📖 Daniel — Chapter 8

🎼 SHV Aligned Melodic Matrix: DANIEL 8

Rows are centered around the main structural cadence. Star highlights a verse beginning on a note other than the tonic.

🎨 Color Mapping Legend (Tonic E4)

F#4

G#4

1	בִּשְׁנַ֣ת שָׁל֔וֹשׁ, לְמַלְכ֖וּת בֵּלְאשַׁצַּ֣ר הַמֶּ֑לֶךְ חָז֞וֹן נִרְאָ֤ה אֵלַי֙ אֲנִ֣י דָנִיֵּ֔אל, אַחֲרֵ֛י הַנִּרְאָ֥ה אֵלַ֖י בַּתְּחִלָּֽה	x3 E4 ^:B4 G#4 B4 A4	A4 C5 ^:B4 D4 F4 G#4 E4
2	וָֽאֶרְאֶה֮ בֶּחָזוֹן֒ וַיְהִי֙ בִּרְאֹתִ֔י, וַאֲנִי֙ בְּשׁוּשַׁ֣ן הַבִּירָ֔ה, אֲשֶׁ֖ר בְּעֵילָ֣ם הַמְּדִינָ֑ה וָאֶרְאֶה֙ בֶּֽחָז֔וֹן, וַאֲנִ֥י הָיִ֖יתִי עַל־אוּבַ֥ל אוּלָֽי	x3 ^∾^:E4 ^:B4 G#4 B4 A4	A4 ^:E4 F4 G#4 F4 E4
3	וָאֶשָּׂ֤א עֵינַי֙ וָאֶרְאֶ֔ה, וְהִנֵּ֣ה ׀ אַ֣יִל אֶחָ֗ד עֹמֵ֛ד לִפְנֵ֥י הָאֻבָ֖ל וְל֣וֹ קְרָנָ֑יִם וְהַקְּרָנַ֣יִם גְּבֹה֗וֹת וְהָאַחַת֙ גְּבֹהָ֣ה מִן־הַשֵּׁנִ֔ית, וְהַ֨גְּבֹהָ֔ה, עֹלָ֖ה בָּאַחֲרֹנָֽה	E4 ^:C5 B4 D4 F4 G#4 B4 A4	A4 ^:B4 G#4 E4
4	רָאִ֣יתִי אֶת־הָאַ֡יִל מְנַגֵּחַ֩ יָ֨מָּה וְצָפ֜וֹנָה וָנֶ֗גְבָּה וְכָל־חַיּוֹת֙ לֹֽא־יַעַמְד֣וּ לְפָנָ֔יו, וְאֵ֥ין מַצִּ֖יל מִיָּד֑וֹ וְעָשָׂ֥ה כִרְצֹנ֖וֹ וְהִגְדִּֽיל	E4 B4 E4 ^:B4 F4 G#4 A4	A4 F4 G#4 E4 x3
5	וַאֲנִ֣י ׀ הָיִ֣יתִי מֵבִ֗ין וְהִנֵּ֤ה צְפִיר־הָֽעִזִּים֙ בָּ֤א מִן־הַֽמַּעֲרָב֙ עַל־פְּנֵ֣י כָל־הָאָ֔רֶץ, וְאֵ֥ין נוֹגֵ֖עַ בָּאָ֑רֶץ וְהַ֨צָּפִ֔יר, קֶ֥רֶן חָז֖וּת בֵּ֥ין עֵינָֽיו	E4 B4 C5 E4 C5 E4 ^:B4 F4 G#4 A4	^:A4 F4 G#4 F4 E4 x3
6	וַיָּבֹ֗א עַד־הָאַ֙יִל֙ בַּ֣עַל הַקְּרָנַ֔יִם, אֲשֶׁ֣ר רָאִ֔יתִי, עֹמֵ֖ד לִפְנֵ֣י הָאֻבָ֑ל וַיָּ֥רָץ אֵלָ֖יו בַּחֲמַ֥ת כֹּחֽוֹ	x3 ^◆E4 ^:B4 G#4 B4 A4	A4 F4 G#4 F4 E4 x3
7	וּרְאִיתִ֞יו מַגִּ֣יעַ ׀ אֵ֣צֶל הָאַ֗יִל וַיִּתְמַרְמַ֤ר אֵלָיו֙ וַיַּ֣ךְ אֶת־הָאַ֔יִל, וַיְשַׁבֵּר֙ אֶת־שְׁתֵּ֣י קְרָנָ֔יו, וְלֹא־הָ֥יָה כֹ֛חַ בָּאַ֖יִל לַעֲמֹ֣ד לְפָנָ֑יו וַיַּשְׁלִיכֵ֤הוּ אַ֙רְצָה֙ וַֽיִּרְמְסֵ֔הוּ, וְלֹא־הָיָ֥ה מַצִּ֛יל לָאַ֖יִל מִיָּדֽוֹ	E4 B4 C5 ^:B4 F4 D4 G#4 B4 A4	A4 C5 ^:E4 F4 D4 G#4 E4
8	וּצְפִ֥יר הָעִזִּ֖ים הִגְדִּ֣יל עַד־מְאֹ֑ד וּכְעָצְמ֗וֹ נִשְׁבְּרָה֙ הַקֶּ֣רֶן הַגְּדוֹלָ֔ה, וַֽתַּעֲלֶ֜נָה חָז֤וּת אַרְבַּע֙ תַּחְתֶּ֔יהָ, לְאַרְבַּ֖ע רוּח֥וֹת הַשָּׁמָֽיִם	x4 E4 F4 G#4 B4 A4	^◆A4 ^:B4 E4 ^:C5 G#4 F4 E4
9	וּמִן־הָאַחַ֣ת מֵהֶ֔ם, יָצָ֥א קֶֽרֶן־אַחַ֖ת מִצְּעִירָ֑ה וַתִּגְדַּל־יֶ֛תֶר אֶל־הַנֶּ֥גֶב וְאֶל־הַמִּזְרָ֖ח וְאֶל־הַצֶּֽבִי	E4 ^:B4 F4 E4 G#4 A4	A4 D4 F4 G#4 E4
10	וַתִּגְדַּ֖ל עַד־צְבָ֣א הַשָּׁמָ֑יִם וַתַּפֵּ֥ל אַ֛רְצָה מִן־הַצָּבָ֥א וּמִן־הַכּוֹכָבִ֖ים וַֽתִּרְמְסֵֽם	E4 G#4 B4 A4	A4 F4 D4 F4 G#4 E4
11	וְעַ֥ד שַֽׂר־הַצָּבָ֖א הִגְדִּ֑יל וּמִמֶּ֙נּוּ֙ הוּרַ֣ם הַתָּמִ֔יד, וְהֻשְׁלַ֖ךְ מְכ֥וֹן מִקְדָּשֽׁוֹ	x2 E4 F4 E4 G#4 A4	A4 ^:B4 G#4 F4 E4
12	וְצָבָ֛א תִּנָּתֵ֥ן עַל־הַתָּמִ֖יד בְּפָ֑שַׁע וְתַשְׁלֵ֤ךְ אֱמֶת֙ אַ֔רְצָה, וְעָשְׂתָ֖ה וְהִצְלִֽיחָה	x2 E4 D4 F4 G#4 A4	A4 ^:C5 G#4 E4
13	וָאֶשְׁמְעָ֥ה אֶֽחָד־קָד֖וֹשׁ מְדַבֵּ֑ר וַיֹּאמֶר֩ אֶחָ֨ד קָד֜וֹשׁ לַפַּֽלְמוֹנִ֣י הַֽמְדַבֵּ֗ר עַד־מָתַ֞י הֶחָז֤וֹן הַתָּמִיד֙ וְהַפֶּ֣שַׁע שֹׁמֵ֔ם, תֵּ֛ת וְקֹ֥דֶשׁ וְצָבָ֖א מִרְמָֽס	x2 E4 F4 E4 G#4 A4	^⚲A4 E4 B4 E4 C5 ^:B4 D4 F4 G#4 E4
14	וַיֹּ֣אמֶר אֵלַ֔י, עַ֚ד עֶ֣רֶב בֹּ֔קֶר, אַלְפַּ֖יִם וּשְׁלֹ֣שׁ מֵא֑וֹת וְנִצְדַּ֖ק קֹֽדֶשׁ	E4 ^:B4 C5 ^:B4 G#4 B4 A4	A4 G#4 E4
15	וַיְהִ֗י בִּרְאֹתִ֛י אֲנִ֥י דָנִיֵּ֖אל אֶת־הֶחָז֑וֹן וָאֲבַקְשָׁ֣ה בִינָ֔ה, וְהִנֵּ֛ה עֹמֵ֥ד לְנֶגְדִּ֖י כְּמַרְאֵה־גָֽבֶר	x2 ^◆E4 D4 F4 G#4 A4	A4 ^:B4 D4 F4 G#4 E4
16	וָאֶשְׁמַ֥ע קוֹל־אָדָ֖ם בֵּ֣ין אוּלָ֑י וַיִּקְרָא֙ וַיֹּאמַ֔ר, גַּבְרִיאֵ֕ל הָבֵ֥ן לְהַלָּ֖ז אֶת־הַמַּרְאֶֽה	x4 E4 F4 G#4 B4 A4	^:A4 F4 G#4 E4 x3
17	וַיָּבֹא֙ אֵ֣צֶל עָמְדִ֔י, וּבְבֹא֣וֹ נִבְעַ֔תִּי, וָאֶפְּלָ֖ה עַל־פָּנָ֑י וַיֹּ֤אמֶר אֵלַי֙ הָבֵ֣ן בֶּן־אָדָ֔ם, כִּ֖י לְעֶת־קֵ֥ץ הֶחָזֽוֹן	E4 ^:B4 G#4 A4	A4 C5 ^:B4 G#4 F4 E4 x2
18	וּבְדַבְּר֣וֹ עִמִּ֔י, נִרְדַּ֥מְתִּי עַל־פָּנַ֖י אָ֑רְצָה וַיִּ֨גַּע־בִּ֔י, וַיַּֽעֲמִידֵ֖נִי עַל־עָמְדִֽי	E4 ^:B4 F4 G#4 A4	^:A4 E4 G#4 E4
19	וַיֹּ֙אמֶר֙ הִנְנִ֣י מוֹדִֽיעֲךָ֔, אֵ֥ת אֲשֶׁר־יִהְיֶ֖ה בְּאַחֲרִ֣ית הַזָּ֑עַם כִּ֖י לְמוֹעֵ֥ד קֵֽץ	E4 B4 ^:E4 F4 G#4 B4 A4	G#4 F4 E4
20	הָאַ֥יִל אֲשֶׁר־רָאִ֖יתָ בַּ֣עַל הַקְּרָנָ֑יִם מַלְכֵ֖י מָדַ֥י וּפָרָֽס	x4 E4 F4 G#4 B4 A4	A4 G#4 F4 E4
21	וְהַצָּפִ֥יר הַשָּׂעִ֖יר מֶ֣לֶךְ יָוָ֑ן וְהַקֶּ֤רֶן הַגְּדוֹלָה֙ אֲשֶׁ֣ר בֵּין־עֵינָ֔יו, ה֖וּא הַמֶּ֥לֶךְ הָרִאשֽׁוֹן	x4 E4 F4 G#4 B4 A4	A4 C5 ^:B4 G#4 F4 E4 x2
22	וְהַ֨נִּשְׁבֶּ֔רֶת, וַתַּֽעֲמֹ֥דְנָה אַרְבַּ֖ע תַּחְתֶּ֑יהָ אַרְבַּ֧ע מַלְכֻי֛וֹת מִגּ֥וֹי יַעֲמֹ֖דְנָה וְלֹ֥א בְכֹחֽוֹ	^:E4 F4 G#4 A4	A4 C4 D4 F4 G#4 F4 E4
23	וּֽבְאַחֲרִית֙ מַלְכוּתָ֔ם, כְּהָתֵ֖ם הַפֹּשְׁעִ֑ים יַעֲמֹ֛ד מֶ֥לֶךְ עַז־פָּנִ֖ים וּמֵבִ֥ין חִידֽוֹת	^:E4 G#4 A4	A4 D4 F4 G#4 F4 E4
24	וְעָצַ֤ם כֹּחוֹ֙ וְלֹ֣א בְכֹח֔וֹ, וְנִפְלָא֥וֹת יַשְׁחִ֖ית וְהִצְלִ֣יחַ וְעָשָׂ֑ה וְהִשְׁחִ֥ית עֲצוּמִ֖ים וְעַם־קְדֹשִֽׁים	E4 C5 ^:B4 F4 G#4 B4 A4	A4 F4 G#4 E4 x3
25	וְעַל־שִׂכְל֗וֹ וְהִצְלִ֤יחַ מִרְמָה֙ בְּיָד֔וֹ, וּבִלְבָב֣וֹ יַגְדִּ֔יל, וּבְשַׁלְוָ֖ה יַשְׁחִ֣ית רַבִּ֑ים וְעַ֤ל־שַׂר־שָׂרִים֙ יַעֲמֹ֔ד, וּבְאֶ֥פֶס יָ֖ד יִשָּׁבֵֽר	^◆E4 ^:C5 ^:B4 G#4 B4 A4	A4 ^:C5 F4 G#4 E4
26	וּמַרְאֵ֨ה הָעֶ֧רֶב וְהַבֹּ֛קֶר אֲשֶׁ֥ר נֶאֱמַ֖ר אֱמֶ֣ת ה֑וּא וְאַתָּה֙ סְתֹ֣ם הֶֽחָז֔וֹן, כִּ֖י לְיָמִ֥ים רַבִּֽים	E4 C4 D4 F4 G#4 B4 A4	A4 B4 ^:E4 G#4 F4 E4
27	וַאֲנִ֣י דָנִיֵּ֗אל נִהְיֵ֤יתִי וְנֶחֱלֵ֙יתִי֙ יָמִ֔ים, וָאָק֕וּם וָאֶֽעֱשֶׂ֖ה אֶת־מְלֶ֣אכֶת הַמֶּ֑לֶךְ וָאֶשְׁתּוֹמֵ֥ם עַל־הַמַּרְאֶ֖ה וְאֵ֥ין מֵבִֽין פ	E4 B4 ^:C5 E4 G#4 B4 A4	A4 F4 G#4 F4 E4 x3