Rows are centered around the main structural cadence. Star highlights a verse beginning on a note other than the tonic.
| 1 | וַיִּקְרָ֥א מֹשֶׁ֛ה אֶל־כָּל־יִשְׂרָאֵ֖ל וַיֹּ֣אמֶר אֲלֵהֶ֑ם אַתֶּ֣ם רְאִיתֶ֗ם אֵ֣ת כָּל־אֲשֶׁר֩ עָשָׂ֨ה יְהוָ֤ה לְעֵֽינֵיכֶם֙ בְּאֶ֣רֶץ מִצְרַ֔יִם, לְפַרְעֹ֥ה וּלְכָל־עֲבָדָ֖יו וּלְכָל־אַרְצֽוֹ |
E4 F4 D4 G#4 B4 A4
|
A4 B4 C5 E4 :B4 F4 G#4 E4 |
| 2 | הַמַּסּוֹת֙ הַגְּדֹלֹ֔ת, אֲשֶׁ֥ר רָא֖וּ עֵינֶ֑יךָ הָאֹתֹ֧ת וְהַמֹּפְתִ֛ים הַגְּדֹלִ֖ים הָהֵֽם |
x2
:E4 F4 G#4 A4
|
A4 C4 D4 G#4 E4 |
| 3 | וְלֹֽא־נָתַן֩ יְהוָ֨ה לָכֶ֥ם לֵב֙ לָדַ֔עַת, וְעֵינַ֥יִם לִרְא֖וֹת וְאָזְנַ֣יִם לִשְׁמֹ֑עַ עַ֖ד הַיּ֥וֹם הַזֶּֽה |
x2
⚲E4 :F4 G#4 B4 A4
|
G#4 F4 E4 |
| 4 | וָאוֹלֵ֥ךְ אֶתְכֶ֛ם אַרְבָּעִ֥ים שָׁנָ֖ה בַּמִּדְבָּ֑ר לֹֽא־בָל֤וּ שַׂלְמֹֽתֵיכֶם֙ מֵעֲלֵיכֶ֔ם, וְנַעַלְךָ֥ לֹא־בָלְתָ֖ה מֵעַ֥ל רַגְלֶֽךָ |
E4 F4 D4 F4 G#4 A4
|
E4 C5 :E4 F4 G#4 F4 E4 |
| 5 | לֶ֚חֶם לֹ֣א אֲכַלְתֶּ֔ם, וְיַ֥יִן וְשֵׁכָ֖ר לֹ֣א שְׁתִיתֶ֑ם לְמַ֙עַן֙ תֵּֽדְע֔וּ, כִּ֛י אֲנִ֥י יְהוָ֖ה אֱלֹהֵיכֶֽם |
★
C5 :B4 F4 G#4 B4 A4
|
A4 :E4 D4 F4 G#4 E4 |
| 6 | וַתָּבֹ֖אוּ אֶל־הַמָּק֣וֹם הַזֶּ֑ה וַיֵּצֵ֣א סִיחֹ֣ן מֶֽלֶךְ־חֶ֠שְׁבּוֹן וְע֨וֹג מֶלֶךְ־הַבָּשָׁ֧ן לִקְרָאתֵ֛נוּ לַמִּלְחָמָ֖ה וַנַּכֵּֽם |
E4 G#4 B4 A4
|
A4 B4 E4 C4 D4 G#4 E4 |
| 7 | וַנִּקַּח֙ אֶת־אַרְצָ֔ם, וַנִּתְּנָ֣הּ לְנַחֲלָ֔ה, לָראוּבֵנִ֖י וְלַגָּדִ֑י וְלַחֲצִ֖י שֵׁ֥בֶט הַֽמְנַשִּֽׁי |
x3
:E4 :B4 G#4 A4
|
A4 G#4 F4 E4 |
| 8 | וּשְׁמַרְתֶּ֗ם אֶת־דִּבְרֵי֙ הַבְּרִ֣ית הַזֹּ֔את, וַעֲשִׂיתֶ֖ם אֹתָ֑ם לְמַ֣עַן תַּשְׂכִּ֔ילוּ, אֵ֖ת כָּל־אֲשֶׁ֥ר תַּעֲשֽׂוּן פ |
x3
◆E4 :B4 G#4 A4
|
A4 :B4 G#4 F4 E4 x3 |
| 9 | אַתֶּ֨ם נִצָּבִ֤ים הַיּוֹם֙ כֻּלְּכֶ֔ם, לִפְנֵ֖י יְהוָ֣ה אֱלֹהֵיכֶ֑ם רָאשֵׁיכֶ֣ם שִׁבְטֵיכֶ֗ם זִקְנֵיכֶם֙ וְשֹׁ֣טְרֵיכֶ֔ם, כֹּ֖ל אִ֥ישׁ יִשְׂרָאֵֽל |
x2
E4 :C5 G#4 B4 A4
|
A4 :B4 G#4 F4 E4 x3 |
| 10 | טַפְּכֶ֣ם נְשֵׁיכֶ֔ם, וְגֵ֣רְךָ֔, אֲשֶׁ֖ר בְּקֶ֣רֶב מַחֲנֶ֑יךָ מֵחֹטֵ֣ב עֵצֶ֔יךָ, עַ֖ד שֹׁאֵ֥ב מֵימֶֽיךָ |
x2
E4 :B4 G#4 B4 A4
|
A4 :B4 G#4 F4 E4 x3 |
| 11 | לְעָבְרְךָ֗ בִּבְרִ֛ית יְהוָ֥ה אֱלֹהֶ֖יךָ וּבְאָלָת֑וֹ אֲשֶׁר֙ יְהוָ֣ה אֱלֹהֶ֔יךָ, כֹּרֵ֥ת עִמְּךָ֖ הַיּֽוֹם |
◆E4 D4 F4 G#4 A4
|
A4 :B4 F4 G#4 E4 x3 |
| 12 | לְמַ֣עַן הָקִֽים־אֹתְךָ֩ הַיּ֨וֹם ׀ ל֜וֹ לְעָ֗ם וְה֤וּא יִֽהְיֶה־לְּךָ֙ לֵֽאלֹהִ֔ים, כַּאֲשֶׁ֖ר דִּבֶּר־לָ֑ךְ וְכַאֲשֶׁ֤ר נִשְׁבַּע֙ לַאֲבֹתֶ֔יךָ, לְאַבְרָהָ֥ם לְיִצְחָ֖ק וּֽלְיַעֲקֹֽב |
E4 B4 E4 C5 :E4 G#4 A4
|
A4 :C5 F4 G#4 E4 |
| 13 | וְלֹ֥א אִתְּכֶ֖ם לְבַדְּכֶ֑ם אָנֹכִ֗י כֹּרֵת֙ אֶת־הַבְּרִ֣ית הַזֹּ֔את, וְאֶת־הָאָלָ֖ה הַזֹּֽאת |
x2
E4 F4 G#4 A4
|
◆A4 :B4 G#4 E4 |
| 14 | כִּי֩ אֶת־אֲשֶׁ֨ר יֶשְׁנ֜וֹ פֹּ֗ה עִמָּ֙נוּ֙ עֹמֵ֣ד הַיּ֔וֹם, לִפְנֵ֖י יְהוָ֣ה אֱלֹהֵ֑ינוּ וְאֵ֨ת אֲשֶׁ֥ר אֵינֶ֛נּוּ פֹּ֖ה עִמָּ֥נוּ הַיּֽוֹם |
x2
◆⚲E4 :B4 G#4 B4 A4
|
A4 F4 D4 G#4 F4 E4 |
| 15 | כִּֽי־אַתֶּ֣ם יְדַעְתֶּ֔ם, אֵ֥ת אֲשֶׁר־יָשַׁ֖בְנוּ בְּאֶ֣רֶץ מִצְרָ֑יִם וְאֵ֧ת אֲשֶׁר־עָבַ֛רְנוּ בְּקֶ֥רֶב הַגּוֹיִ֖ם אֲשֶׁ֥ר עֲבַרְתֶּֽם |
E4 :B4 F4 G#4 B4 A4
|
A4 C4 D4 F4 G#4 F4 E4 |
| 16 | וַתִּרְאוּ֙ אֶת־שִׁקּ֣וּצֵיהֶ֔ם, וְאֵ֖ת גִּלֻּלֵיהֶ֑ם עֵ֣ץ וָאֶ֔בֶן, כֶּ֥סֶף וְזָהָ֖ב אֲשֶׁ֥ר עִמָּהֶֽם |
x3
E4 :B4 G#4 A4
|
:B4 F4 G#4 F4 E4 |
| 17 | פֶּן־יֵ֣שׁ בָּ֠כֶם אִ֣ישׁ אוֹ־אִשָּׁ֞ה א֧וֹ מִשְׁפָּחָ֣ה אוֹ־שֵׁ֗בֶט אֲשֶׁר֩ לְבָב֨וֹ פֹנֶ֤ה הַיּוֹם֙ מֵעִם֙ יְהוָ֣ה אֱלֹהֵ֔ינוּ, לָלֶ֣כֶת לַעֲבֹ֔ד, אֶת־אֱלֹהֵ֖י הַגּוֹיִ֣ם הָהֵ֑ם פֶּן־יֵ֣שׁ בָּכֶ֗ם שֹׁ֛רֶשׁ פֹּרֶ֥ה רֹ֖אשׁ וְלַעֲנָֽה |
E4 B4 C4 B4 C5 :B4 G#4 B4 A4
|
A4 B4 D4 F4 G#4 E4 |
| 18 | וְהָיָ֡ה בְּשָׁמְעוֹ֩ אֶת־דִּבְרֵ֨י הָֽאָלָ֜ה הַזֹּ֗את וְהִתְבָּרֵ֨ךְ בִּלְבָב֤וֹ לֵאמֹר֙ שָׁל֣וֹם יִֽהְיֶה־לִּ֔י, כִּ֛י בִּשְׁרִר֥וּת לִבִּ֖י אֵלֵ֑ךְ לְמַ֛עַן סְפ֥וֹת הָרָוָ֖ה אֶת־הַצְּמֵאָֽה |
◆⚲~E4 C5 B4 :E4 D4 F4 G#4 A4
|
A4 D4 F4 G#4 E4 |
| 19 | לֹא־יֹאבֶ֣ה יְהוָה֮ סְלֹ֣חַֽ לוֹ֒ כִּ֣י אָ֠ז יֶעְשַׁ֨ן אַף־יְהוָ֤ה וְקִנְאָתוֹ֙ בָּאִ֣ישׁ הַה֔וּא, וְרָ֤בְצָה בּוֹ֙ כָּל־הָ֣אָלָ֔ה, הַכְּתוּבָ֖ה בַּסֵּ֣פֶר הַזֶּ֑ה וּמָחָ֤ה יְהוָה֙ אֶת־שְׁמ֔וֹ, מִתַּ֖חַת הַשָּׁמָֽיִם |
E4 B4 E4 B4 C5 :B4 C5 :B4 G#4 B4 A4
|
A4 :C5 G#4 E4 |
| 20 | וְהִבְדִּיל֤וֹ יְהוָה֙ לְרָעָ֔ה, מִכֹּ֖ל שִׁבְטֵ֣י יִשְׂרָאֵ֑ל כְּכֹל֙ אָל֣וֹת הַבְּרִ֔ית, הַכְּתוּבָ֕ה בְּסֵ֥פֶר הַתּוֹרָ֖ה הַזֶּֽה |
x2
E4 :C5 G#4 B4 A4
|
A4 :B4 F4 G#4 E4 x3 |
| 21 | וְאָמַ֞ר הַדּ֣וֹר הָֽאַחֲר֗וֹן בְּנֵיכֶם֙ אֲשֶׁ֤ר יָק֙וּמוּ֙ מֵאַ֣חֲרֵיכֶ֔ם, וְהַ֨נָּכְרִ֔י, אֲשֶׁ֥ר יָבֹ֖א מֵאֶ֣רֶץ רְחוֹקָ֑ה וְ֠רָאוּ אֶת־מַכּ֞וֹת הָאָ֤רֶץ הַהִוא֙ וְאֶת־תַּ֣חֲלֻאֶ֔יהָ, אֲשֶׁר־חִלָּ֥ה יְהוָ֖ה בָּֽהּ |
E4 B4 E4 C5 :B4 F4 G#4 B4 A4
|
⚲A4 C5 :B4 F4 G#4 E4 |
| 22 | גָּפְרִ֣ית וָמֶלַח֮ שְׂרֵפָ֣ה כָל־אַרְצָהּ֒ לֹ֤א תִזָּרַע֙ וְלֹ֣א תַצְמִ֔חַ, וְלֹא־יַעֲלֶ֥ה בָ֖הּ כָּל־עֵ֑שֶׂב כְּֽמַהְפֵּכַ֞ת סְדֹ֤ם וַעֲמֹרָה֙ אַדְמָ֣ה וּצְבוֹיִ֔ם, אֲשֶׁר֙ הָפַ֣ךְ יְהוָ֔ה, בְּאַפּ֖וֹ וּבַחֲמָתֽוֹ |
E4 B4 C5 :B4 F4 G#4 A4
|
E4 C5 :B4 G#4 E4 |
| 23 | וְאָֽמְרוּ֙ כָּל־הַגּוֹיִ֔ם, עַל־מֶ֨ה עָשָׂ֧ה יְהוָ֛ה כָּ֖כָה לָאָ֣רֶץ הַזֹּ֑את מֶ֥ה חֳרִ֛י הָאַ֥ף הַגָּד֖וֹל הַזֶּֽה |
:E4 C4 D4 G#4 B4 A4
|
F4 D4 F4 G#4 E4 |
| 24 | וְאָ֣מְר֔וּ, עַ֚ל אֲשֶׁ֣ר עָזְב֔וּ, אֶת־בְּרִ֥ית יְהוָ֖ה אֱלֹהֵ֣י אֲבֹתָ֑ם אֲשֶׁר֙ כָּרַ֣ת עִמָּ֔ם, בְּהוֹצִיא֥וֹ אֹתָ֖ם מֵאֶ֥רֶץ מִצְרָֽיִם |
E4 :B4 C5 :B4 F4 G#4 B4 A4
|
A4 :B4 F4 G#4 F4 E4 |
| 25 | וַיֵּלְכ֗וּ וַיַּֽעַבְדוּ֙ אֱלֹהִ֣ים אֲחֵרִ֔ים, וַיִּֽשְׁתַּחֲוּ֖וּ לָהֶ֑ם אֱלֹהִים֙ אֲשֶׁ֣ר לֹא־יְדָע֔וּם, וְלֹ֥א חָלַ֖ק לָהֶֽם |
◆E4 :B4 E4 G#4 A4
|
A4 :B4 F4 G#4 E4 x3 |
| 26 | וַיִּֽחַר־אַ֥ף יְהוָ֖ה בָּאָ֣רֶץ הַהִ֑וא לְהָבִ֤יא עָלֶ֙יהָ֙ אֶת־כָּל־הַקְּלָלָ֔ה, הַכְּתוּבָ֖ה בַּסֵּ֥פֶר הַזֶּֽה |
x2
E4 F4 G#4 B4 A4
|
A4 :C5 G#4 F4 E4 x2 |
| 27 | וַיִּתְּשֵׁ֤ם יְהוָה֙ מֵעַ֣ל אַדְמָתָ֔ם, בְּאַ֥ף וּבְחֵמָ֖ה וּבְקֶ֣צֶף גָּד֑וֹל וַיַּשְׁלִכֵ֛ם אֶל־אֶ֥רֶץ אַחֶ֖רֶת כַּיּ֥וֹם הַזֶּֽה |
E4 C5 :B4 F4 G#4 B4 A4
|
A4 D4 F4 G#4 F4 E4 |
| 28 | הַ֨נִּסְתָּרֹ֔ת, לַיהוָ֖ה אֱלֹהֵ֑ינוּ וְהַנִּגְלֹ֞ת לָ֤ׄנׄוּׄ וּׄלְׄבָׄנֵׄ֙יׄנׄוּׄ֙ עַד־עוֹלָ֔ם, לַעֲשׂ֕וֹת אֶת־כָּל־דִּבְרֵ֖י הַתּוֹרָ֥ה הַזֹּֽאת ס |
:E4 G#4 A4
|
A4 :C5 G#4 F4 E4 x2 |