📖 2 Samuel — Chapter 12

🎼 SHV Aligned Melodic Matrix: 2_SAMUEL 12

Rows are centered around the main structural cadence. Star highlights a verse beginning on a note other than the tonic.

🎨 Color Mapping Legend (Tonic E4)

F#4

G#4

1	וַיִּשְׁלַ֧ח יְהוָ֛ה אֶת־נָתָ֖ן אֶל־דָּוִ֑ד וַיָּבֹ֣א אֵלָ֗יו וַיֹּ֤אמֶר לוֹ֙ שְׁנֵ֣י אֲנָשִׁ֗ים הָיוּ֙ בְּעִ֣יר אֶחָ֔ת, אֶחָ֥ד עָשִׁ֖יר וְאֶחָ֥ד רָֽאשׁ	E4 C4 D4 G#4 A4	A4 B4 C5 ^:B4 F4 G#4 F4 E4
2	לְעָשִׁ֗יר הָיָ֛ה צֹ֥אן וּבָקָ֖ר הַרְבֵּ֥ה מְאֹֽד		^◆E4 D4 F4 G#4 F4 E4
3	וְלָרָ֣שׁ אֵֽין־כֹּ֗ל כִּי֩ אִם־כִּבְשָׂ֨ה אַחַ֤ת קְטַנָּה֙ אֲשֶׁ֣ר קָנָ֔ה, וַיְחַיֶּ֕הָ וַתִּגְדַּ֥ל עִמּ֛וֹ וְעִם־בָּנָ֖יו יַחְדָּ֑ו מִפִּתּ֨וֹ תֹאכַ֜ל וּמִכֹּס֤וֹ תִשְׁתֶּה֙ וּבְחֵיק֣וֹ תִשְׁכָּ֔ב, וַתְּהִי־ל֖וֹ כְּבַֽת	E4 B4 E4 C5 ^:B4 F4 D4 G#4 A4	A4 C5 ^:B4 G#4 E4
4	וַיָּ֣בֹא הֵלֶךְ֮ לְאִ֣ישׁ הֶעָשִׁיר֒ וַיַּחְמֹ֗ל לָקַ֤חַת מִצֹּאנוֹ֙ וּמִבְּקָר֔וֹ, לַעֲשׂ֕וֹת לָאֹרֵ֖חַ הַבָּא־ל֑וֹ וַיִּקַּ֗ח אֶת־כִּבְשַׂת֙ הָאִ֣ישׁ הָרָ֔אשׁ, וַֽיַּעֲשֶׂ֔הָ, לָאִ֖ישׁ הַבָּ֥א אֵלָֽיו	E4 B4 ^:C5 G#4 A4	^◆A4 ^:B4 ^:E4 G#4 F4 E4
5	וַיִּֽחַר־אַ֥ף דָּוִ֛ד בָּאִ֖ישׁ מְאֹ֑ד וַיֹּ֙אמֶר֙ אֶל־נָתָ֔ן, חַי־יְהוָ֕ה כִּ֣י בֶן־מָ֔וֶת, הָאִ֖ישׁ הָעֹשֶׂ֥ה זֹֽאת	x3 E4 F4 D4 G#4 A4	^:A4 ^:B4 G#4 F4 E4 x4
6	וְאֶת־הַכִּבְשָׂ֖ה יְשַׁלֵּ֣ם אַרְבַּעְתָּ֑יִם עֵ֗קֶב אֲשֶׁ֤ר עָשָׂה֙ אֶת־הַדָּבָ֣ר הַזֶּ֔ה, וְעַ֖ל אֲשֶׁ֥ר לֹֽא־חָמָֽל ס	E4 G#4 B4 A4	^◆A4 C5 ^:B4 G#4 F4 E4
7	וַיֹּ֧אמֶר נָתָ֛ן אֶל־דָּוִ֖ד אַתָּ֣ה הָאִ֑ישׁ כֹּה־אָמַ֨ר יְהוָ֜ה אֱלֹהֵ֣י יִשְׂרָאֵ֗ל אָנֹכִ֞י מְשַׁחְתִּ֤יךָֽ לְמֶ֙לֶךְ֙ עַל־יִשְׂרָאֵ֔ל, וְאָנֹכִ֥י הִצַּלְתִּ֖יךָ מִיַּ֥ד שָׁאֽוּל	E4 C4 D4 G#4 B4 A4	A4 B4 C5 ^:E4 F4 G#4 F4 E4
8	וָאֶתְּנָ֨ה לְךָ֜ אֶת־בֵּ֣ית אֲדֹנֶ֗יךָ וְאֶת־נְשֵׁ֤י אֲדֹנֶ֙יךָ֙ בְּחֵיקֶ֔ךָ, וָאֶתְּנָ֣ה לְךָ֔, אֶת־בֵּ֥ית יִשְׂרָאֵ֖ל וִיהוּדָ֑ה וְאִ֨ם־מְעָ֔ט, וְאֹסִ֥פָה לְּךָ֖ כָּהֵ֥נָּה וְכָהֵֽנָּה	x3 E4 B4 ^:C5 ^:B4 F4 G#4 A4	^:A4 F4 G#4 F4 E4
9	מַדּ֜וּעַ בָּזִ֣יתָ ׀ אֶת־דְּבַ֣ר יְהוָ֗ה לַעֲשׂ֣וֹת הָרַע֮ בְּעֵינַו֒ אֵ֣ת אוּרִיָּ֤ה הַחִתִּי֙ הִכִּ֣יתָ בַחֶ֔רֶב, וְאֶ֨ת־אִשְׁתּ֔וֹ, לָקַ֥חְתָּ לְּךָ֖ לְאִשָּׁ֑ה וְאֹת֣וֹ הָרַ֔גְתָּ, בְּחֶ֖רֶב בְּנֵ֥י עַמּֽוֹן	x3 E4 B4 C5 ^:B4 F4 G#4 A4	A4 ^:B4 G#4 F4 E4 x4
10	וְעַתָּ֗ה לֹא־תָס֥וּר חֶ֛רֶב מִבֵּיתְךָ֖ עַד־עוֹלָ֑ם עֵ֚קֶב כִּ֣י בְזִתָ֔נִי, וַתִּקַּ֗ח אֶת־אֵ֙שֶׁת֙ אוּרִיָּ֣ה הַחִתִּ֔י, לִהְי֥וֹת לְךָ֖ לְאִשָּֽׁה ס	x3 ^◆E4 F4 D4 G#4 A4	C5 ^:B4 F4 G#4 E4
11	כֹּ֣ה ׀ אָמַ֣ר יְהוָ֗ה הִנְנִי֩ מֵקִ֨ים עָלֶ֤יךָ רָעָה֙ מִבֵּיתֶ֔ךָ, וְלָקַחְתִּ֤י אֶת־נָשֶׁ֙יךָ֙ לְעֵינֶ֔יךָ, וְנָתַתִּ֖י לְרֵעֶ֑יךָ וְשָׁכַב֙ עִם־נָשֶׁ֔יךָ, לְעֵינֵ֖י הַשֶּׁ֥מֶשׁ הַזֹּֽאת	★ ^◆^⚲B4 ^:C5 G#4 A4	^:A4 G#4 F4 E4 x2
12	כִּ֥י אַתָּ֖ה עָשִׂ֣יתָ בַסָּ֑תֶר וַאֲנִ֗י אֶֽעֱשֶׂה֙ אֶת־הַדָּבָ֣ר הַזֶּ֔ה, נֶ֥גֶד כָּל־יִשְׂרָאֵ֖ל וְנֶ֥גֶד הַשָּֽׁמֶשׁ ס	★ F4 G#4 B4 A4	^◆A4 E4 ^:B4 F4 G#4 F4 E4
13	וַיֹּ֤אמֶר דָּוִד֙ אֶל־נָתָ֔ן, חָטָ֖אתִי לַיהוָ֑ה וַיֹּ֨אמֶר נָתָ֜ן אֶל־דָּוִ֗ד גַּם־יְהוָ֛ה הֶעֱבִ֥יר חַטָּאתְךָ֖ לֹ֥א תָמֽוּת	x2 E4 ^:C5 G#4 A4	^◆A4 D4 F4 G#4 F4 E4 x2
14	אֶ֗פֶס כִּֽי־נִאֵ֤ץ נִאַ֙צְתָּ֙ אֶת־אֹיְבֵ֣י יְהוָ֔ה, בַּדָּבָ֖ר הַזֶּ֑ה גַּ֗ם הַבֵּ֛ן הַיִּלּ֥וֹד לְךָ֖ מ֥וֹת יָמֽוּת	^◆E4 C5 ^:B4 G#4 A4	^◆A4 D4 F4 G#4 F4 E4 x2
15	וַיֵּ֥לֶךְ נָתָ֖ן אֶל־בֵּית֑וֹ וַיִּגֹּ֣ף יְהוָ֗ה אֶת־הַיֶּ֜לֶד אֲשֶׁ֨ר יָלְדָ֧ה אֵשֶׁת־אוּרִיָּ֛ה לְדָוִ֖ד וַיֵּאָנַֽשׁ	E4 F4 G#4 A4	A4 B4 C4 D4 G#4 E4
16	וַיְבַקֵּ֥שׁ דָּוִ֛ד אֶת־הָאֱלֹהִ֖ים בְּעַ֣ד הַנָּ֑עַר וַיָּ֤צָם דָּוִד֙ צ֔וֹם, וּבָ֥א וְלָ֖ן וְשָׁכַ֥ב אָֽרְצָה	x2 E4 F4 D4 G#4 B4 A4	A4 ^:C5 F4 G#4 F4 E4
17	וַיָּקֻ֜מוּ זִקְנֵ֤י בֵיתוֹ֙ עָלָ֔יו, לַהֲקִימ֖וֹ מִן־הָאָ֑רֶץ וְלֹ֣א אָבָ֔ה, וְלֹא־בָרָ֥א אִתָּ֖ם לָֽחֶם	x2 E4 ^:C5 G#4 A4	A4 ^:B4 F4 G#4 E4
18	וַיְהִ֛י בַּיּ֥וֹם הַשְּׁבִיעִ֖י וַיָּ֣מָת הַיָּ֑לֶד וַיִּֽרְאוּ֩ עַבְדֵ֨י דָוִ֜ד לְהַגִּ֥יד ל֣וֹ ׀ כִּי־מֵ֣ת הַיֶּ֗לֶד כִּ֤י אָֽמְרוּ֙ הִנֵּה֩ בִהְי֨וֹת הַיֶּ֜לֶד חַ֗י דִּבַּ֤רְנוּ אֵלָיו֙ וְלֹא־שָׁמַ֣ע בְּקוֹלֵ֔נוּ, וְאֵ֨יךְ נֹאמַ֥ר אֵלָ֛יו מֵ֥ת הַיֶּ֖לֶד וְעָשָׂ֥ה רָעָֽה	E4 D4 F4 G#4 B4 A4	A4 E4 F4 B4 C5 E4 C5 ^:B4 F4 D4 F4 G#4 F4 E4
19	וַיַּ֣רְא דָּוִ֗ד כִּ֤י עֲבָדָיו֙ מִֽתְלַחֲשִׁ֔ים, וַיָּ֥בֶן דָּוִ֖ד כִּ֣י מֵ֣ת הַיָּ֑לֶד וַיֹּ֨אמֶר דָּוִ֧ד אֶל־עֲבָדָ֛יו הֲמֵ֥ת הַיֶּ֖לֶד וַיֹּ֥אמְרוּ מֵֽת	E4 B4 C5 ^:E4 F4 G#4 B4 A4	A4 C4 D4 F4 G#4 F4 E4
20	וַיָּקָם֩ דָּוִ֨ד מֵהָאָ֜רֶץ וַיִּרְחַ֣ץ וַיָּ֗סֶךְ וַיְחַלֵּף֙ שִׂמְלֹתָ֔יו, וַיָּבֹ֥א בֵית־יְהוָ֖ה וַיִּשְׁתָּ֑חוּ וַיָּבֹא֙ אֶל־בֵּית֔וֹ, וַיִּשְׁאַ֕ל וַיָּשִׂ֥ימוּ ל֛וֹ לֶ֖חֶם וַיֹּאכַֽל	x2 ^⚲E4 ^:B4 F4 G#4 A4	^:A4 F4 D4 G#4 E4
21	וַיֹּאמְר֤וּ עֲבָדָיו֙ אֵלָ֔יו, מָה־הַדָּבָ֥ר הַזֶּ֖ה אֲשֶׁ֣ר עָשִׂ֑יתָה בַּעֲב֞וּר הַיֶּ֤לֶד חַי֙ צַ֣מְתָּ וַתֵּ֔בְךְּ, וְכַֽאֲשֶׁר֙ מֵ֣ת הַיֶּ֔לֶד, קַ֖מְתָּ וַתֹּ֥אכַל לָֽחֶם	E4 ^:C5 F4 G#4 B4 A4	A4 C5 ^:B4 E4 ^:B4 G#4 F4 E4
22	וַיֹּ֕אמֶר בְּעוֹד֙ הַיֶּ֣לֶד חַ֔י, צַ֖מְתִּי וָאֶבְכֶּ֑ה כִּ֤י אָמַ֙רְתִּי֙ מִ֣י יוֹדֵ֔עַ, וְחַנַּ֥נִי יְהוָ֖ה וְחַ֥י הַיָּֽלֶד	E4 ^:B4 G#4 A4	C5 ^:B4 F4 G#4 F4 E4
23	וְעַתָּ֣ה ׀ מֵ֗ת לָ֤מָּה זֶּה֙ אֲנִ֣י צָ֔ם, הַאוּכַ֥ל לַהֲשִׁיב֖וֹ ע֑וֹד אֲנִי֙ הֹלֵ֣ךְ אֵלָ֔יו, וְה֖וּא לֹא־יָשׁ֥וּב אֵלָֽי	x3 E4 B4 C5 ^:B4 F4 G#4 A4	A4 ^:B4 G#4 F4 E4 x4
24	וַיְנַחֵ֣ם דָּוִ֗ד אֵ֚ת בַּת־שֶׁ֣בַע אִשְׁתּ֔וֹ, וַיָּבֹ֥א אֵלֶ֖יהָ וַיִּשְׁכַּ֣ב עִמָּ֑הּ וַתֵּ֣לֶד בֵּ֗ן וַתִּקְרָ֤א אֶת־שְׁמוֹ֙ שְׁלֹמֹ֔ה, וַיהוָ֖ה אֲהֵבֽוֹ	E4 B4 C5 ^:B4 F4 G#4 B4 A4	A4 B4 ^:C5 G#4 E4
25	וַיִּשְׁלַ֗ח בְּיַד֙ נָתָ֣ן הַנָּבִ֔יא, וַיִּקְרָ֥א אֶת־שְׁמ֖וֹ יְדִ֣ידְיָ֑הּ בַּעֲב֖וּר יְהוָֽה פ	^◆E4 ^:B4 F4 G#4 B4 A4	A4 G#4 E4
26	וַיִּלָּ֣חֶם יוֹאָ֔ב, בְּרַבַּ֖ת בְּנֵ֣י עַמּ֑וֹן וַיִּלְכֹּ֖ד אֶת־עִ֥יר הַמְּלוּכָֽה	E4 ^:B4 G#4 B4 A4	A4 G#4 F4 E4 x2
27	וַיִּשְׁלַ֥ח יוֹאָ֛ב מַלְאָכִ֖ים אֶל־דָּוִ֑ד וַיֹּ֙אמֶר֙ נִלְחַ֣מְתִּי בְרַבָּ֔ה, גַּם־לָכַ֖דְתִּי אֶת־עִ֥יר הַמָּֽיִם	x3 E4 F4 D4 G#4 A4	A4 ^:B4 G#4 F4 E4 x4
28	וְעַתָּ֗ה אֱסֹף֙ אֶת־יֶ֣תֶר הָעָ֔ם, וַחֲנֵ֥ה עַל־הָעִ֖יר וְלָכְדָ֑הּ פֶּן־אֶלְכֹּ֤ד אֲנִי֙ אֶת־הָעִ֔יר, וְנִקְרָ֥א שְׁמִ֖י עָלֶֽיהָ	x2 ^◆E4 ^:B4 F4 G#4 A4	A4 ^:C5 F4 G#4 E4
29	וַיֶּאֱסֹ֥ף דָּוִ֛ד אֶת־כָּל־הָעָ֖ם וַיֵּ֣לֶךְ רַבָּ֑תָה וַיִּלָּ֥חֶם בָּ֖הּ וַֽיִּלְכְּדָֽהּ	x2 E4 F4 D4 G#4 B4 A4	A4 F4 G#4 E4
30	וַיִּקַּ֣ח אֶת־עֲטֶֽרֶת־מַלְכָּם֩ מֵעַ֨ל רֹאשׁ֜וֹ וּמִשְׁקָלָ֨הּ כִּכַּ֤ר זָהָב֙ וְאֶ֣בֶן יְקָרָ֔ה, וַתְּהִ֖י עַל־רֹ֣אשׁ דָּוִ֑ד וּשְׁלַ֥ל הָעִ֛יר הוֹצִ֖יא הַרְבֵּ֥ה מְאֹֽד	E4 B4 E4 C5 ^:B4 G#4 B4 A4	A4 F4 D4 G#4 F4 E4
31	וְאֶת־הָעָ֨ם אֲשֶׁר־בָּ֜הּ הוֹצִ֗יא וַיָּ֣שֶׂם בַּ֠מְּגֵרָה וּבַחֲרִצֵ֨י הַבַּרְזֶ֜ל וּֽבְמַגְזְרֹ֣ת הַבַּרְזֶ֗ל וְהֶעֱבִ֤יר אוֹתָם֙ בַּמַּלְבֵּ֔ן, וְכֵ֣ן יַעֲשֶׂ֔ה, לְכֹ֖ל עָרֵ֣י בְנֵֽי־עַמּ֑וֹן וַיָּ֧שָׁב דָּוִ֛ד וְכָל־הָעָ֖ם יְרוּשָׁלִָֽם פ	^◆E4 B4 E4 B4 ^:C5 ^:B4 G#4 B4 E4 A4	A4 C4 D4 G#4 E4