📖 Amos — Chapter 9

◀ Prev 📁 Index 🔍 Search Motifs Next ▶

🎼 SHV Aligned Melodic Matrix: AMOS 9

Rows are centered around the main structural cadence. Star highlights a verse beginning on a note other than the tonic.

🎨 Color Mapping Legend (Tonic E4)

C4

D4

E4

F4

F#4

G4

G#4

A4

B4

C5

1	רָאִ֨יתִי אֶת־אֲדֹנָ֜י נִצָּ֣ב עַֽל־הַמִּזְבֵּ֗חַ וַיֹּאמֶר֩ הַ֨ךְ הַכַּפְתּ֜וֹר וְיִרְעֲשׁ֣וּ הַסִּפִּ֗ים וּבְצַ֙עַם֙ בְּרֹ֣אשׁ כֻּלָּ֔ם, וְאַחֲרִיתָ֖ם בַּחֶ֣רֶב אֶהֱרֹ֑ג לֹֽא־יָנ֤וּס לָהֶם֙ נָ֔ס, וְלֹא־יִמָּלֵ֥ט לָהֶ֖ם פָּלִֽיט	E4 B4 E4 ^:B4 G#4 B4 A4	E4 ^:C5 F4 G#4 E4
2	אִם־יַחְתְּר֣וּ בִשְׁא֔וֹל, מִשָּׁ֖ם יָדִ֣י תִקָּחֵ֑ם וְאִֽם־יַעֲלוּ֙ הַשָּׁמַ֔יִם, מִשָּׁ֖ם אוֹרִידֵֽם	x3 E4 ^:B4 G#4 B4 A4	A4 ^:E4 G#4 E4
3	וְאִם־יֵחָֽבְאוּ֙ בְּרֹ֣אשׁ הַכַּרְמֶ֔ל, מִשָּׁ֥ם אֲחַפֵּ֖שׂ וּלְקַחְתִּ֑ים וְאִם־יִסָּ֨תְר֜וּ מִנֶּ֤גֶד עֵינַי֙ בְּקַרְקַ֣ע הַיָּ֔ם, מִשָּׁ֛ם אֲצַוֶּ֥ה אֶת־הַנָּחָ֖שׁ וּנְשָׁכָֽם	E4 ^:B4 F4 G#4 A4	A4 C5 ^:B4 D4 F4 G#4 E4
4	וְאִם־יֵלְכ֤וּ בַשְּׁבִי֙ לִפְנֵ֣י אֹֽיבֵיהֶ֔ם, מִשָּׁ֛ם אֲצַוֶּ֥ה אֶת־הַחֶ֖רֶב וַהֲרָגָ֑תַם וְשַׂמְתִּ֨י עֵינִ֧י עֲלֵיהֶ֛ם לְרָעָ֖ה וְלֹ֥א לְטוֹבָֽה	E4 C5 B4 ^:E4 D4 F4 G#4 A4	A4 C4 D4 G#4 F4 E4
5	וַאדֹנָ֨י יְהוִ֜ה הַצְּבָא֗וֹת הַנּוֹגֵ֤עַ בָּאָ֙רֶץ֙ וַתָּמ֔וֹג, וְאָבְל֖וּ כָּל־י֣וֹשְׁבֵי בָ֑הּ וְעָלְתָ֤ה כַיְאֹר֙ כֻּלָּ֔הּ, וְשָׁקְעָ֖ה כִּיאֹ֥ר מִצְרָֽיִם‫	x2 ^◆E4 ^:C5 G#4 B4 A4	A4 ^:C5 G#4 F4 E4
6	הַבּוֹנֶ֤ה בַשָּׁמַ֙יִם֙ מַעֲלוֹתָ֔יו, וַאֲגֻדָּת֖וֹ עַל־אֶ֣רֶץ יְסָדָ֑הּ הַקֹּרֵ֣א לְמֵֽי־הַיָּ֗ם וַֽיִּשְׁפְּכֵ֛ם עַל־פְּנֵ֥י הָאָ֖רֶץ יְהוָ֥ה שְׁמֽוֹ	x2 E4 ^:C5 G#4 B4 A4	A4 B4 E4 D4 F4 G#4 F4 E4
7	הֲל֣וֹא כִבְנֵי֩ כֻשִׁיִּ֨ים אַתֶּ֥ם לִ֛י בְּנֵ֥י יִשְׂרָאֵ֖ל נְאֻם־יְהוָ֑ה הֲל֣וֹא אֶת־יִשְׂרָאֵ֗ל הֶעֱלֵ֙יתִי֙ מֵאֶ֣רֶץ מִצְרַ֔יִם, וּפְלִשְׁתִּיִּ֥ים מִכַּפְתּ֖וֹר וַאֲרָ֥ם מִקִּֽיר	E4 B4 F4 D4 F4 G#4 A4	A4 ^:B4 F4 G#4 F4 E4
8	הִנֵּ֞ה עֵינֵ֣י אֲדֹנָ֣י יְהוִ֗ה בַּמַּמְלָכָה֙ הַחַטָּאָ֔ה, וְהִשְׁמַדְתִּ֣י אֹתָ֔הּ, מֵעַ֖ל פְּנֵ֣י הָאֲדָמָ֑ה אֶ֗פֶס כִּ֠י לֹ֣א הַשְׁמֵ֥יד אַשְׁמִ֛יד אֶת־בֵּ֥ית יַעֲקֹ֖ב נְאֻם־יְהוָֽה	x3 E4 ^:B4 G#4 B4 A4	^◆^⚲A4 B4 F4 D4 F4 G#4 E4
9	כִּֽי־הִנֵּ֤ה אָֽנֹכִי֙ מְצַוֶּ֔ה, וַהֲנִע֥וֹתִי בְכָֽל־הַגּוֹיִ֖ם אֶת־בֵּ֣ית יִשְׂרָאֵ֑ל כַּאֲשֶׁ֤ר יִנּ֙וֹעַ֙ בַּכְּבָרָ֔ה, וְלֹא־יִפּ֥וֹל צְר֖וֹר אָֽרֶץ	E4 C5 ^:E4 F4 E4 G#4 B4 A4	A4 ^:C5 F4 G#4 E4
10	בַּחֶ֣רֶב יָמ֔וּתוּ, כֹּ֖ל חַטָּאֵ֣י עַמִּ֑י הָאֹמְרִ֗ים לֹֽא־תַגִּ֧ישׁ וְתַקְדִּ֛ים בַּעֲדֵ֖ינוּ הָרָעָֽה	x3 E4 ^:B4 G#4 B4 A4	^◆A4 E4 C4 D4 G#4 E4
11	בַּיּ֣וֹם הַה֔וּא, אָקִ֛ים אֶת־סֻכַּ֥ת דָּוִ֖יד הַנֹּפֶ֑לֶת וְגָדַרְתִּ֣י אֶת־פִּרְצֵיהֶ֗ן וַהֲרִֽסֹתָיו֙ אָקִ֔ים, וּבְנִיתִ֖יהָ כִּימֵ֥י עוֹלָֽם	E4 ^:B4 D4 F4 G#4 A4	A4 B4 ^:E4 G#4 F4 E4
12	לְמַ֨עַן יִֽירְשׁ֜וּ אֶת־שְׁאֵרִ֤ית אֱדוֹם֙ וְכָל־הַגּוֹיִ֔ם, אֲשֶׁר־נִקְרָ֥א שְׁמִ֖י עֲלֵיהֶ֑ם נְאֻם־יְהוָ֖ה עֹ֥שֶׂה זֹּֽאת פ	E4 ^:C5 F4 G#4 A4	A4 G#4 F4 E4
13	הִנֵּ֨ה יָמִ֤ים בָּאִים֙ נְאֻם־יְהוָ֔ה, וְנִגַּ֤שׁ חוֹרֵשׁ֙ בַּקֹּצֵ֔ר, וְדֹרֵ֥ךְ עֲנָבִ֖ים בְּמֹשֵׁ֣ךְ הַזָּ֑רַע וְהִטִּ֤יפוּ הֶֽהָרִים֙ עָסִ֔יס, וְכָל־הַגְּבָע֖וֹת תִּתְמוֹגַֽגְנָה	E4 ^:C5 F4 G#4 B4 A4	A4 C5 ^:E4 G#4 E4
14	וְשַׁבְתִּי֮ אֶת־שְׁב֣וּת עַמִּ֣י יִשְׂרָאֵל֒ וּבָנ֞וּ עָרִ֤ים נְשַׁמּוֹת֙ וְיָשָׁ֔בוּ, וְנָטְע֣וּ כְרָמִ֔ים, וְשָׁת֖וּ אֶת־יֵינָ֑ם וְעָשׂ֣וּ גַנּ֔וֹת, וְאָכְל֖וּ אֶת־פְּרִיהֶֽם	^∾E4 B4 ^:C5 ^:B4 G#4 A4	A4 ^:B4 G#4 E4
15	וּנְטַעְתִּ֖ים עַל־אַדְמָתָ֑ם וְלֹ֨א יִנָּתְשׁ֜וּ ע֗וֹד מֵעַ֤ל אַדְמָתָם֙ אֲשֶׁ֣ר נָתַ֣תִּי לָהֶ֔ם, אָמַ֖ר יְהוָ֥ה אֱלֹהֶֽיךָ ש	E4 G#4 A4	^◆A4 C5 ^:B4 G#4 F4 E4