📖 Isaiah — Chapter 25

◀ Prev 📁 Index 🔍 Search Motifs Next ▶

🎼 SHV Aligned Melodic Matrix: ISAIAH 25

Rows are centered around the main structural cadence. Star highlights a verse beginning on a note other than the tonic.

🎨 Color Mapping Legend (Tonic E4)

C4

D4

E4

F4

F#4

G4

G#4

A4

B4

C5

1	יְהוָ֤ה אֱלֹהַי֙ אַתָּ֔ה, אֲרֽוֹמִמְךָ֙ אוֹדֶ֣ה שִׁמְךָ֔, כִּ֥י עָשִׂ֖יתָ פֶּ֑לֶא עֵצ֥וֹת מֵרָח֖וֹק אֱמ֥וּנָה אֹֽמֶן	E4 ^:C5 E4 ^:B4 F4 G#4 A4	A4 F4 G#4 F4 E4
2	כִּ֣י שַׂ֤מְתָּ מֵעִיר֙ לַגָּ֔ל, קִרְיָ֥ה בְצוּרָ֖ה לְמַפֵּלָ֑ה אַרְמ֤וֹן זָרִים֙ מֵעִ֔יר, לְעוֹלָ֖ם לֹ֥א יִבָּנֶֽה	★ B4 ^:C5 F4 G#4 A4	A4 ^:C5 G#4 F4 E4
3	עַל־כֵּ֖ן יְכַבְּד֣וּךָ עַם־עָ֑ז קִרְיַ֛ת גּוֹיִ֥ם עָרִיצִ֖ים יִירָאֽוּךָ	E4 G#4 B4 A4	A4 D4 F4 G#4 E4
4	כִּֽי־הָיִ֨יתָ מָע֥וֹז לַדָּ֛ל מָע֥וֹז לָאֶבְי֖וֹן בַּצַּר־ל֑וֹ מַחְסֶ֤ה מִזֶּ֙רֶם֙ צֵ֣ל מֵחֹ֔רֶב, כִּ֛י ר֥וּחַ עָרִיצִ֖ים כְּזֶ֥רֶם קִֽיר	E4 F4 D4 F4 G#4 A4	A4 C5 ^:B4 D4 F4 G#4 F4 E4
5	כְּחֹ֣רֶב בְּצָי֔וֹן, שְׁא֥וֹן זָרִ֖ים תַּכְנִ֑יעַ חֹ֚רֶב בְּצֵ֣ל עָ֔ב, זְמִ֥יר עָרִיצִ֖ים יַעֲנֶֽה פ	E4 ^:B4 F4 G#4 A4	C5 ^:B4 F4 G#4 E4 x2
6	וְעָשָׂה֩ יְהוָ֨ה צְבָא֜וֹת לְכָל־הָֽעַמִּים֙ בָּהָ֣ר הַזֶּ֔ה, מִשְׁתֵּ֥ה שְׁמָנִ֖ים מִשְׁתֵּ֣ה שְׁמָרִ֑ים שְׁמָנִים֙ מְמֻ֣חָיִ֔ם, שְׁמָרִ֖ים מְזֻקָּקִֽים	^⚲E4 ^:B4 F4 G#4 B4 A4	A4 ^:B4 G#4 E4
7	וּבִלַּע֙ בָּהָ֣ר הַזֶּ֔ה, פְּנֵֽי־הַלּ֥וֹט ׀ הַלּ֖וֹט עַל־כָּל־הָעַמִּ֑ים וְהַמַּסֵּכָ֥ה הַנְּסוּכָ֖ה עַל־כָּל־הַגּוֹיִֽם	E4 ^:B4 E4 F4 G#4 A4	A4 F4 G#4 E4
8	בִּלַּ֤ע הַמָּ֙וֶת֙ לָנֶ֔צַח, וּמָחָ֨ה אֲדֹנָ֧י יְהוִ֛ה דִּמְעָ֖ה מֵעַ֣ל כָּל־פָּנִ֑ים וְחֶרְפַּ֣ת עַמּ֗וֹ יָסִיר֙ מֵעַ֣ל כָּל־הָאָ֔רֶץ, כִּ֥י יְהוָ֖ה דִּבֵּֽר פ	E4 ^:C5 C4 D4 G#4 B4 A4	A4 ^:B4 F4 G#4 E4
9	וְאָמַר֙ בַּיּ֣וֹם הַה֔וּא, הִנֵּ֨ה אֱלֹהֵ֥ינוּ זֶ֛ה קִוִּ֥ינוּ ל֖וֹ וְיוֹשִׁיעֵ֑נוּ זֶ֤ה יְהוָה֙ קִוִּ֣ינוּ ל֔וֹ, נָגִ֥ילָה וְנִשְׂמְחָ֖ה בִּישׁוּעָתֽוֹ	E4 ^:B4 F4 D4 F4 G#4 A4	C5 ^:B4 F4 G#4 E4 x2
10	כִּֽי־תָנ֥וּחַ יַד־יְהוָ֖ה בָּהָ֣ר הַזֶּ֑ה וְנָ֤דוֹשׁ מוֹאָב֙ תַּחְתָּ֔יו, כְּהִדּ֥וּשׁ מַתְבֵּ֖ן בְּמ֥וֹ מַדְמֵנָֽה	E4 F4 G#4 B4 A4	A4 ^:C5 F4 G#4 F4 E4
11	וּפֵרַ֤שׂ יָדָיו֙ בְּקִרְבּ֔וֹ, כַּאֲשֶׁ֛ר יְפָרֵ֥שׂ הַשֹּׂחֶ֖ה לִשְׂח֑וֹת וְהִשְׁפִּיל֙ גַּאֲוָת֔וֹ, עִ֖ם אָרְבּ֥וֹת יָדָֽיו	E4 ^:C5 D4 F4 G#4 A4	^:A4 G#4 F4 E4
12	וּמִבְצַ֞ר מִשְׂגַּ֣ב חוֹמֹתֶ֗יךָ הֵשַׁ֥ח הִשְׁפִּ֛יל הִגִּ֥יעַ לָאָ֖רֶץ עַד־עָפָֽר ס		E4 B4 F4 D4 F4 G#4 E4