📖 Judges — Chapter 1

🎼 SHV Aligned Melodic Matrix: JUDGES 1

Rows are centered around the main structural cadence. Star highlights a verse beginning on a note other than the tonic.

🎨 Color Mapping Legend (Tonic E4)

F#4

G#4

1	וַיְהִ֗י אַחֲרֵי֙ מ֣וֹת יְהוֹשֻׁ֔עַ, וַֽיִּשְׁאֲלוּ֙ בְּנֵ֣י יִשְׂרָאֵ֔ל, בַּיהוָ֖ה לֵאמֹ֑ר מִ֣י יַעֲלֶה־לָּ֧נוּ אֶל־הַֽכְּנַעֲנִ֛י בַּתְּחִלָּ֖ה לְהִלָּ֥חֶם בּֽוֹ	^◆E4 ^:B4 E4 ^:B4 G#4 A4	B4 C4 E4 D4 G#4 F4 E4
2	וַיֹּ֣אמֶר יְהוָ֖ה יְהוּדָ֣ה יַעֲלֶ֑ה הִנֵּ֛ה נָתַ֥תִּי אֶת־הָאָ֖רֶץ בְּיָדֽוֹ	x2 E4 B4 G#4 B4 A4	A4 D4 F4 G#4 E4 x3
3	וַיֹּ֣אמֶר יְהוּדָה֩ לְשִׁמְע֨וֹן אָחִ֜יו עֲלֵ֧ה אִתִּ֣י בְגוֹרָלִ֗י וְנִֽלָּחֲמָה֙ בַּֽכְּנַעֲנִ֔י, וְהָלַכְתִּ֧י גַם־אֲנִ֛י אִתְּךָ֖ בְּגוֹרָלֶ֑ךָ וַיֵּ֥לֶךְ אִתּ֖וֹ שִׁמְעֽוֹן	E4 B4 C4 B4 ^:E4 C4 D4 G#4 A4	A4 F4 G#4 E4 x4
4	וַיַּ֣עַל יְהוּדָ֔ה, וַיִּתֵּ֧ן יְהוָ֛ה אֶת־הַכְּנַעֲנִ֥י וְהַפְּרִזִּ֖י בְּיָדָ֑ם וַיַּכּ֣וּם בְּבֶ֔זֶק, עֲשֶׂ֥רֶת אֲלָפִ֖ים אִֽישׁ	E4 ^:B4 C4 D4 F4 G#4 A4	A4 ^:B4 F4 G#4 E4 x2
5	וַֽ֠יִּמְצְאוּ אֶת־אֲדֹנִ֥י בֶ֙זֶק֙ בְּבֶ֔זֶק, וַיִּֽלָּחֲמ֖וּ בּ֑וֹ וַיַּכּ֕וּ אֶת־הַֽכְּנַעֲנִ֖י וְאֶת־הַפְּרִזִּֽי	^⚲E4 ^:F4 E4 G#4 A4	A4 E4 G#4 E4
6	וַיָּ֙נָס֙ אֲדֹ֣נִי בֶ֔זֶק, וַֽיִּרְדְּפ֖וּ אַחֲרָ֑יו וַיֹּאחֲז֣וּ אֹת֔וֹ, וַֽיְקַצְּצ֔וּ, אֶת־בְּהֹנ֥וֹת יָדָ֖יו וְרַגְלָֽיו	E4 ^:B4 E4 G#4 A4	A4 ^:B4 ^:E4 F4 G#4 E4
7	וַיֹּ֣אמֶר אֲדֹֽנִי־בֶ֗זֶק שִׁבְעִ֣ים ׀ מְלָכִ֡ים בְּֽהֹנוֹת֩ יְדֵיהֶ֨ם וְרַגְלֵיהֶ֜ם מְקֻצָּצִ֗ים הָי֤וּ מְלַקְּטִים֙ תַּ֣חַת שֻׁלְחָנִ֔י, כַּאֲשֶׁ֣ר עָשִׂ֔יתִי, כֵּ֥ן שִׁלַּם־לִ֖י אֱלֹהִ֑ים וַיְבִיאֻ֥הוּ יְרוּשָׁלִַ֖ם וַיָּ֥מָת שָֽׁם פ	E4 B4 E4 B4 E4 C5 ^:B4 F4 G#4 A4	A4 F4 G#4 F4 E4 x2
8	וַיִּלָּחֲמ֤וּ בְנֵֽי־יְהוּדָה֙ בִּיר֣וּשָׁלִַ֔ם, וַיִּלְכְּד֣וּ אוֹתָ֔הּ, וַיַּכּ֖וּהָ לְפִי־חָ֑רֶב וְאֶת־הָעִ֖יר שִׁלְּח֥וּ בָאֵֽשׁ	E4 C5 E4 ^:B4 G#4 A4	A4 G#4 F4 E4 x3
9	וְאַחַ֗ר יָֽרְדוּ֙ בְּנֵ֣י יְהוּדָ֔ה, לְהִלָּחֵ֖ם בַּֽכְּנַעֲנִ֑י יוֹשֵׁ֣ב הָהָ֔ר, וְהַנֶּ֖גֶב וְהַשְּׁפֵלָֽה	^◆E4 ^:B4 G#4 E4 A4	A4 ^:B4 G#4 E4 x2
10	וַיֵּ֣לֶךְ יְהוּדָ֗ה אֶל־הַֽכְּנַעֲנִי֙ הַיּוֹשֵׁ֣ב בְּחֶבְר֔וֹן, וְשֵׁם־חֶבְר֥וֹן לְפָנִ֖ים קִרְיַ֣ת אַרְבַּ֑ע וַיַּכּ֛וּ אֶת־שֵׁשַׁ֥י וְאֶת־אֲחִימַ֖ן וְאֶת־תַּלְמָֽי	E4 B4 E4 ^:B4 F4 G#4 B4 A4	A4 D4 F4 G#4 E4 x3
11	וַיֵּ֣לֶךְ מִשָּׁ֔ם, אֶל־יוֹשְׁבֵ֖י דְּבִ֑יר וְשֵׁם־דְּבִ֥יר לְפָנִ֖ים קִרְיַת־סֵֽפֶר	x2 E4 ^:B4 G#4 A4	A4 F4 G#4 E4 x4
12	וַיֹּ֣אמֶר כָּלֵ֔ב, אֲשֶׁר־יַכֶּ֥ה אֶת־קִרְיַת־סֵ֖פֶר וּלְכָדָ֑הּ וְנָתַ֥תִּי ל֛וֹ אֶת־עַכְסָ֥ה בִתִּ֖י לְאִשָּֽׁה	x2 E4 ^:B4 F4 G#4 A4	A4 F4 D4 F4 G#4 E4
13	וַֽיִּלְכְּדָהּ֙ עָתְנִיאֵ֣ל בֶּן־קְנַ֔ז, אֲחִ֥י כָלֵ֖ב הַקָּטֹ֣ן מִמֶּ֑נּוּ וַיִּתֶּן־ל֛וֹ אֶת־עַכְסָ֥ה בִתּ֖וֹ לְאִשָּֽׁה	x2 E4 ^:B4 F4 G#4 B4 A4	A4 D4 F4 G#4 E4 x3
14	וַיְהִ֣י בְּבוֹאָ֗הּ וַתְּסִיתֵ֙הוּ֙ לִשְׁא֤וֹל מֵֽאֵת־אָבִ֙יהָ֙ הַשָּׂדֶ֔ה, וַתִּצְנַ֖ח מֵעַ֣ל הַחֲמ֑וֹר וַיֹּֽאמֶר־לָ֥הּ כָּלֵ֖ב מַה־לָּֽךְ	E4 B4 C5 ^:E4 G#4 B4 A4	A4 E4 F4 G#4 E4
15	וַתֹּ֨אמֶר ל֜וֹ הָֽבָה־לִּ֣י בְרָכָ֗ה כִּ֣י אֶ֤רֶץ הַנֶּ֙גֶב֙ נְתַתָּ֔נִי, וְנָתַתָּ֥ה לִ֖י גֻּלֹּ֣ת מָ֑יִם וַיִּתֶּן־לָ֣הּ כָּלֵ֗ב אֵ֚ת גֻּלֹּ֣ת עִלִּ֔ית, וְאֵ֖ת גֻּלֹּ֥ת תַּחְתִּֽית פ	E4 B4 ^:C5 F4 G#4 B4 A4	A4 B4 C5 ^:B4 G#4 F4 E4 x2
16	וּבְנֵ֣י קֵינִי֩ חֹתֵ֨ן מֹשֶׁ֜ה עָל֨וּ מֵעִ֤יר הַתְּמָרִים֙ אֶת־בְּנֵ֣י יְהוּדָ֔ה, מִדְבַּ֣ר יְהוּדָ֔ה, אֲשֶׁ֖ר בְּנֶ֣גֶב עֲרָ֑ד וַיֵּ֖לֶךְ וַיֵּ֥שֶׁב אֶת־הָעָֽם	E4 B4 C5 ^:B4 G#4 B4 A4	A4 G#4 F4 E4 x3
17	וַיֵּ֤לֶךְ יְהוּדָה֙ אֶת־שִׁמְע֣וֹן אָחִ֔יו, וַיַּכּ֕וּ אֶת־הַֽכְּנַעֲנִ֖י יוֹשֵׁ֣ב צְפַ֑ת וַיַּחֲרִ֣ימוּ אוֹתָ֔הּ, וַיִּקְרָ֥א אֶת־שֵׁם־הָעִ֖יר חָרְמָֽה	E4 C5 ^:B4 E4 G#4 B4 A4	A4 ^:B4 F4 G#4 E4 x2
18	וַיִּלְכֹּ֤ד יְהוּדָה֙ אֶת־עַזָּ֣ה וְאֶת־גְּבוּלָ֔הּ, וְאֶֽת־אַשְׁקְל֖וֹן וְאֶת־גְּבוּלָ֑הּ וְאֶת־עֶקְר֖וֹן וְאֶת־גְּבוּלָֽהּ	E4 C5 ^:B4 E4 G#4 A4	A4 G#4 E4 x2
19	וַיְהִ֤י יְהוָה֙ אֶתּ־יְהוּדָ֔ה, וַיֹּ֖רֶשׁ אֶת־הָהָ֑ר כִּ֣י לֹ֤א לְהוֹרִישׁ֙ אֶת־יֹשְׁבֵ֣י הָעֵ֔מֶק, כִּי־רֶ֥כֶב בַּרְזֶ֖ל לָהֶֽם	E4 ^:C5 G#4 A4	B4 C5 ^:B4 F4 G#4 E4
20	וַיִּתְּנ֤וּ לְכָלֵב֙ אֶת־חֶבְר֔וֹן, כַּאֲשֶׁ֖ר דִּבֶּ֣ר מֹשֶׁ֑ה וַיּ֣וֹרֶשׁ מִשָּׁ֔ם, אֶת־שְׁלֹשָׁ֖ה בְּנֵ֥י הָעֲנָֽק	E4 ^:C5 G#4 B4 A4	A4 ^:B4 G#4 F4 E4
21	וְאֶת־הַיְבוּסִי֙ יֹשֵׁ֣ב יְרוּשָׁלִַ֔ם, לֹ֥א הוֹרִ֖ישׁוּ בְּנֵ֣י בִנְיָמִ֑ן וַיֵּ֨שֶׁב הַיְבוּסִ֜י אֶת־בְּנֵ֤י בִנְיָמִן֙ בִּיר֣וּשָׁלִַ֔ם, עַ֖ד הַיּ֥וֹם הַזֶּֽה פ	x2 E4 ^:B4 F4 G#4 B4 A4	A4 C5 ^:B4 G#4 F4 E4
22	וַיַּעֲל֧וּ בֵית־יוֹסֵ֛ף גַּם־הֵ֖ם בֵּֽית־אֵ֑ל וַֽיהוָ֖ה עִמָּֽם	E4 C4 D4 G#4 E4 A4	E4 G#4 E4
23	וַיָּתִ֥ירוּ בֵית־יוֹסֵ֖ף בְּבֵֽית־אֵ֑ל וְשֵׁם־הָעִ֥יר לְפָנִ֖ים לֽוּז	E4 F4 G#4 E4 A4	A4 F4 G#4 E4 x4
24	וַיִּרְאוּ֙ הַשֹּׁ֣מְרִ֔ים, אִ֖ישׁ יוֹצֵ֣א מִן־הָעִ֑יר וַיֹּ֣אמְרוּ ל֗וֹ הַרְאֵ֤נוּ נָא֙ אֶת־מְב֣וֹא הָעִ֔יר, וְעָשִׂ֥ינוּ עִמְּךָ֖ חָֽסֶד	x2 E4 ^:B4 G#4 B4 A4	A4 B4 C5 ^:B4 F4 G#4 E4
25	וַיַּרְאֵם֙ אֶת־מְב֣וֹא הָעִ֔יר, וַיַּכּ֥וּ אֶת־הָעִ֖יר לְפִי־חָ֑רֶב וְאֶת־הָאִ֥ישׁ וְאֶת־כָּל־מִשְׁפַּחְתּ֖וֹ שִׁלֵּֽחוּ	x2 E4 ^:B4 F4 G#4 A4	A4 F4 G#4 E4 x4
26	וַיֵּ֣לֶךְ הָאִ֔ישׁ, אֶ֖רֶץ הַחִתִּ֑ים וַיִּ֣בֶן עִ֗יר וַיִּקְרָ֤א שְׁמָהּ֙ ל֔וּז, ה֣וּא שְׁמָ֔הּ, עַ֖ד הַיּ֥וֹם הַזֶּֽה פ	x2 E4 ^:B4 G#4 A4	A4 B4 ^:C5 ^:B4 G#4 F4 E4 x2
27	וְלֹא־הוֹרִ֣ישׁ מְנַשֶּׁ֗ה אֶת־בֵּית־שְׁאָ֣ן וְאֶת־בְּנוֹתֶיהָ֮ וְאֶת־תַּעְנַ֣ךְ וְאֶת־בְּנֹתֶיהָ֒ וְאֶת־יֹשְׁבֵ֨י ד֜וֹר וְאֶת־בְּנוֹתֶ֗יהָ וְאֶת־יוֹשְׁבֵ֤י יִבְלְעָם֙ וְאֶת־בְּנֹתֶ֔יהָ, וְאֶת־יוֹשְׁבֵ֥י מְגִדּ֖וֹ וְאֶת־בְּנוֹתֶ֑יהָ וַיּ֙וֹאֶל֙ הַֽכְּנַעֲנִ֔י, לָשֶׁ֖בֶת בָּאָ֥רֶץ הַזֹּֽאת	E4 B4 ^:C5 F4 G#4 A4	A4 ^:E4 G#4 F4 E4
28	וַֽיְהִי֙ כִּֽי־חָזַ֣ק יִשְׂרָאֵ֔ל, וַיָּ֥שֶׂם אֶת־הַֽכְּנַעֲנִ֖י לָמַ֑ס וְהוֹרֵ֖ישׁ לֹ֥א הוֹרִישֽׁוֹ ס	E4 ^:B4 F4 E4 G#4 A4	A4 G#4 F4 E4 x3
29	וְאֶפְרַ֙יִם֙ לֹ֣א הוֹרִ֔ישׁ, אֶת־הַֽכְּנַעֲנִ֖י הַיּוֹשֵׁ֣ב בְּגָ֑זֶר וַיֵּ֧שֶׁב הַֽכְּנַעֲנִ֛י בְּקִרְבּ֖וֹ בְּגָֽזֶר ס	E4 ^:B4 E4 G#4 B4 A4	A4 C4 E4 D4 G#4 E4
30	זְבוּלֻ֗ן לֹ֤א הוֹרִישׁ֙ אֶת־יוֹשְׁבֵ֣י קִטְר֔וֹן, וְאֶת־יוֹשְׁבֵ֖י נַהֲלֹ֑ל וַיֵּ֤שֶׁב הַֽכְּנַעֲנִי֙ בְּקִרְבּ֔וֹ, וַיִּֽהְי֖וּ לָמַֽס ס	x3 ^◆E4 C5 ^:B4 G#4 A4	A4 C5 ^:E4 G#4 E4
31	אָשֵׁ֗ר לֹ֤א הוֹרִישׁ֙ אֶת־יֹשְׁבֵ֣י עַכּ֔וֹ, וְאֶת־יוֹשְׁבֵ֖י צִיד֑וֹן וְאֶת־אַחְלָ֤ב וְאֶת־אַכְזִיב֙ וְאֶת־חֶלְבָּ֔ה, וְאֶת־אֲפִ֖יק וְאֶת־רְחֹֽב	x3 ^◆E4 C5 ^:B4 G#4 A4	A4 ^:C5 G#4 E4
32	וַיֵּ֙שֶׁב֙ הָאָ֣שֵׁרִ֔י, בְּקֶ֥רֶב הַֽכְּנַעֲנִ֖י יֹשְׁבֵ֣י הָאָ֑רֶץ כִּ֖י לֹ֥א הוֹרִישֽׁוֹ ס	E4 ^:B4 F4 E4 G#4 B4 A4	G#4 F4 E4
33	נַפְתָּלִ֗י לֹֽא־הוֹרִ֞ישׁ אֶת־יֹשְׁבֵ֤י בֵֽית־שֶׁ֙מֶשׁ֙ וְאֶת־יֹשְׁבֵ֣י בֵית־עֲנָ֔ת, וַיֵּ֕שֶׁב בְּקֶ֥רֶב הַֽכְּנַעֲנִ֖י יֹשְׁבֵ֣י הָאָ֑רֶץ וְיֹשְׁבֵ֤י בֵֽית־שֶׁ֙מֶשׁ֙ וּבֵ֣ית עֲנָ֔ת, הָי֥וּ לָהֶ֖ם לָמַֽס	^◆E4 C5 E4 ^:B4 F4 E4 G#4 B4 A4	A4 C5 E4 ^:B4 F4 G#4 E4
34	וַיִּלְחֲצ֧וּ הָאֱמֹרִ֛י אֶת־בְּנֵי־דָ֖ן הָהָ֑רָה כִּי־לֹ֥א נְתָנ֖וֹ לָרֶ֥דֶת לָעֵֽמֶק	E4 C4 D4 G#4 A4	A4 F4 G#4 F4 E4 x2
35	וַיּ֤וֹאֶל הָאֱמֹרִי֙ לָשֶׁ֣בֶת בְּהַר־חֶ֔רֶס, בְּאַיָּל֖וֹן וּבְשַׁעַלְבִ֑ים וַתִּכְבַּד֙ יַ֣ד בֵּית־יוֹסֵ֔ף, וַיִּהְי֖וּ לָמַֽס	x3 E4 C5 ^:B4 G#4 A4	A4 ^:B4 G#4 E4 x2
36	וּגְבוּל֙ הָאֱמֹרִ֔י, מִֽמַּעֲלֵ֖ה עַקְרַבִּ֑ים מֵהַסֶּ֖לַע וָמָֽעְלָה פ	^:E4 G#4 A4	A4 G#4 E4 x2