📖 Ezekiel — Chapter 8

◀ Prev 📁 Index 🔍 Search Motifs Next ▶

🎼 SHV Aligned Melodic Matrix: EZEKIEL 8

Rows are centered around the main structural cadence. Star highlights a verse beginning on a note other than the tonic.

🎨 Color Mapping Legend (Tonic E4)

C4

D4

E4

F4

F#4

G4

G#4

A4

B4

C5

1	וַיְהִ֣י ׀ בַּשָּׁנָ֣ה הַשִּׁשִּׁ֗ית בַּשִּׁשִּׁי֙ בַּחֲמִשָּׁ֣ה לַחֹ֔דֶשׁ, אֲנִי֙ יוֹשֵׁ֣ב בְּבֵיתִ֔י, וְזִקְנֵ֥י יְהוּדָ֖ה יוֹשְׁבִ֣ים לְפָנָ֑י וַתִּפֹּ֤ל עָלַי֙ שָׁ֔ם, יַ֖ד אֲדֹנָ֥י יְהֹוִֽה	x4 E4 ^:B4 F4 G#4 B4 A4	A4 ^:C5 G#4 F4 E4
2	וָאֶרְאֶ֗ה וְהִנֵּ֤ה דְמוּת֙ כְּמַרְאֵה־אֵ֔שׁ, מִמַּרְאֵ֥ה מָתְנָ֛יו וּלְמַ֖טָּה אֵ֑שׁ וּמִמָּתְנָ֣יו וּלְמַ֔עְלָה, כְּמַרְאֵה־זֹ֖הַר כְּעֵ֥ין הַחַשְׁמַֽלָה	^◆E4 ^:C5 F4 D4 G#4 A4	A4 ^:B4 G#4 F4 E4 x2
3	וַיִּשְׁלַח֙ תַּבְנִ֣ית יָ֔ד, וַיִּקָּחֵ֖נִי בְּצִיצִ֣ת רֹאשִׁ֑י וַתִּשָּׂ֣א אֹתִ֣י ר֣וּחַ ׀ בֵּֽין־הָאָ֣רֶץ וּבֵ֣ין הַשָּׁמַ֡יִם וַתָּבֵא֩ אֹתִ֨י יְרוּשָׁלְַ֜מָה בְּמַרְא֣וֹת אֱלֹהִ֗ים אֶל־פֶּ֜תַח שַׁ֤עַר הַפְּנִימִית֙ הַפּוֹנֶ֣ה צָפ֔וֹנָה, אֲשֶׁר־שָׁ֣ם מוֹשַׁ֔ב, סֵ֖מֶל הַקִּנְאָ֥ה הַמַּקְנֶֽה	x3 E4 ^:B4 G#4 B4 A4	A4 B4 E4 B4 C5 ^:B4 G#4 F4 E4
4	וְהִ֨נֵּה־שָׁ֔ם, כְּב֖וֹד אֱלֹהֵ֣י יִשְׂרָאֵ֑ל כַּמַּרְאֶ֕ה אֲשֶׁ֥ר רָאִ֖יתִי בַּבִּקְעָֽה	^:E4 G#4 B4 A4	A4 F4 G#4 E4 x2
5	וַיֹּ֣אמֶר אֵלַ֔י, בֶּן־אָדָ֕ם שָׂא־נָ֥א עֵינֶ֖יךָ דֶּ֣רֶךְ צָפ֑וֹנָה וָאֶשָּׂ֤א עֵינַי֙ דֶּ֣רֶךְ צָפ֔וֹנָה, וְהִנֵּ֤ה מִצָּפוֹן֙ לְשַׁ֣עַר הַמִּזְבֵּ֔חַ, סֵ֛מֶל הַקִּנְאָ֥ה הַזֶּ֖ה בַּבִּאָֽה	x4 E4 ^:B4 F4 G#4 B4 A4	A4 C5 ^:B4 C5 ^:B4 D4 F4 G#4 E4
6	וַיֹּ֣אמֶר אֵלַ֔י, בֶּן־אָדָ֕ם הֲרֹאֶ֥ה אַתָּ֖ה מָ֣ה הֵ֣ם עֹשִׂ֑ים תּוֹעֵב֨וֹת גְּדֹל֜וֹת אֲשֶׁ֥ר בֵּ֥ית־יִשְׂרָאֵ֣ל ׀ עֹשִׂ֣ים פֹּ֗ה לְרָֽחֳקָה֙ מֵעַ֣ל מִקְדָּשִׁ֔י, וְעוֹד֙ תָּשׁ֣וּב תִּרְאֶ֔ה, תּוֹעֵב֖וֹת גְּדֹלֽוֹת פ	x4 E4 ^:B4 F4 G#4 B4 A4	A4 F4 B4 E4 ^:B4 G#4 E4
7	וַיָּבֵ֥א אֹתִ֖י אֶל־פֶּ֣תַח הֶחָצֵ֑ר וָאֶרְאֶ֕ה וְהִנֵּ֥ה חֹר־אֶחָ֖ד בַּקִּֽיר	x2 E4 F4 G#4 B4 A4	A4 F4 G#4 E4 x2
8	וַיֹּ֣אמֶר אֵלַ֔י, בֶּן־אָדָ֖ם חֲתָר־נָ֣א בַקִּ֑יר וָאֶחְתֹּ֣ר בַּקִּ֔יר, וְהִנֵּ֖ה פֶּ֥תַח אֶחָֽד ס	x3 E4 ^:B4 G#4 B4 A4	A4 ^:B4 G#4 F4 E4 x2
9	וַיֹּ֖אמֶר אֵלָ֑י בֹּ֤א וּרְאֵה֙ אֶת־הַתּוֹעֵב֣וֹת הָרָע֔וֹת, אֲשֶׁ֛ר הֵ֥ם עֹשִׂ֖ים פֹּֽה	x2 E4 G#4 A4	C5 ^:B4 D4 F4 G#4 E4
10	וָאָבוֹא֮ וָֽאֶרְאֶה֒ וְהִנֵּ֨ה כָל־תַּבְנִ֜ית רֶ֤מֶשׂ וּבְהֵמָה֙ שֶׁ֔קֶץ, וְכָל־גִּלּוּלֵ֖י בֵּ֣ית יִשְׂרָאֵ֑ל מְחֻקֶּ֥ה עַל־הַקִּ֖יר סָבִ֥יב ׀ סָבִֽיב	^∾E4 ^:C5 G#4 B4 A4	A4 F4 G#4 F4 E4
11	וְשִׁבְעִ֣ים אִ֣ישׁ מִזִּקְנֵ֣י בֵֽית־יִ֠שְׂרָאֵל וְיַאֲזַנְיָ֨הוּ בֶן־שָׁפָ֜ן עֹמֵ֤ד בְּתוֹכָם֙ עֹמְדִ֣ים לִפְנֵיהֶ֔ם, וְאִ֥ישׁ מִקְטַרְתּ֖וֹ בְּיָד֑וֹ וַעֲתַ֥ר עֲנַֽן־הַקְּטֹ֖רֶת עֹלֶֽה	E4 B4 E4 C5 ^:B4 F4 G#4 A4	A4 F4 E4 G#4 E4
12	וַיֹּ֣אמֶר אֵלַי֮ הֲרָאִ֣יתָ בֶן־אָדָם֒ אֲשֶׁ֨ר זִקְנֵ֤י בֵֽית־יִשְׂרָאֵל֙ עֹשִׂ֣ים בַּחֹ֔שֶׁךְ, אִ֖ישׁ בְּחַדְרֵ֣י מַשְׂכִּית֑וֹ כִּ֣י אֹמְרִ֗ים אֵ֤ין יְהוָה֙ רֹאֶ֣ה אֹתָ֔נוּ, עָזַ֥ב יְהוָ֖ה אֶת־הָאָֽרֶץ	E4 B4 C5 E4 ^:B4 G#4 B4 A4	^◆B4 C5 ^:B4 F4 G#4 E4
13	וַיֹּ֖אמֶר אֵלָ֑י ע֣וֹד תָּשׁ֥וּב תִּרְאֶ֛ה תּוֹעֵב֥וֹת גְּדֹל֖וֹת אֲשֶׁר־הֵ֥מָּה עֹשִֽׂים	x2 E4 G#4 A4	B4 F4 D4 F4 G#4 F4 E4
14	וַיָּבֵ֣א אֹתִ֗י אֶל־פֶּ֙תַח֙ שַׁ֣עַר בֵּית־יְהוָ֔ה, אֲשֶׁ֖ר אֶל־הַצָּפ֑וֹנָה וְהִנֵּה־שָׁם֙ הַנָּשִׁ֣ים יֹשְׁב֔וֹת, מְבַכּ֖וֹת אֶת־הַתַּמּֽוּז ס	E4 ^:B4 G#4 A4	A4 ^:B4 G#4 E4
15	וַיֹּ֥אמֶר אֵלַ֖י הֲרָאִ֣יתָ בֶן־אָדָ֑ם ע֣וֹד תָּשׁ֥וּב תִּרְאֶ֛ה תּוֹעֵב֥וֹת גְּדֹל֖וֹת מֵאֵֽלֶּה	x2 E4 F4 G#4 B4 A4	B4 F4 D4 F4 G#4 E4
16	וַיָּבֵ֣א אֹתִ֗י אֶל־חֲצַ֣ר בֵּית־יְהוָה֮ הַפְּנִימִית֒ וְהִנֵּה־פֶ֜תַח הֵיכַ֣ל יְהוָ֗ה בֵּ֤ין הָֽאוּלָם֙ וּבֵ֣ין הַמִּזְבֵּ֔חַ, כְּעֶשְׂרִ֥ים וַחֲמִשָּׁ֖ה אִ֑ישׁ אֲחֹ֨רֵיהֶ֜ם אֶל־הֵיכַ֤ל יְהוָה֙ וּפְנֵיהֶ֣ם קֵ֔דְמָה, וְהֵ֛מָּה מִשְׁתַּחֲוִיתֶ֥ם קֵ֖דְמָה לַשָּֽׁמֶשׁ	E4 B4 C5 E4 ^:B4 F4 G#4 A4	A4 C5 ^:B4 D4 F4 G#4 E4
17	וַיֹּ֣אמֶר אֵלַי֮ הֲרָאִ֣יתָ בֶן־אָדָם֒ הֲנָקֵל֙ לְבֵ֣ית יְהוּדָ֔ה, מֵעֲשׂ֕וֹת אֶת־הַתּוֹעֵב֖וֹת אֲשֶׁ֣ר עָשׂוּ־פֹ֑ה כִּֽי־מָלְא֨וּ אֶת־הָאָ֜רֶץ חָמָ֗ס וַיָּשֻׁ֙בוּ֙ לְהַכְעִיסֵ֔נִי, וְהִנָּ֛ם שֹׁלְחִ֥ים אֶת־הַזְּמוֹרָ֖ה אֶל־אַפָּֽם	x3 E4 ^:B4 G#4 B4 A4	^◆^:E4 D4 F4 G#4 E4
18	וְגַם־אֲנִי֙ אֶעֱשֶׂ֣ה בְחֵמָ֔ה, לֹא־תָח֥וֹס עֵינִ֖י וְלֹ֣א אֶחְמֹ֑ל וְקָרְא֤וּ בְאָזְנַי֙ ק֣וֹל גָּד֔וֹל, וְלֹ֥א אֶשְׁמַ֖ע אוֹתָֽם	x4 E4 ^:B4 F4 G#4 B4 A4	A4 C5 ^:B4 F4 G#4 E4