📖 Zechariah — Chapter 10

◀ Prev 📁 Index 🔍 Search Motifs Next ▶

🎼 SHV Aligned Melodic Matrix: ZECHARIAH 10

Rows are centered around the main structural cadence. Star highlights a verse beginning on a note other than the tonic.

🎨 Color Mapping Legend (Tonic E4)

C4

D4

E4

F4

F#4

G4

G#4

A4

B4

C5

1	שַׁאֲל֨וּ מֵיְהוָ֤ה מָטָר֙ בְּעֵ֣ת מַלְק֔וֹשׁ, יְהוָ֖ה עֹשֶׂ֣ה חֲזִיזִ֑ים וּמְטַר־גֶּ֙שֶׁם֙ יִתֵּ֣ן לָהֶ֔ם, לְאִ֖ישׁ עֵ֥שֶׂב בַּשָּׂדֶֽה	x2 E4 C5 ^:B4 G#4 B4 A4	A4 ^:B4 G#4 F4 E4
2	כִּ֧י הַתְּרָפִ֣ים דִּבְּרוּ־אָ֗וֶן וְהַקּֽוֹסְמִים֙ חָ֣זוּ שֶׁ֔קֶר, וַֽחֲלֹמוֹת֙ הַשָּׁ֣וא יְדַבֵּ֔רוּ, הֶ֖בֶל יְנַחֵמ֑וּן עַל־כֵּן֙ נָסְע֣וּ כְמוֹ־צֹ֔אן, יַעֲנ֖וּ כִּֽי־אֵ֥ין רֹעֶֽה פ	★ C4 B4 E4 ^:B4 E4 ^:B4 G#4 A4	A4 ^:B4 G#4 E4 F4 E4
3	עַל־הָֽרֹעִים֙ חָרָ֣ה אַפִּ֔י, וְעַל־הָעַתּוּדִ֖ים אֶפְק֑וֹד כִּֽי־פָקַד֩ יְהוָ֨ה צְבָא֤וֹת אֶת־עֶדְרוֹ֙ אֶת־בֵּ֣ית יְהוּדָ֔ה, וְשָׂ֣ם אוֹתָ֔ם, כְּס֥וּס הוֹד֖וֹ בַּמִּלְחָמָֽה	x2 E4 ^:B4 G#4 A4	^⚲E4 C5 ^:B4 F4 G#4 E4
4	מִמֶּ֤נּוּ פִנָּה֙ מִמֶּ֣נּוּ יָתֵ֔ד, מִמֶּ֖נּוּ קֶ֣שֶׁת מִלְחָמָ֑ה מִמֶּ֛נּוּ יֵצֵ֥א כָל־נוֹגֵ֖שׂ יַחְדָּֽו	x2 E4 C5 ^:B4 G#4 B4 A4	A4 D4 F4 G#4 E4 x2
5	וְהָי֨וּ כְגִבֹּרִ֜ים בּוֹסִ֨ים בְּטִ֤יט חוּצוֹת֙ בַּמִּלְחָמָ֔ה, וְנִ֨לְחֲמ֔וּ, כִּ֥י יְהוָ֖ה עִמָּ֑ם וְהֹבִ֖ישׁוּ רֹכְבֵ֥י סוּסִֽים	x2 E4 ^:C5 F4 G#4 A4	A4 G#4 F4 E4 x2
6	וְגִבַּרְתִּ֣י ׀ אֶת־בֵּ֣ית יְהוּדָ֗ה וְאֶת־בֵּ֤ית יוֹסֵף֙ אוֹשִׁ֔יעַ, וְהֽוֹשְׁבוֹתִים֙ כִּ֣י רִֽחַמְתִּ֔ים, וְהָי֖וּ כַּאֲשֶׁ֣ר לֹֽא־זְנַחְתִּ֑ים כִּ֗י אֲנִ֛י יְהוָ֥ה אֱלֹהֵיהֶ֖ם וְאֶעֱנֵֽם	E4 B4 ^:C5 E4 B4 ^:E4 G#4 B4 E4 A4	^◆A4 D4 F4 G#4 E4 x2
7	וְהָי֤וּ כְגִבּוֹר֙ אֶפְרַ֔יִם, וְשָׂמַ֥ח לִבָּ֖ם כְּמוֹ־יָ֑יִן וּבְנֵיהֶם֙ יִרְא֣וּ וְשָׂמֵ֔חוּ, יָגֵ֥ל לִבָּ֖ם בַּיהוָֽה	x2 E4 ^:C5 F4 G#4 A4	A4 ^:B4 F4 G#4 E4 x2
8	אֶשְׁרְקָ֥ה לָהֶ֛ם וַאֲקַבְּצֵ֖ם כִּ֣י פְדִיתִ֑ים וְרָב֖וּ כְּמ֥וֹ רָבֽוּ	E4 F4 D4 G#4 B4 A4	A4 G#4 F4 E4 x2
9	וְאֶזְרָעֵם֙ בָּֽעַמִּ֔ים, וּבַמֶּרְחַקִּ֖ים יִזְכְּר֑וּנִי וְחָי֥וּ אֶת־בְּנֵיהֶ֖ם וָשָֽׁבוּ	x2 ^:E4 G#4 A4	A4 F4 G#4 E4
10	וַהֲשִֽׁיבוֹתִים֙ מֵאֶ֣רֶץ מִצְרַ֔יִם, וּמֵאַשּׁ֖וּר אֲקַבְּצֵ֑ם וְאֶל־אֶ֨רֶץ גִּלְעָ֤ד וּלְבָנוֹן֙ אֲבִיאֵ֔ם, וְלֹ֥א יִמָּצֵ֖א לָהֶֽם	x2 E4 ^:B4 G#4 A4	A4 ^:C5 F4 G#4 E4
11	וְעָבַ֨ר בַּיָּ֜ם צָרָ֗ה וְהִכָּ֤ה בַיָּם֙ גַּלִּ֔ים, וְהֹבִ֕ישׁוּ כֹּ֖ל מְצוּל֣וֹת יְאֹ֑ר וְהוּרַד֙ גְּא֣וֹן אַשּׁ֔וּר, וְשֵׁ֥בֶט מִצְרַ֖יִם יָסֽוּר	^◆E4 ^:C5 G#4 B4 A4	A4 ^:B4 F4 G#4 E4 x2
12	וְגִבַּרְתִּים֙ בַּֽיהוָ֔ה, וּבִשְׁמ֖וֹ יִתְהַלָּ֑כוּ נְאֻ֖ם יְהוָֽה ס	x2 ^:E4 G#4 A4	A4 G#4 E4