📖 Numbers — Chapter 22

🎼 SHV Aligned Melodic Matrix: NUMBERS 22

Rows are centered around the main structural cadence. Star highlights a verse beginning on a note other than the tonic.

🎨 Color Mapping Legend (Tonic E4)

F#4

G#4

1	וַיִּסְע֖וּ בְּנֵ֣י יִשְׂרָאֵ֑ל וַֽיַּחֲנוּ֙ בְּעַֽרְב֣וֹת מוֹאָ֔ב, מֵעֵ֖בֶר לְיַרְדֵּ֥ן יְרֵחֽוֹ ס	E4 G#4 B4 A4	E4 ^:B4 G#4 F4 E4
2	וַיַּ֥רְא בָּלָ֖ק בֶּן־צִפּ֑וֹר אֵ֛ת כָּל־אֲשֶׁר־עָשָׂ֥ה יִשְׂרָאֵ֖ל לָֽאֱמֹרִֽי	x6 E4 F4 G#4 A4	D4 F4 G#4 E4
3	וַיָּ֨גָר מוֹאָ֜ב מִפְּנֵ֥י הָעָ֛ם מְאֹ֖ד כִּ֣י רַב־ה֑וּא וַיָּ֣קָץ מוֹאָ֔ב, מִפְּנֵ֖י בְּנֵ֥י יִשְׂרָאֵֽל	E4 F4 D4 G#4 B4 A4	A4 ^:B4 G#4 F4 E4 x3
4	וַיֹּ֨אמֶר מוֹאָ֜ב אֶל־זִקְנֵ֣י מִדְיָ֗ן עַתָּ֞ה יְלַחֲכ֤וּ הַקָּהָל֙ אֶת־כָּל־סְבִ֣יבֹתֵ֔ינוּ, כִּלְחֹ֣ךְ הַשּׁ֔וֹר, אֵ֖ת יֶ֣רֶק הַשָּׂדֶ֑ה וּבָלָ֧ק בֶּן־צִפּ֛וֹר מֶ֥לֶךְ לְמוֹאָ֖ב בָּעֵ֥ת הַהִֽוא	E4 B4 C5 ^:B4 G#4 B4 A4	A4 C4 D4 F4 G#4 F4 E4 x2
5	וַיִּשְׁלַ֨ח מַלְאָכִ֜ים אֶל־בִּלְעָ֣ם בֶּן־בְּע֗וֹר פְּ֠תוֹרָה אֲשֶׁ֧ר עַל־הַנָּהָ֛ר אֶ֥רֶץ בְּנֵי־עַמּ֖וֹ לִקְרֹא־ל֑וֹ לֵאמֹ֗ר הִ֠נֵּה עַ֣ם יָצָ֤א מִמִּצְרַ֙יִם֙ הִנֵּ֤ה כִסָּה֙ אֶת־עֵ֣ין הָאָ֔רֶץ, וְה֥וּא יֹשֵׁ֖ב מִמֻּלִֽי	E4 B4 C4 D4 F4 G#4 A4	^◆^⚲A4 B4 C5 ^:B4 F4 G#4 E4
6	וְעַתָּה֩ לְכָה־נָּ֨א אָֽרָה־לִּ֜י אֶת־הָעָ֣ם הַזֶּ֗ה כִּֽי־עָצ֥וּם הוּא֙ מִמֶּ֔נִּי, אוּלַ֤י אוּכַל֙ נַכֶּה־בּ֔וֹ, וַאֲגָרְשֶׁ֖נּוּ מִן־הָאָ֑רֶץ כִּ֣י יָדַ֗עְתִּי אֵ֤ת אֲשֶׁר־תְּבָרֵךְ֙ מְבֹרָ֔ךְ, וַאֲשֶׁ֥ר תָּאֹ֖ר יוּאָֽר	^⚲E4 B4 E4 ^:F4 ^:C5 G#4 A4	^◆B4 ^:C5 F4 G#4 E4
7	וַיֵּ֨לְכ֜וּ זִקְנֵ֤י מוֹאָב֙ וְזִקְנֵ֣י מִדְיָ֔ן, וּקְסָמִ֖ים בְּיָדָ֑ם וַיָּבֹ֙אוּ֙ אֶל־בִּלְעָ֔ם, וַיְדַבְּר֥וּ אֵלָ֖יו דִּבְרֵ֥י בָלָֽק	E4 C5 ^:B4 G#4 A4	^:A4 F4 G#4 F4 E4 x4
8	וַיֹּ֣אמֶר אֲלֵיהֶ֗ם לִ֤ינוּ פֹה֙ הַלַּ֔יְלָה, וַהֲשִׁבֹתִ֤י אֶתְכֶם֙ דָּבָ֔ר, כַּאֲשֶׁ֛ר יְדַבֵּ֥ר יְהוָ֖ה אֵלָ֑י וַיֵּשְׁב֥וּ שָׂרֵֽי־מוֹאָ֖ב עִם־בִּלְעָֽם	E4 B4 ^:C5 D4 F4 G#4 A4	A4 F4 E4 G#4 E4
9	וַיָּבֹ֥א אֱלֹהִ֖ים אֶל־בִּלְעָ֑ם וַיֹּ֕אמֶר מִ֛י הָאֲנָשִׁ֥ים הָאֵ֖לֶּה עִמָּֽךְ	x6 E4 F4 G#4 A4	A4 D4 F4 G#4 E4
10	וַיֹּ֥אמֶר בִּלְעָ֖ם אֶל־הָאֱלֹהִ֑ים בָּלָ֧ק בֶּן־צִפֹּ֛ר מֶ֥לֶךְ מוֹאָ֖ב שָׁלַ֥ח אֵלָֽי	x6 E4 F4 G#4 A4	A4 C4 D4 F4 G#4 F4 E4 x2
11	הִנֵּ֤ה הָעָם֙ הַיֹּצֵ֣א מִמִּצְרַ֔יִם, וַיְכַ֖ס אֶת־עֵ֣ין הָאָ֑רֶץ עַתָּ֗ה לְכָ֤ה קָֽבָה־לִּי֙ אֹת֔וֹ, אוּלַ֥י אוּכַ֛ל לְהִלָּ֥חֶם בּ֖וֹ וְגֵרַשְׁתִּֽיו	x2 E4 C5 ^:B4 G#4 B4 A4	^◆A4 C5 ^:E4 F4 D4 F4 G#4 E4
12	וַיֹּ֤אמֶר אֱלֹהִים֙ אֶל־בִּלְעָ֔ם, לֹ֥א תֵלֵ֖ךְ עִמָּהֶ֑ם לֹ֤א תָאֹר֙ אֶת־הָעָ֔ם, כִּ֥י בָר֖וּךְ הֽוּא	x3 E4 ^:C5 F4 G#4 A4	^:C5 F4 G#4 E4 x2
13	וַיָּ֤קָם בִּלְעָם֙ בַּבֹּ֔קֶר, וַיֹּ֙אמֶר֙ אֶל־שָׂרֵ֣י בָלָ֔ק, לְכ֖וּ אֶֽל־אַרְצְכֶ֑ם כִּ֚י מֵאֵ֣ן יְהוָ֔ה, לְתִתִּ֖י לַהֲלֹ֥ךְ עִמָּכֶֽם	E4 ^:C5 ^:B4 G#4 E4 A4	C5 ^:B4 G#4 F4 E4
14	וַיָּק֙וּמוּ֙ שָׂרֵ֣י מוֹאָ֔ב, וַיָּבֹ֖אוּ אֶל־בָּלָ֑ק וַיֹּ֣אמְר֔וּ, מֵאֵ֥ן בִּלְעָ֖ם הֲלֹ֥ךְ עִמָּֽנוּ	x2 E4 ^:B4 G#4 A4	A4 ^:B4 F4 G#4 F4 E4 x2
15	וַיֹּ֥סֶף ע֖וֹד בָּלָ֑ק שְׁלֹ֣חַ שָׂרִ֔ים, רַבִּ֥ים וְנִכְבָּדִ֖ים מֵאֵֽלֶּה	x6 E4 F4 G#4 A4	A4 ^:B4 F4 G#4 E4 x2
16	וַיָּבֹ֖אוּ אֶל־בִּלְעָ֑ם וַיֹּ֣אמְרוּ ל֗וֹ כֹּ֤ה אָמַר֙ בָּלָ֣ק בֶּן־צִפּ֔וֹר, אַל־נָ֥א תִמָּנַ֖ע מֵהֲלֹ֥ךְ אֵלָֽי	E4 G#4 A4	A4 B4 C5 ^:B4 F4 G#4 F4 E4
17	כִּֽי־כַבֵּ֤ד אֲכַבֶּדְךָ֙ מְאֹ֔ד, וְכֹ֛ל אֲשֶׁר־תֹּאמַ֥ר אֵלַ֖י אֶעֱשֶׂ֑ה וּלְכָה־נָּא֙ קָֽבָה־לִּ֔י, אֵ֖ת הָעָ֥ם הַזֶּֽה	E4 ^:C5 D4 F4 G#4 A4	A4 ^:E4 G#4 F4 E4
18	וַיַּ֣עַן בִּלְעָ֗ם וַיֹּ֙אמֶר֙ אֶל־עַבְדֵ֣י בָלָ֔ק, אִם־יִתֶּן־לִ֥י בָלָ֛ק מְלֹ֥א בֵית֖וֹ כֶּ֣סֶף וְזָהָ֑ב לֹ֣א אוּכַ֗ל לַעֲבֹר֙ אֶת־פִּי֙ יְהוָ֣ה אֱלֹהָ֔י, לַעֲשׂ֥וֹת קְטַנָּ֖ה א֥וֹ גְדוֹלָֽה	E4 ^:B4 F4 D4 F4 G#4 B4 A4	^◆^:B4 F4 G#4 F4 E4
19	וְעַתָּ֗ה שְׁב֨וּ נָ֥א בָזֶ֛ה גַּם־אַתֶּ֖ם הַלָּ֑יְלָה וְאֵ֣דְעָ֔ה, מַה־יֹּסֵ֥ף יְהוָ֖ה דַּבֵּ֥ר עִמִּֽי	^◆E4 F4 D4 G#4 A4	A4 ^:B4 F4 G#4 F4 E4 x2
20	וַיָּבֹ֨א אֱלֹהִ֥ים ׀ אֶל־בִּלְעָם֮ לַיְלָה֒ וַיֹּ֣אמֶר ל֗וֹ אִם־לִקְרֹ֤א לְךָ֙ בָּ֣אוּ הָאֲנָשִׁ֔ים, ק֖וּם לֵ֣ךְ אִתָּ֑ם וְאַ֗ךְ אֶת־הַדָּבָ֛ר אֲשֶׁר־אֲדַבֵּ֥ר אֵלֶ֖יךָ אֹת֥וֹ תַעֲשֶֽׂה	E4 F4 B4 C5 ^:B4 G#4 B4 A4	^◆A4 D4 F4 G#4 F4 E4 x2
21	וַיָּ֤קָם בִּלְעָם֙ בַּבֹּ֔קֶר, וַֽיַּחֲבֹ֖שׁ אֶת־אֲתֹנ֑וֹ וַיֵּ֖לֶךְ עִם־שָׂרֵ֥י מוֹאָֽב	E4 ^:C5 E4 G#4 A4	A4 G#4 F4 E4 x2
22	וַיִּֽחַר־אַ֣ף אֱלֹהִים֮ כִּֽי־הוֹלֵ֣ךְ הוּא֒ וַיִּתְיַצֵּ֞ב מַלְאַ֧ךְ יְהוָ֛ה בַּדֶּ֖רֶךְ לְשָׂטָ֣ן ל֑וֹ וְהוּא֙ רֹכֵ֣ב עַל־אֲתֹנ֔וֹ, וּשְׁנֵ֥י נְעָרָ֖יו עִמּֽוֹ	E4 B4 E4 B4 C4 D4 G#4 B4 A4	A4 ^:B4 F4 G#4 E4 x2
23	וַתֵּ֣רֶא הָאָתוֹן֩ אֶת־מַלְאַ֨ךְ יְהוָ֜ה נִצָּ֣ב בַּדֶּ֗רֶךְ וְחַרְבּ֤וֹ שְׁלוּפָה֙ בְּיָד֔וֹ, וַתֵּ֤ט הָֽאָתוֹן֙ מִן־הַדֶּ֔רֶךְ, וַתֵּ֖לֶךְ בַּשָּׂדֶ֑ה וַיַּ֤ךְ בִּלְעָם֙ אֶת־הָ֣אָת֔וֹן, לְהַטֹּתָ֖הּ הַדָּֽרֶךְ	E4 B4 ^:C5 ^:E4 G#4 A4	A4 C5 ^:B4 G#4 E4
24	וַֽיַּעֲמֹד֙ מַלְאַ֣ךְ יְהוָ֔ה, בְּמִשְׁע֖וֹל הַכְּרָמִ֑ים גָּדֵ֥ר מִזֶּ֖ה וְגָדֵ֥ר מִזֶּֽה	x2 E4 ^:B4 G#4 A4	A4 F4 G#4 F4 E4 x4
25	וַתֵּ֨רֶא הָאָת֜וֹן אֶת־מַלְאַ֣ךְ יְהוָ֗ה וַתִּלָּחֵץ֙ אֶל־הַקִּ֔יר, וַתִּלְחַ֛ץ אֶת־רֶ֥גֶל בִּלְעָ֖ם אֶל־הַקִּ֑יר וַיֹּ֖סֶף לְהַכֹּתָֽהּ	E4 ^:B4 D4 F4 G#4 A4	A4 G#4 E4 x2
26	וַיּ֥וֹסֶף מַלְאַךְ־יְהוָ֖ה עֲב֑וֹר וַֽיַּעֲמֹד֙ בְּמָק֣וֹם צָ֔ר, אֲשֶׁ֛ר אֵֽין־דֶּ֥רֶךְ לִנְט֖וֹת יָמִ֥ין וּשְׂמֹֽאול	x6 E4 F4 G#4 A4	E4 ^:B4 D4 E4 F4 G#4 F4 E4
27	וַתֵּ֤רֶא הָֽאָתוֹן֙ אֶת־מַלְאַ֣ךְ יְהוָ֔ה, וַתִּרְבַּ֖ץ תַּ֣חַת בִּלְעָ֑ם וַיִּֽחַר־אַ֣ף בִּלְעָ֔ם, וַיַּ֥ךְ אֶת־הָאָת֖וֹן בַּמַּקֵּֽל	E4 C5 E4 ^:B4 G#4 B4 A4	A4 E4 ^:B4 F4 G#4 E4
28	וַיִּפְתַּ֥ח יְהוָ֖ה אֶת־פִּ֣י הָאָת֑וֹן וַתֹּ֤אמֶר לְבִלְעָם֙ מֶה־עָשִׂ֣יתִֽי לְךָ֔, כִּ֣י הִכִּיתַ֔נִי, זֶ֖ה שָׁלֹ֥שׁ רְגָלִֽים	x4 E4 F4 G#4 B4 A4	A4 C5 B4 ^:E4 ^:B4 G#4 F4 E4
29	וַיֹּ֤אמֶר בִּלְעָם֙ לָאָת֔וֹן, כִּ֥י הִתְעַלַּ֖לְתְּ בִּ֑י ל֤וּ יֶשׁ־חֶ֙רֶב֙ בְּיָדִ֔י, כִּ֥י עַתָּ֖ה הֲרַגְתִּֽיךְ	x3 E4 ^:C5 F4 G#4 A4	^:C5 F4 G#4 E4 x2
30	וַתֹּ֨אמֶר הָאָת֜וֹן אֶל־בִּלְעָ֗ם הֲלוֹא֩ אָנֹכִ֨י אֲתֹנְךָ֜ אֲשֶׁר־רָכַ֣בְתָּ עָלַ֗י מֵעֽוֹדְךָ֙ עַד־הַיּ֣וֹם הַזֶּ֔ה, הַֽהַסְכֵּ֣ן הִסְכַּ֔נְתִּי, לַעֲשׂ֥וֹת לְךָ֖ כֹּ֑ה וַיֹּ֖אמֶר לֹֽא	^◆^⚲E4 B4 E4 ^:B4 E4 ^:B4 F4 G#4 A4	A4 G#4 E4 x2
31	וַיְגַ֣ל יְהוָה֮ אֶת־עֵינֵ֣י בִלְעָם֒ וַיַּ֞רְא אֶת־מַלְאַ֤ךְ יְהוָה֙ נִצָּ֣ב בַּדֶּ֔רֶךְ, וְחַרְבּ֥וֹ שְׁלֻפָ֖ה בְּיָד֑וֹ וַיִּקֹּ֥ד וַיִּשְׁתַּ֖חוּ לְאַפָּֽיו	E4 B4 C5 ^:B4 F4 G#4 A4	A4 F4 G#4 E4
32	וַיֹּ֤אמֶר אֵלָיו֙ מַלְאַ֣ךְ יְהוָ֔ה, עַל־מָ֗ה הִכִּ֙יתָ֙ אֶת־אֲתֹ֣נְךָ֔, זֶ֖ה שָׁל֣וֹשׁ רְגָלִ֑ים הִנֵּ֤ה אָנֹכִי֙ יָצָ֣אתִי לְשָׂטָ֔ן, כִּֽי־יָרַ֥ט הַדֶּ֖רֶךְ לְנֶגְדִּֽי	x2 E4 C5 ^:B4 G#4 B4 A4	A4 C5 ^:B4 E4 F4 G#4 E4
33	וַתִּרְאַ֙נִי֙ הָֽאָת֔וֹן, וַתֵּ֣ט לְפָנַ֔י, זֶ֖ה שָׁלֹ֣שׁ רְגָלִ֑ים אוּלַי֙ נָטְתָ֣ה מִפָּנַ֔י, כִּ֥י עַתָּ֛ה גַּם־אֹתְכָ֥ה הָרַ֖גְתִּי וְאוֹתָ֥הּ הֶחֱיֵֽיתִי	^:E4 ^:B4 G#4 B4 A4	A4 ^:B4 F4 D4 F4 G#4 F4 E4
34	וַיֹּ֨אמֶר בִּלְעָ֜ם אֶל־מַלְאַ֤ךְ יְהוָה֙ חָטָ֔אתִי, כִּ֚י לֹ֣א יָדַ֔עְתִּי, כִּ֥י אַתָּ֛ה נִצָּ֥ב לִקְרָאתִ֖י בַּדָּ֑רֶךְ וְעַתָּ֛ה אִם־רַ֥ע בְּעֵינֶ֖יךָ אָשׁ֥וּבָה לִּֽי	E4 ^:C5 ^:B4 F4 D4 F4 G#4 A4	A4 D4 F4 G#4 F4 E4 x2
35	וַיֹּאמֶר֩ מַלְאַ֨ךְ יְהוָ֜ה אֶל־בִּלְעָ֗ם לֵ֚ךְ עִם־הָ֣אֲנָשִׁ֔ים, וְאֶ֗פֶס אֶת־הַדָּבָ֛ר אֲשֶׁר־אֲדַבֵּ֥ר אֵלֶ֖יךָ אֹת֣וֹ תְדַבֵּ֑ר וַיֵּ֥לֶךְ בִּלְעָ֖ם עִם־שָׂרֵ֥י בָלָֽק	^◆^⚲E4 C5 ^:B4 D4 F4 G#4 B4 A4	A4 F4 G#4 F4 E4 x4
36	וַיִּשְׁמַ֥ע בָּלָ֖ק כִּ֣י בָ֣א בִלְעָ֑ם וַיֵּצֵ֨א לִקְרָאת֜וֹ אֶל־עִ֣יר מוֹאָ֗ב אֲשֶׁר֙ עַל־גְּב֣וּל אַרְנֹ֔ן, אֲשֶׁ֖ר בִּקְצֵ֥ה הַגְּבֽוּל	x4 E4 F4 G#4 B4 A4	A4 ^:B4 G#4 F4 E4 x3
37	וַיֹּ֨אמֶר בָּלָ֜ק אֶל־בִּלְעָ֗ם הֲלֹא֩ שָׁלֹ֨חַ שָׁלַ֤חְתִּי אֵלֶ֙יךָ֙ לִקְרֹא־לָ֔ךְ, לָ֥מָּה לֹא־הָלַ֖כְתָּ אֵלָ֑י הַֽאֻמְנָ֔ם, לֹ֥א אוּכַ֖ל כַּבְּדֶֽךָ	x3 ^◆^⚲E4 ^:C5 F4 G#4 A4	^:E4 F4 G#4 E4
38	וַיֹּ֨אמֶר בִּלְעָ֜ם אֶל־בָּלָ֗ק הִֽנֵּה־בָ֙אתִי֙ אֵלֶ֔יךָ, עַתָּ֕ה הֲיָכ֥וֹל אוּכַ֖ל דַּבֵּ֣ר מְא֑וּמָה הַדָּבָ֗ר אֲשֶׁ֨ר יָשִׂ֧ים אֱלֹהִ֛ים בְּפִ֖י אֹת֥וֹ אֲדַבֵּֽר	x4 ^◆^:E4 F4 G#4 B4 A4	^◆A4 C4 D4 G#4 F4 E4
39	וַיֵּ֥לֶךְ בִּלְעָ֖ם עִם־בָּלָ֑ק וַיָּבֹ֖אוּ קִרְיַ֥ת חֻצֽוֹת	x6 E4 F4 G#4 A4	A4 G#4 F4 E4 x2
40	וַיִּזְבַּ֥ח בָּלָ֖ק בָּקָ֣ר וָצֹ֑אן וַיְשַׁלַּ֣ח לְבִלְעָ֔ם, וְלַשָּׂרִ֖ים אֲשֶׁ֥ר אִתּֽוֹ	x4 E4 F4 G#4 B4 A4	A4 ^:B4 G#4 F4 E4 x3
41	וַיְהִ֣י בַבֹּ֔קֶר, וַיִּקַּ֤ח בָּלָק֙ אֶת־בִּלְעָ֔ם, וַֽיַּעֲלֵ֖הוּ בָּמ֣וֹת בָּ֑עַל וַיַּ֥רְא מִשָּׁ֖ם קְצֵ֥ה הָעָֽם	E4 ^:B4 ^:C5 E4 G#4 B4 A4	A4 F4 G#4 F4 E4 x4