📖 Leviticus — Chapter 7

🎼 SHV Aligned Melodic Matrix: LEVITICUS 7

Rows are centered around the main structural cadence. Star highlights a verse beginning on a note other than the tonic.

🎨 Color Mapping Legend (Tonic E4)

F#4

G#4

1	וְזֹ֥את תּוֹרַ֖ת הָאָשָׁ֑ם קֹ֥דֶשׁ קָדָשִׁ֖ים הֽוּא	x3 E4 F4 G#4 A4	F4 G#4 E4
2	בִּמְק֗וֹם אֲשֶׁ֤ר יִשְׁחֲטוּ֙ אֶת־הָ֣עֹלָ֔ה, יִשְׁחֲט֖וּ אֶת־הָאָשָׁ֑ם וְאֶת־דָּמ֛וֹ יִזְרֹ֥ק עַל־הַמִּזְבֵּ֖חַ סָבִֽיב	x3 ^◆E4 C5 ^:B4 G#4 A4	A4 D4 F4 G#4 E4 x5
3	וְאֵ֥ת כָּל־חֶלְבּ֖וֹ יַקְרִ֣יב מִמֶּ֑נּוּ אֵ֚ת הָֽאַלְיָ֔ה, וְאֶת־הַחֵ֖לֶב הַֽמְכַסֶּ֥ה אֶת־הַקֶּֽרֶב	x2 E4 F4 G#4 B4 A4	C5 ^:E4 G#4 E4 F4 E4
4	וְאֵת֙ שְׁתֵּ֣י הַכְּלָיֹ֔ת, וְאֶת־הַחֵ֙לֶב֙ אֲשֶׁ֣ר עֲלֵיהֶ֔ן, אֲשֶׁ֖ר עַל־הַכְּסָלִ֑ים וְאֶת־הַיֹּתֶ֙רֶת֙ עַל־הַכָּבֵ֔ד, עַל־הַכְּלָיֹ֖ת יְסִירֶֽנָּה	x3 E4 ^:B4 G#4 A4	^:A4 G#4 E4 x7
5	וְהִקְטִ֨יר אֹתָ֤ם הַכֹּהֵן֙ הַמִּזְבֵּ֔חָה, אִשֶּׁ֖ה לַיהוָ֑ה אָשָׁ֖ם הֽוּא	x2 E4 ^:C5 G#4 A4	A4 G#4 E4 x7
6	כָּל־זָכָ֥ר בַּכֹּהֲנִ֖ים יֹאכְלֶ֑נּוּ בְּמָק֤וֹם קָדוֹשׁ֙ יֵאָכֵ֔ל, קֹ֥דֶשׁ קָדָשִׁ֖ים הֽוּא	x3 E4 F4 G#4 A4	A4 ^:C5 F4 G#4 E4
7	כַּֽחַטָּאת֙ כָּֽאָשָׁ֔ם, תּוֹרָ֥ה אַחַ֖ת לָהֶ֑ם הַכֹּהֵ֛ן אֲשֶׁ֥ר יְכַפֶּר־בּ֖וֹ ל֥וֹ יִהְיֶֽה	x3 ^:E4 F4 G#4 A4	A4 D4 F4 G#4 F4 E4 x4
8	וְהַ֨כֹּהֵ֔ן, הַמַּקְרִ֖יב אֶת־עֹ֣לַת אִ֑ישׁ ע֤וֹר הָֽעֹלָה֙ אֲשֶׁ֣ר הִקְרִ֔יב, לַכֹּהֵ֖ן ל֥וֹ יִהְיֶֽה	x3 ^:E4 G#4 B4 A4	C5 E4 ^:B4 G#4 F4 E4
9	וְכָל־מִנְחָ֗ה אֲשֶׁ֤ר תֵּֽאָפֶה֙ בַּתַּנּ֔וּר, וְכָל־נַעֲשָׂ֥ה בַמַּרְחֶ֖שֶׁת וְעַֽל־מַחֲבַ֑ת לַכֹּהֵ֛ן הַמַּקְרִ֥יב אֹתָ֖הּ ל֥וֹ תִֽהְיֶֽה	^◆E4 C5 ^:E4 F4 G#4 E4 A4	A4 D4 F4 G#4 F4 E4 x4
10	וְכָל־מִנְחָ֥ה בְלוּלָֽה־בַשֶּׁ֖מֶן וַחֲרֵבָ֑ה לְכָל־בְּנֵ֧י אַהֲרֹ֛ן תִּהְיֶ֖ה אִ֥ישׁ כְּאָחִֽיו פ	E4 F4 E4 G#4 A4	A4 C4 D4 G#4 F4 E4
11	וְזֹ֥את תּוֹרַ֖ת זֶ֣בַח הַשְּׁלָמִ֑ים אֲשֶׁ֥ר יַקְרִ֖יב לַיהוָֽה	x2 E4 F4 G#4 B4 A4	A4 F4 G#4 E4 x3
12	אִ֣ם עַל־תּוֹדָה֮ יַקְרִיבֶנּוּ֒ וְהִקְרִ֣יב ׀ עַל־זֶ֣בַח הַתּוֹדָ֗ה חַלּ֤וֹת מַצּוֹת֙ בְּלוּלֹ֣ת בַּשֶּׁ֔מֶן, וּרְקִיקֵ֥י מַצּ֖וֹת מְשֻׁחִ֣ים בַּשָּׁ֑מֶן וְסֹ֣לֶת מֻרְבֶּ֔כֶת, חַלֹּ֖ת בְּלוּלֹ֥ת בַּשָּֽׁמֶן	★ ^∾^◆B4 C5 ^:B4 F4 G#4 B4 A4	A4 ^:B4 G#4 F4 E4
13	עַל־חַלֹּת֙ לֶ֣חֶם חָמֵ֔ץ, יַקְרִ֖יב קָרְבָּנ֑וֹ עַל־זֶ֖בַח תּוֹדַ֥ת שְׁלָמָֽיו	x3 E4 ^:B4 G#4 A4	A4 G#4 F4 E4 x3
14	וְהִקְרִ֨יב מִמֶּ֤נּוּ אֶחָד֙ מִכָּל־קָרְבָּ֔ן, תְּרוּמָ֖ה לַיהוָ֑ה לַכֹּהֵ֗ן הַזֹּרֵ֛ק אֶת־דַּ֥ם הַשְּׁלָמִ֖ים ל֥וֹ יִהְיֶֽה	x2 E4 ^:C5 G#4 A4	^◆A4 D4 F4 G#4 F4 E4 x4
15	וּבְשַׂ֗ר זֶ֚בַח תּוֹדַ֣ת שְׁלָמָ֔יו, בְּי֥וֹם קָרְבָּנ֖וֹ יֵאָכֵ֑ל לֹא־יַנִּ֥יחַ מִמֶּ֖נּוּ עַד־בֹּֽקֶר	^◆E4 C5 ^:B4 F4 G#4 A4	A4 F4 G#4 E4 x3
16	וְאִם־נֶ֣דֶר ׀ א֣וֹ נְדָבָ֗ה זֶ֚בַח קָרְבָּנ֔וֹ, בְּי֛וֹם הַקְרִיב֥וֹ אֶת־זִבְח֖וֹ יֵאָכֵ֑ל וּמִֽמָּחֳרָ֔ת, וְהַנּוֹתָ֥ר מִמֶּ֖נּוּ יֵאָכֵֽל	E4 B4 ^:C5 D4 F4 G#4 A4	A4 ^:E4 F4 G#4 E4
17	וְהַנּוֹתָ֖ר מִבְּשַׂ֣ר הַזָּ֑בַח בַּיּוֹם֙ הַשְּׁלִישִׁ֔י, בָּאֵ֖שׁ יִשָּׂרֵֽף	x3 E4 G#4 B4 A4	^:A4 G#4 E4 x7
18	וְאִ֣ם הֵאָכֹ֣ל יֵ֠אָכֵל מִבְּשַׂר־זֶ֨בַח שְׁלָמָ֜יו בַּיּ֣וֹם הַשְּׁלִישִׁי֮ לֹ֣א יֵרָצֶה֒ הַמַּקְרִ֣יב אֹת֗וֹ לֹ֧א יֵחָשֵׁ֛ב ל֖וֹ פִּגּ֣וּל יִהְיֶ֑ה וְהַנֶּ֛פֶשׁ הָאֹכֶ֥לֶת מִמֶּ֖נּוּ עֲוֺנָ֥הּ תִּשָּֽׂא	E4 B4 C4 D4 G#4 B4 A4	A4 D4 F4 G#4 F4 E4 x4
19	וְהַבָּשָׂ֞ר אֲשֶׁר־יִגַּ֤ע בְּכָל־טָמֵא֙ לֹ֣א יֵאָכֵ֔ל, בָּאֵ֖שׁ יִשָּׂרֵ֑ף וְהַ֨בָּשָׂ֔ר, כָּל־טָה֖וֹר יֹאכַ֥ל בָּשָֽׂר	x3 E4 C5 ^:B4 G#4 A4	^:A4 G#4 F4 E4 x3
20	וְהַנֶּ֜פֶשׁ אֲשֶׁר־תֹּאכַ֣ל בָּשָׂ֗ר מִזֶּ֤בַח הַשְּׁלָמִים֙ אֲשֶׁ֣ר לַיהוָ֔ה, וְטֻמְאָת֖וֹ עָלָ֑יו וְנִכְרְתָ֛ה הַנֶּ֥פֶשׁ הַהִ֖וא מֵעַמֶּֽיהָ	E4 B4 C5 ^:B4 G#4 A4	A4 D4 F4 G#4 E4 x5
21	וְנֶ֜פֶשׁ כִּֽי־תִגַּ֣ע בְּכָל־טָמֵ֗א בְּטֻמְאַ֤ת אָדָם֙ א֣וֹ ׀ בִּבְהֵמָ֣ה טְמֵאָ֗ה א֚וֹ בְּכָל־שֶׁ֣קֶץ טָמֵ֔א, וְאָכַ֛ל מִבְּשַׂר־זֶ֥בַח הַשְּׁלָמִ֖ים אֲשֶׁ֣ר לַיהוָ֑ה וְנִכְרְתָ֛ה הַנֶּ֥פֶשׁ הַהִ֖וא מֵעַמֶּֽיהָ פ	E4 B4 C5 B4 C5 ^:B4 D4 F4 G#4 B4 A4	A4 D4 F4 G#4 E4 x5
22	וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר		E4 F4 G#4 F4 E4
23	דַּבֵּ֛ר אֶל־בְּנֵ֥י יִשְׂרָאֵ֖ל לֵאמֹ֑ר כָּל־חֵ֜לֶב שׁ֥וֹר וְכֶ֛שֶׂב וָעֵ֖ז לֹ֥א תֹאכֵֽלוּ	x2 E4 D4 F4 G#4 A4	A4 F4 D4 G#4 F4 E4
24	וְחֵ֤לֶב נְבֵלָה֙ וְחֵ֣לֶב טְרֵפָ֔ה, יֵעָשֶׂ֖ה לְכָל־מְלָאכָ֑ה וְאָכֹ֖ל לֹ֥א תֹאכְלֻֽהוּ	x3 E4 C5 ^:B4 G#4 A4	A4 G#4 F4 E4 x3
25	כִּ֚י כָּל־אֹכֵ֣ל חֵ֔לֶב, מִן־הַ֨בְּהֵמָ֔ה, אֲשֶׁ֨ר יַקְרִ֥יב מִמֶּ֛נָּה אִשֶּׁ֖ה לַיהוָ֑ה וְנִכְרְתָ֛ה הַנֶּ֥פֶשׁ הָאֹכֶ֖לֶת מֵֽעַמֶּֽיהָ	★ C5 ^:B4 F4 D4 G#4 A4	A4 D4 F4 G#4 E4 x5
26	וְכָל־דָּם֙ לֹ֣א תֹאכְל֔וּ, בְּכֹ֖ל מוֹשְׁבֹתֵיכֶ֑ם לָע֖וֹף וְלַבְּהֵמָֽה	x3 E4 ^:B4 G#4 A4	A4 G#4 E4 x7
27	כָּל־נֶ֖פֶשׁ אֲשֶׁר־תֹּאכַ֣ל כָּל־דָּ֑ם וְנִכְרְתָ֛ה הַנֶּ֥פֶשׁ הַהִ֖וא מֵֽעַמֶּֽיהָ	x3 E4 G#4 B4 A4	A4 D4 F4 G#4 E4 x5
28	וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר		E4 F4 G#4 F4 E4
29	דַּבֵּ֛ר אֶל־בְּנֵ֥י יִשְׂרָאֵ֖ל לֵאמֹ֑ר הַמַּקְרִ֞יב אֶת־זֶ֤בַח שְׁלָמָיו֙ לַיהוָ֔ה, יָבִ֧יא אֶת־קָרְבָּנ֛וֹ לַיהוָ֖ה מִזֶּ֥בַח שְׁלָמָֽיו	x2 E4 D4 F4 G#4 A4	A4 ^:C5 C4 D4 G#4 F4 E4
30	יָדָ֣יו תְּבִיאֶ֔ינָה, אֵ֖ת אִשֵּׁ֣י יְהוָ֑ה אֶת־הַחֵ֤לֶב עַל־הֶֽחָזֶה֙ יְבִיאֶ֔נּוּ, אֵ֣ת הֶחָזֶ֗ה לְהָנִ֥יף אֹת֛וֹ תְּנוּפָ֖ה לִפְנֵ֥י יְהוָֽה	x2 E4 ^:B4 G#4 B4 A4	A4 C5 ^:E4 B4 F4 D4 G#4 F4 E4
31	וְהִקְטִ֧יר הַכֹּהֵ֛ן אֶת־הַחֵ֖לֶב הַמִּזְבֵּ֑חָה וְהָיָה֙ הֶחָזֶ֔ה, לְאַהֲרֹ֖ן וּלְבָנָֽיו	E4 C4 D4 G#4 A4	^:A4 G#4 E4 x7
32	וְאֵת֙ שׁ֣וֹק הַיָּמִ֔ין, תִּתְּנ֥וּ תְרוּמָ֖ה לַכֹּהֵ֑ן מִזִּבְחֵ֖י שַׁלְמֵיכֶֽם	E4 ^:B4 F4 G#4 A4	A4 G#4 E4 x7
33	הַמַּקְרִ֞יב אֶת־דַּ֧ם הַשְּׁלָמִ֛ים וְאֶת־הַחֵ֖לֶב מִבְּנֵ֣י אַהֲרֹ֑ן ל֧וֹ תִהְיֶ֛ה שׁ֥וֹק הַיָּמִ֖ין לְמָנָֽה	x2 E4 C4 D4 G#4 B4 A4	C4 D4 F4 G#4 E4
34	כִּי֩ אֶת־חֲזֵ֨ה הַתְּנוּפָ֜ה וְאֵ֣ת ׀ שׁ֣וֹק הַתְּרוּמָ֗ה לָקַ֙חְתִּי֙ מֵאֵ֣ת בְּנֵֽי־יִשְׂרָאֵ֔ל, מִזִּבְחֵ֖י שַׁלְמֵיהֶ֑ם וָאֶתֵּ֣ן אֹ֠תָם לְאַהֲרֹ֨ן הַכֹּהֵ֤ן וּלְבָנָיו֙ לְחָק־עוֹלָ֔ם, מֵאֵ֖ת בְּנֵ֥י יִשְׂרָאֵֽל	^⚲E4 B4 ^:E4 G#4 A4	A4 B4 ^:C5 G#4 F4 E4
35	זֹ֣את מִשְׁחַ֤ת אַהֲרֹן֙ וּמִשְׁחַ֣ת בָּנָ֔יו, מֵאִשֵּׁ֖י יְהוָ֑ה בְּיוֹם֙ הִקְרִ֣יב אֹתָ֔ם, לְכַהֵ֖ן לַיהוָֽה	★ B4 C5 ^:B4 G#4 A4	A4 ^:B4 G#4 E4
36	אֲשֶׁר֩ צִוָּ֨ה יְהוָ֜ה לָתֵ֣ת לָהֶ֗ם בְּיוֹם֙ מָשְׁח֣וֹ אֹתָ֔ם, מֵאֵ֖ת בְּנֵ֣י יִשְׂרָאֵ֑ל חֻקַּ֥ת עוֹלָ֖ם לְדֹרֹתָֽם	x2 ^⚲E4 ^:B4 G#4 B4 A4	A4 F4 G#4 E4 x3
37	זֹ֣את הַתּוֹרָ֗ה לָֽעֹלָה֙ לַמִּנְחָ֔ה, וְלַחַטָּ֖את וְלָאָשָׁ֑ם וְלַ֨מִּלּוּאִ֔ים, וּלְזֶ֖בַח הַשְּׁלָמִֽים	★ ^◆B4 ^:E4 G#4 A4	^:A4 G#4 E4 x7
38	אֲשֶׁ֨ר צִוָּ֧ה יְהוָ֛ה אֶת־מֹשֶׁ֖ה בְּהַ֣ר סִינָ֑י בְּי֨וֹם צַוֺּת֜וֹ אֶת־בְּנֵ֣י יִשְׂרָאֵ֗ל לְהַקְרִ֧יב אֶת־קָרְבְּנֵיהֶ֛ם לַיהוָ֖ה בְּמִדְבַּ֥ר סִינָֽי פ	x2 E4 C4 D4 G#4 B4 A4	A4 B4 C4 D4 G#4 F4 E4