📖 1 Samuel — Chapter 18

🎼 SHV Aligned Melodic Matrix: 1_SAMUEL 18

Rows are centered around the main structural cadence. Star highlights a verse beginning on a note other than the tonic.

🎨 Color Mapping Legend (Tonic E4)

F#4

G#4

1	וַיְהִ֗י כְּכַלֹּתוֹ֙ לְדַבֵּ֣ר אֶל־שָׁא֔וּל, וְנֶ֙פֶשׁ֙ יְה֣וֹנָתָ֔ן, נִקְשְׁרָ֖ה בְּנֶ֣פֶשׁ דָּוִ֑ד וַיֶּאֱהָבֵ֥הוּ יְהוֹנָתָ֖ן כְּנַפְשֽׁוֹ	x2 ^◆E4 ^:B4 G#4 B4 A4	A4 F4 G#4 E4 x8
2	וַיִּקָּחֵ֥הוּ שָׁא֖וּל בַּיּ֣וֹם הַה֑וּא וְלֹ֣א נְתָנ֔וֹ, לָשׁ֖וּב בֵּ֥ית אָבִֽיו	x3 E4 F4 G#4 B4 A4	A4 ^:B4 G#4 F4 E4 x2
3	וַיִּכְרֹ֧ת יְהוֹנָתָ֛ן וְדָוִ֖ד בְּרִ֑ית בְּאַהֲבָת֥וֹ אֹת֖וֹ כְּנַפְשֽׁוֹ	E4 C4 D4 G#4 A4	A4 F4 G#4 E4 x8
4	וַיִּתְפַּשֵּׁ֣ט יְהוֹנָתָ֗ן אֶֽת־הַמְּעִיל֙ אֲשֶׁ֣ר עָלָ֔יו, וַֽיִּתְּנֵ֖הוּ לְדָוִ֑ד וּמַדָּ֕יו וְעַד־חַרְבּ֥וֹ וְעַד־קַשְׁתּ֖וֹ וְעַד־חֲגֹרֽוֹ	E4 B4 E4 ^:B4 E4 G#4 A4	A4 F4 G#4 E4 x8
5	וַיֵּצֵ֨א דָוִ֜ד בְּכֹל֩ אֲשֶׁ֨ר יִשְׁלָחֶ֤נּוּ שָׁאוּל֙ יַשְׂכִּ֔יל, וַיְשִׂמֵ֣הוּ שָׁא֔וּל, עַ֖ל אַנְשֵׁ֣י הַמִּלְחָמָ֑ה וַיִּיטַב֙ בְּעֵינֵ֣י כָל־הָעָ֔ם, וְגַ֕ם בְּעֵינֵ֖י עַבְדֵ֥י שָׁאֽוּל פ	^⚲E4 ^:C5 ^:B4 G#4 B4 A4	A4 ^:B4 G#4 F4 E4 x2
6	וַיְהִ֣י בְּבוֹאָ֗ם בְּשׁ֤וּב דָּוִד֙ מֵהַכּ֣וֹת אֶת־הַפְּלִשְׁתִּ֔י, וַתֵּצֶ֨אנָה הַנָּשִׁ֜ים מִכָּל־עָרֵ֤י יִשְׂרָאֵל֙ לָשִׁ֣יר וְהַמְּחֹל֔וֹת, לִקְרַ֖את שָׁא֣וּל הַמֶּ֑לֶךְ בְּתֻפִּ֥ים בְּשִׂמְחָ֖ה וּבְשָׁלִשִֽׁים	E4 B4 C5 ^:B4 C5 ^:B4 G#4 B4 A4	A4 F4 G#4 E4 x8
7	וַֽתַּעֲנֶ֛ינָה הַנָּשִׁ֥ים הַֽמְשַׂחֲק֖וֹת וַתֹּאמַ֑רְןָ הִכָּ֤ה שָׁאוּל֙ בַּאֲלָפָ֔יו, וְדָוִ֖ד בְּרִבְבֹתָֽיו	E4 D4 F4 E4 G#4 A4	A4 ^:C5 G#4 E4
8	וַיִּ֨חַר לְשָׁא֜וּל מְאֹ֗ד וַיֵּ֤רַע בְּעֵינָיו֙ הַדָּבָ֣ר הַזֶּ֔ה, וַיֹּ֗אמֶר נָתְנ֤וּ לְדָוִד֙ רְבָב֔וֹת, וְלִ֥י נָתְנ֖וּ הָאֲלָפִ֑ים וְע֥וֹד ל֖וֹ אַ֥ךְ הַמְּלוּכָֽה	^◆E4 C5 ^:B4 ^:C5 F4 G#4 A4	A4 F4 G#4 F4 E4 x3
9	וַיְהִ֥י שָׁא֖וּל עוֹיֵ֣ן אֶת־דָּוִ֑ד מֵהַיּ֥וֹם הַה֖וּא וָהָֽלְאָה ס	x3 E4 F4 G#4 B4 A4	A4 F4 G#4 E4 x8
10	וַיְהִ֣י מִֽמָּחֳרָ֗ת וַתִּצְלַ֣ח רוּחַ֩ אֱלֹהִ֨ים ׀ רָעָ֤ה ׀ אֶל־שָׁאוּל֙ וַיִּתְנַבֵּ֣א בְתוֹךְ־הַבַּ֔יִת, וְדָוִ֛ד מְנַגֵּ֥ן בְּיָד֖וֹ כְּי֣וֹם ׀ בְּי֑וֹם וְהַחֲנִ֖ית בְּיַד־שָׁאֽוּל	E4 B4 E4 B4 C5 ^:B4 D4 F4 G#4 B4 A4	A4 G#4 E4 x3
11	וַיָּ֤טֶל שָׁאוּל֙ אֶֽת־הַחֲנִ֔ית, וַיֹּ֕אמֶר אַכֶּ֥ה בְדָוִ֖ד וּבַקִּ֑יר וַיִּסֹּ֥ב דָּוִ֛ד מִפָּנָ֖יו פַּעֲמָֽיִם	x2 E4 C5 ^:E4 F4 G#4 A4	A4 F4 D4 G#4 E4
12	וַיִּרָ֥א שָׁא֖וּל מִלִּפְנֵ֣י דָוִ֑ד כִּֽי־הָיָ֤ה יְהוָה֙ עִמּ֔וֹ, וּמֵעִ֥ם שָׁא֖וּל סָֽר	x3 E4 F4 G#4 B4 A4	E4 ^:C5 F4 G#4 E4
13	וַיְסִרֵ֤הוּ שָׁאוּל֙ מֵֽעִמּ֔וֹ, וַיְשִׂמֵ֥הוּ ל֖וֹ שַׂר־אָ֑לֶף וַיֵּצֵ֥א וַיָּבֹ֖א לִפְנֵ֥י הָעָֽם ס	x2 E4 C5 ^:E4 F4 G#4 A4	A4 F4 G#4 F4 E4 x3
14	וַיְהִ֥י דָוִ֛ד לְכָל־דָּרְכָ֖ו מַשְׂכִּ֑יל וַיהוָ֖ה עִמּֽוֹ	x2 E4 F4 D4 G#4 A4	A4 G#4 E4 x3
15	וַיַּ֣רְא שָׁא֔וּל, אֲשֶׁר־ה֖וּא מַשְׂכִּ֣יל מְאֹ֑ד וַיָּ֖גָר מִפָּנָֽיו	x2 E4 ^:B4 G#4 B4 A4	A4 G#4 E4 x3
16	וְכָל־יִשְׂרָאֵל֙ וִיהוּדָ֔ה, אֹהֵ֖ב אֶת־דָּוִ֑ד כִּי־ה֛וּא יוֹצֵ֥א וָבָ֖א לִפְנֵיהֶֽם פ	^:E4 G#4 A4	A4 D4 F4 G#4 E4
17	וַיֹּ֨אמֶר שָׁא֜וּל אֶל־דָּוִ֗ד הִנֵּה֩ בִתִּ֨י הַגְּדוֹלָ֤ה מֵרַב֙ אֹתָהּ֙ אֶתֶּן־לְךָ֣ לְאִשָּׁ֔ה, אַ֚ךְ הֱיֵה־לִּ֣י לְבֶן־חַ֔יִל, וְהִלָּחֵ֖ם מִלְחֲמ֣וֹת יְהוָ֑ה וְשָׁא֣וּל אָמַ֗ר אַל־תְּהִ֤י יָדִי֙ בּ֔וֹ, וּתְהִי־ב֖וֹ יַד־פְּלִשְׁתִּֽים ס	^◆^⚲E4 C5 ^:B4 C5 ^:B4 G#4 B4 A4	A4 B4 ^:C5 G#4 E4
18	וַיֹּ֨אמֶר דָּוִ֜ד אֶל־שָׁא֗וּל מִ֤י אָֽנֹכִי֙ וּמִ֣י חַיַּ֔י, מִשְׁפַּ֥חַת אָבִ֖י בְּיִשְׂרָאֵ֑ל כִּי־אֶהְיֶ֥ה חָתָ֖ן לַמֶּֽלֶךְ	^◆E4 C5 E4 ^:B4 F4 G#4 A4	A4 F4 G#4 E4 x8
19	וַיְהִ֗י בְּעֵ֥ת תֵּ֛ת אֶת־מֵרַ֥ב בַּת־שָׁא֖וּל לְדָוִ֑ד וְהִ֧יא נִתְּנָ֛ה לְעַדְרִיאֵ֥ל הַמְּחֹלָתִ֖י לְאִשָּֽׁה	^◆E4 F4 D4 F4 G#4 A4	A4 C4 D4 F4 G#4 E4
20	וַתֶּאֱהַ֛ב מִיכַ֥ל בַּת־שָׁא֖וּל אֶת־דָּוִ֑ד וַיַּגִּ֣דוּ לְשָׁא֔וּל, וַיִּשַׁ֥ר הַדָּבָ֖ר בְּעֵינָֽיו	E4 D4 F4 G#4 A4	A4 ^:B4 F4 G#4 E4 x2
21	וַיֹּ֨אמֶר שָׁא֜וּל אֶתְּנֶ֤נָּה לּוֹ֙ וּתְהִי־ל֣וֹ לְמוֹקֵ֔שׁ, וּתְהִי־ב֖וֹ יַד־פְּלִשְׁתִּ֑ים וַיֹּ֤אמֶר שָׁאוּל֙ אֶל־דָּוִ֔ד, בִּשְׁתַּ֛יִם תִּתְחַתֵּ֥ן בִּ֖י הַיּֽוֹם	x2 E4 C5 ^:B4 G#4 A4	A4 ^:C5 D4 F4 G#4 E4
22	וַיְצַ֨ו שָׁא֜וּל אֶת־עֲבָדָ֗ו דַּבְּר֨וּ אֶל־דָּוִ֤ד בַּלָּט֙ לֵאמֹ֔ר, הִנֵּ֨ה חָפֵ֤ץ בְּךָ֙ הַמֶּ֔לֶךְ, וְכָל־עֲבָדָ֖יו אֲהֵב֑וּךָ וְעַתָּ֖ה הִתְחַתֵּ֥ן בַּמֶּֽלֶךְ	^◆E4 ^:C5 G#4 A4	A4 G#4 F4 E4
23	וַֽיְדַבְּר֞וּ עַבְדֵ֤י שָׁאוּל֙ בְּאָזְנֵ֣י דָוִ֔ד, אֶת־הַדְּבָרִ֖ים הָאֵ֑לֶּה וַיֹּ֣אמֶר דָּוִ֗ד הַֽנְקַלָּ֤ה בְעֵֽינֵיכֶם֙ הִתְחַתֵּ֣ן בַּמֶּ֔לֶךְ, וְאָנֹכִ֖י אִֽישׁ־רָ֥שׁ וְנִקְלֶֽה	x2 E4 C5 ^:B4 G#4 A4	A4 B4 E4 C5 E4 ^:B4 G#4 E4 F4 E4
24	וַיַּגִּ֜דוּ עַבְדֵ֥י שָׁא֛וּל ל֖וֹ לֵאמֹ֑ר כַּדְּבָרִ֥ים הָאֵ֖לֶּה דִּבֶּ֥ר דָּוִֽד	x2 E4 F4 D4 G#4 A4	A4 F4 G#4 F4 E4 x3
25	וַיֹּ֨אמֶר שָׁא֜וּל כֹּה־תֹאמְר֣וּ לְדָוִ֗ד אֵֽין־חֵ֤פֶץ לַמֶּ֙לֶךְ֙ בְּמֹ֔הַר, כִּ֗י בְּמֵאָה֙ עָרְל֣וֹת פְּלִשְׁתִּ֔ים, לְהִנָּקֵ֖ם בְּאֹיְבֵ֣י הַמֶּ֑לֶךְ וְשָׁא֣וּל חָשַׁ֔ב, לְהַפִּ֥יל אֶת־דָּוִ֖ד בְּיַד־פְּלִשְׁתִּֽים	E4 B4 E4 ^:C5 ^:B4 G#4 B4 A4	A4 ^:B4 F4 G#4 E4 x2
26	וַיַּגִּ֨דוּ עֲבָדָ֤יו לְדָוִד֙ אֶת־הַדְּבָרִ֣ים הָאֵ֔לֶּה, וַיִּשַׁ֤ר הַדָּבָר֙ בְּעֵינֵ֣י דָוִ֔ד, לְהִתְחַתֵּ֖ן בַּמֶּ֑לֶךְ וְלֹ֥א מָלְא֖וּ הַיָּמִֽים	E4 C5 ^:B4 C5 ^:B4 G#4 A4	A4 F4 G#4 E4 x8
27	וַיָּ֨קָם דָּוִ֜ד וַיֵּ֣לֶךְ ׀ ה֣וּא וַאֲנָשָׁ֗יו וַיַּ֣ךְ בַּפְּלִשְׁתִּים֮ מָאתַ֣יִם אִישׁ֒ וַיָּבֵ֤א דָוִד֙ אֶת־עָרְלֹ֣תֵיהֶ֔ם, וַיְמַלְא֣וּם לַמֶּ֔לֶךְ, לְהִתְחַתֵּ֖ן בַּמֶּ֑לֶךְ וַיִּתֶּן־ל֥וֹ שָׁא֛וּל אֶת־מִיכַ֥ל בִּתּ֖וֹ לְאִשָּֽׁה ס	E4 B4 C5 ^:B4 G#4 A4	A4 F4 D4 F4 G#4 E4 x2
28	וַיַּ֤רְא שָׁאוּל֙ וַיֵּ֔דַע, כִּ֥י יְהוָ֖ה עִם־דָּוִ֑ד וּמִיכַ֥ל בַּת־שָׁא֖וּל אֲהֵבַֽתְהוּ	E4 ^:C5 F4 G#4 A4	A4 F4 G#4 E4 x8
29	וַיֹּ֣אסֶף שָׁא֗וּל לֵרֹ֛א מִפְּנֵ֥י דָוִ֖ד ע֑וֹד וַיְהִ֥י שָׁא֛וּל אֹיֵ֥ב אֶת־דָּוִ֖ד כָּל־הַיָּמִֽים פ	E4 B4 D4 F4 G#4 A4	A4 F4 D4 F4 G#4 E4 x2
30	וַיֵּצְא֖וּ שָׂרֵ֣י פְלִשְׁתִּ֑ים וַיְהִ֣י ׀ מִדֵּ֣י צֵאתָ֗ם שָׂכַ֤ל דָּוִד֙ מִכֹּל֙ עַבְדֵ֣י שָׁא֔וּל, וַיִּיקַ֥ר שְׁמ֖וֹ מְאֹֽד ס	E4 G#4 B4 A4	A4 B4 C5 ^:B4 F4 G#4 E4