ זָהָ֣ב שָׁח֔וּט, יַעֲלֶ֖ה עַל־הַצִּנָּ֥ה הָאֶחָֽת	E4 C4 D4 F4 G#4 B4 A4	C5 ^:B4 G#4 F4 E4
16	וּשְׁלֹשׁ־מֵא֤וֹת מָֽגִנִּים֙ זָהָ֣ב שָׁח֔וּט, שְׁלֹ֤שׁ מֵאוֹת֙ זָהָ֔ב, יַעֲלֶ֖ה עַל־הַמָּגֵ֣ן הָאֶחָ֑ת וַיִּתְּנֵ֣ם הַמֶּ֔לֶךְ, בְּבֵ֖ית יַ֥עַר הַלְּבָנֽוֹן	E4 C5 E4 ^:B4 ^:C5 G#4 B4 A4	A4 ^:B4 G#4 F4 E4 x3
17	וַיַּ֧עַשׂ הַמֶּ֛לֶךְ כִּסֵּא־שֵׁ֖ן גָּד֑וֹל וַיְצַפֵּ֖הוּ זָהָ֥ב טָהֽוֹר	x3 E4 C4 D4 G#4 A4	A4 G#4 F4 E4 x3
18	וְשֵׁ֣שׁ מַעֲל֣וֹת לַ֠כִּסֵּא וְכֶ֨בֶשׁ בַּזָּהָ֤ב לַכִּסֵּא֙ מָאֳחָזִ֔ים, וְיָד֛וֹת מִזֶּ֥ה וּמִזֶּ֖ה עַל־מְק֣וֹם הַשָּׁ֑בֶת וּשְׁנַ֣יִם אֲרָי֔וֹת, עֹמְדִ֖ים אֵ֥צֶל הַיָּדֽוֹת	E4 B4 ^:C5 D4 F4 G#4 B4 A4	A4 ^:B4 G#4 F4 E4 x3
19	וּשְׁנֵ֧ים עָשָׂ֣ר אֲרָי֗וֹת עֹמְדִ֥ים שָׁ֛ם עַל־שֵׁ֥שׁ הַֽמַּעֲל֖וֹת מִזֶּ֣ה וּמִזֶּ֑ה לֹא־נַעֲשָׂ֥ה כֵ֖ן לְכָל־מַמְלָכָֽה	E4 C4 B4 F4 D4 F4 E4 G#4 B4 A4	A4 F4 G#4 E4 x2
20	וְ֠כֹל כְּלֵ֞י מַשְׁקֵ֨ה הַמֶּ֤לֶךְ שְׁלֹמֹה֙ זָהָ֔ב, וְכֹ֗ל כְּלֵ֛י בֵּֽית־יַ֥עַר הַלְּבָנ֖וֹן זָהָ֣ב סָג֑וּר אֵ֣ין כֶּ֗סֶף נֶחְשָׁ֛ב בִּימֵ֥י שְׁלֹמֹ֖ה לִמְאֽוּמָה	^⚲E4 ^:C5 D4 E4 F4 G#4 B4 A4	^◆B4 D4 F4 G#4 E4
21	כִּֽי־אֳנִיּ֤וֹת לַמֶּ֙לֶךְ֙ הֹלְכ֣וֹת תַּרְשִׁ֔ישׁ, עִ֖ם עַבְדֵ֣י חוּרָ֑ם אַחַת֩ לְשָׁל֨וֹשׁ שָׁנִ֜ים תָּב֣וֹאנָה ׀ אֳנִיּ֣וֹת תַּרְשִׁ֗ישׁ נֹשְׂאוֹת֙ זָהָ֣ב וָכֶ֔סֶף, שֶׁנְהַבִּ֥ים וְקוֹפִ֖ים וְתוּכִּיִּֽים פ	E4 C5 ^:B4 G#4 B4 A4	^⚲A4 ^:B4 F4 G#4 E4
22	וַיִּגְדַּל֙ הַמֶּ֣לֶךְ שְׁלֹמֹ֔ה, מִכֹּ֖ל מַלְכֵ֣י הָאָ֑רֶץ לְעֹ֖שֶׁר וְחָכְמָֽה	x3 E4 ^:B4 G#4 B4 A4	A4 G#4 E4 x3
23	וְכֹל֙ מַלְכֵ֣י הָאָ֔רֶץ, מְבַקְשִׁ֖ים אֶת־פְּנֵ֣י שְׁלֹמֹ֑ה לִשְׁמֹ֙עַ֙ אֶת־חָכְמָת֔וֹ, אֲשֶׁר־נָתַ֥ן הָאֱלֹהִ֖ים בְּלִבּֽוֹ	x3 E4 ^:B4 G#4 B4 A4	^:A4 F4 G#4 E4 x2
24	וְהֵ֣ם מְבִיאִ֣ים אִ֣ישׁ מִנְחָת֡וֹ כְּלֵ֣י כֶסֶף֩ וּכְלֵ֨י זָהָ֤ב וּשְׂלָמוֹת֙ נֵ֣שֶׁק וּבְשָׂמִ֔ים, סוּסִ֖ים וּפְרָדִ֑ים דְּבַר־שָׁנָ֖ה בְּשָׁנָֽה ס	E4 B4 C5 ^:B4 G#4 A4	A4 G#4 E4 x3
25	וַיְהִ֨י לִשְׁלֹמֹ֜ה אַרְבַּעַת֩ אֲלָפִ֨ים אֻֽרְי֤וֹת סוּסִים֙ וּמַרְכָּב֔וֹת, וּשְׁנֵים־עָשָׂ֥ר אֶ֖לֶף פָּרָשִׁ֑ים וַיַּנִּיחֵם֙ בְּעָרֵ֣י הָרֶ֔כֶב, וְעִם־הַמֶּ֖לֶךְ בִּירוּשָׁלִָֽם	^⚲E4 ^:C5 F4 G#4 A4	A4 ^:B4 G#4 E4 x2
26	וַיְהִ֥י מוֹשֵׁ֖ל בְּכָל־הַמְּלָכִ֑ים מִן־הַנָּהָר֙ וְעַד־אֶ֣רֶץ פְּלִשְׁתִּ֔ים, וְעַ֖ד גְּב֥וּל מִצְרָֽיִם	x3 E4 F4 G#4 A4	A4 ^:B4 G#4 F4 E4 x3
27	וַיִּתֵּ֨ן הַמֶּ֧לֶךְ אֶת־הַכֶּ֛סֶף בִּירוּשָׁלִַ֖ם כָּאֲבָנִ֑ים וְאֵ֣ת הָאֲרָזִ֗ים נָתַ֛ן כַּשִּׁקְמִ֥ים אֲשֶׁר־בַּשְּׁפֵלָ֖ה לָרֹֽב	x3 E4 C4 D4 G#4 A4	A4 B4 D4 F4 G#4 E4 x2
28	וּמוֹצִיאִ֨ים סוּסִ֧ים מִמִּצְרַ֛יִם לִשְׁלֹמֹ֖ה וּמִכָּל־הָאֲרָצֽוֹת		E4 C4 D4 G#4 E4
29	וּשְׁאָר֙ דִּבְרֵ֣י שְׁלֹמֹ֔ה, הָרִאשֹׁנִ֖ים וְהָאֲחֲרוֹנִ֑ים הֲלֹא־הֵ֣ם כְּתוּבִ֗ים עַל־דִּבְרֵי֙ נָתָ֣ן הַנָּבִ֔יא, וְעַל־נְבוּאַ֞ת אֲחִיָּ֣ה הַשִּׁילוֹנִ֗י וּבַחֲזוֹת֙ יֶעְדּ֣וֹ הַחֹזֶ֔ה, עַל־יָרָבְעָ֖ם בֶּן־נְבָֽט	E4 ^:B4 G#4 A4	A4 ^:B4 G#4 E4 x2
30	וַיִּמְלֹ֨ךְ שְׁלֹמֹ֧ה בִירוּשָׁלִַ֛ם עַל־כָּל־יִשְׂרָאֵ֖ל אַרְבָּעִ֥ים שָׁנָֽה		E4 C4 D4 G#4 F4 E4
31	וַיִּשְׁכַּ֤ב שְׁלֹמֹה֙ עִם־אֲבֹתָ֔יו, וַֽיִּקְבְּרֻ֔הוּ, בְּעִ֖יר דָּוִ֣יד אָבִ֑יו וַיִּמְלֹ֛ךְ רְחַבְעָ֥ם בְּנ֖וֹ תַּחְתָּֽיו פ	E4 ^:C5 ^:E4 G#4 B4 A4	A4 D4 F4 G#4 E4