📖 Genesis — Chapter 12

🎼 SHV Aligned Melodic Matrix: GENESIS 12

Rows are centered around the main structural cadence. Star highlights a verse beginning on a note other than the tonic.

🎨 Color Mapping Legend (Tonic E4)

F#4

G#4

1	וַיֹּ֤אמֶר יְהוָה֙ אֶל־אַבְרָ֔ם, לֶךְ־לְךָ֛ מֵאַרְצְךָ֥ וּמִמּֽוֹלַדְתְּךָ֖ וּמִבֵּ֣ית אָבִ֑יךָ אֶל־הָאָ֖רֶץ אֲשֶׁ֥ר אַרְאֶֽךָּ	E4 ^:C5 D4 F4 E4 G#4 B4 A4	A4 G#4 F4 E4
2	וְאֶֽעֶשְׂךָ֙ לְג֣וֹי גָּד֔וֹל, וַאֲבָ֣רֶכְךָ֔, וַאֲגַדְּלָ֖ה שְׁמֶ֑ךָ וֶהְיֵ֖ה בְּרָכָֽה	x2 E4 ^:B4 G#4 A4	A4 G#4 E4
3	וַאֲבָֽרֲכָה֙ מְבָ֣רְכֶ֔יךָ, וּמְקַלֶּלְךָ֖ אָאֹ֑ר וְנִבְרְכ֣וּ בְךָ֔, כֹּ֖ל מִשְׁפְּחֹ֥ת הָאֲדָמָֽה	x2 E4 ^:B4 G#4 A4	A4 ^:B4 G#4 F4 E4 x2
4	וַיֵּ֣לֶךְ אַבְרָ֗ם כַּאֲשֶׁ֨ר דִּבֶּ֤ר אֵלָיו֙ יְהוָ֔ה, וַיֵּ֥לֶךְ אִתּ֖וֹ ל֑וֹט וְאַבְרָ֗ם בֶּן־חָמֵ֤שׁ שָׁנִים֙ וְשִׁבְעִ֣ים שָׁנָ֔ה, בְּצֵאת֖וֹ מֵחָרָֽן	E4 B4 ^:C5 F4 G#4 A4	^◆A4 C5 ^:B4 G#4 E4
5	וַיִּקַּ֣ח אַבְרָם֩ אֶת־שָׂרַ֨י אִשְׁתּ֜וֹ וְאֶת־ל֣וֹט בֶּן־אָחִ֗יו וְאֶת־כָּל־רְכוּשָׁם֙ אֲשֶׁ֣ר רָכָ֔שׁוּ, וְאֶת־הַנֶּ֖פֶשׁ אֲשֶׁר־עָשׂ֣וּ בְחָרָ֑ן וַיֵּצְא֗וּ לָלֶ֙כֶת֙ אַ֣רְצָה כְּנַ֔עַן, וַיָּבֹ֖אוּ אַ֥רְצָה כְּנָֽעַן	E4 ^:B4 G#4 B4 A4	^◆A4 ^:B4 G#4 F4 E4 x2
6	וַיַּעֲבֹ֤ר אַבְרָם֙ בָּאָ֔רֶץ, עַ֚ד מְק֣וֹם שְׁכֶ֔ם, עַ֖ד אֵל֣וֹן מוֹרֶ֑ה וְהַֽכְּנַעֲנִ֖י אָ֥ז בָּאָֽרֶץ	E4 ^:C5 ^:B4 G#4 B4 A4	A4 E4 G#4 F4 E4
7	וַיֵּרָ֤א יְהוָה֙ אֶל־אַבְרָ֔ם, וַיֹּ֕אמֶר לְזַ֨רְעֲךָ֔, אֶתֵּ֖ן אֶת־הָאָ֣רֶץ הַזֹּ֑את וַיִּ֤בֶן שָׁם֙ מִזְבֵּ֔חַ, לַיהוָ֖ה הַנִּרְאֶ֥ה אֵלָֽיו	x3 E4 ^:C5 G#4 B4 A4	A4 ^:C5 G#4 F4 E4
8	וַיַּעְתֵּ֨ק מִשָּׁ֜ם הָהָ֗רָה מִקֶּ֛דֶם לְבֵֽית־אֵ֖ל וַיֵּ֣ט אָהֳלֹ֑ה בֵּֽית־אֵ֤ל מִיָּם֙ וְהָעַ֣י מִקֶּ֔דֶם, וַיִּֽבֶן־שָׁ֤ם מִזְבֵּ֙חַ֙ לַֽיהוָ֔ה, וַיִּקְרָ֖א בְּשֵׁ֥ם יְהוָֽה	^◆E4 D4 E4 G#4 B4 A4	E4 C5 ^:B4 E4 C5 ^:E4 G#4 F4 E4
9	וַיִּסַּ֣ע אַבְרָ֔ם, הָל֥וֹךְ וְנָס֖וֹעַ הַנֶּֽגְבָּה פ		E4 ^:B4 F4 G#4 E4
10	וַיְהִ֥י רָעָ֖ב בָּאָ֑רֶץ וַיֵּ֨רֶד אַבְרָ֤ם מִצְרַ֙יְמָה֙ לָג֣וּר שָׁ֔ם, כִּֽי־כָבֵ֥ד הָרָעָ֖ב בָּאָֽרֶץ	x3 E4 F4 G#4 A4	A4 C5 ^:B4 E4 F4 G#4 E4 x2
11	וַיְהִ֕י כַּאֲשֶׁ֥ר הִקְרִ֖יב לָב֣וֹא מִצְרָ֑יְמָה וַיֹּ֙אמֶר֙ אֶל־שָׂרַ֣י אִשְׁתּ֔וֹ, הִנֵּה־נָ֣א יָדַ֔עְתִּי, כִּ֛י אִשָּׁ֥ה יְפַת־מַרְאֶ֖ה אָֽתְּ	E4 F4 G#4 B4 A4	A4 ^:B4 D4 F4 G#4 E4
12	וְהָיָ֗ה כִּֽי־יִרְא֤וּ אֹתָךְ֙ הַמִּצְרִ֔ים, וְאָמְר֖וּ אִשְׁתּ֣וֹ זֹ֑את וְהָרְג֥וּ אֹתִ֖י וְאֹתָ֥ךְ יְחַיּֽוּ	x3 ^◆E4 ^:C5 G#4 B4 A4	A4 F4 G#4 F4 E4 x4
13	אִמְרִי־נָ֖א אֲחֹ֣תִי אָ֑תְּ לְמַ֙עַן֙ יִֽיטַב־לִ֣י בַעֲבוּרֵ֔ךְ, וְחָיְתָ֥ה נַפְשִׁ֖י בִּגְלָלֵֽךְ	E4 G#4 B4 A4	A4 E4 ^:B4 F4 G#4 E4
14	וַיְהִ֕י כְּב֥וֹא אַבְרָ֖ם מִצְרָ֑יְמָה וַיִּרְא֤וּ הַמִּצְרִים֙ אֶת־הָ֣אִשָּׁ֔ה, כִּֽי־יָפָ֥ה הִ֖וא מְאֹֽד	x3 E4 F4 G#4 A4	A4 C5 ^:B4 E4 F4 G#4 E4 x2
15	וַיִּרְא֤וּ אֹתָהּ֙ שָׂרֵ֣י פַרְעֹ֔ה, וַיְהַֽלְל֥וּ אֹתָ֖הּ אֶל־פַּרְעֹ֑ה וַתֻּקַּ֥ח הָאִשָּׁ֖ה בֵּ֥ית פַּרְעֹֽה	E4 C5 ^:B4 E4 F4 G#4 A4	A4 F4 G#4 F4 E4 x4
16	וּלְאַבְרָ֥ם הֵיטִ֖יב בַּעֲבוּרָ֑הּ וַֽיְהִי־ל֤וֹ צֹאן־וּבָקָר֙ וַֽחֲמֹרִ֔ים, וַעֲבָדִים֙ וּשְׁפָחֹ֔ת, וַאֲתֹנֹ֖ת וּגְמַלִּֽים	x3 E4 F4 G#4 A4	E4 C5 ^:E4 G#4 E4
17	וַיְנַגַּ֨ע יְהוָ֧ה ׀ אֶת־פַּרְעֹ֛ה נְגָעִ֥ים גְּדֹלִ֖ים וְאֶת־בֵּית֑וֹ עַל־דְּבַ֥ר שָׂרַ֖י אֵ֥שֶׁת אַבְרָֽם	E4 C4 D4 F4 G#4 A4	A4 F4 G#4 F4 E4 x4
18	וַיִּקְרָ֤א פַרְעֹה֙ לְאַבְרָ֔ם, וַיֹּ֕אמֶר מַה־זֹּ֖את עָשִׂ֣יתָ לִּ֑י לָ֚מָּה לֹא־הִגַּ֣דְתָּ לִּ֔י, כִּ֥י אִשְׁתְּךָ֖ הִֽוא	x3 E4 ^:C5 G#4 B4 A4	C5 ^:B4 F4 G#4 E4
19	לָמָ֤ה אָמַ֙רְתָּ֙ אֲחֹ֣תִי הִ֔וא, וָאֶקַּ֥ח אֹתָ֛הּ לִ֖י לְאִשָּׁ֑ה וְעַתָּ֕ה הִנֵּ֥ה אִשְׁתְּךָ֖ קַ֥ח וָלֵֽךְ	E4 C5 ^:B4 F4 D4 G#4 A4	A4 F4 G#4 F4 E4 x4
20	וַיְצַ֥ו עָלָ֛יו פַּרְעֹ֖ה אֲנָשִׁ֑ים וַֽיְשַׁלְּח֥וּ אֹת֛וֹ וְאֶת־אִשְׁתּ֖וֹ וְאֶת־כָּל־אֲשֶׁר־לֽוֹ	E4 F4 D4 G#4 A4	E4 F4 D4 G#4 E4