📖 Isaiah — Chapter 48

🎼 SHV Aligned Melodic Matrix: ISAIAH 48

Rows are centered around the main structural cadence. Star highlights a verse beginning on a note other than the tonic.

🎨 Color Mapping Legend (Tonic E4)

F#4

G#4

1	שִׁמְעוּ־זֹ֣את בֵּֽית־יַעֲקֹ֗ב הַנִּקְרָאִים֙ בְּשֵׁ֣ם יִשְׂרָאֵ֔ל, וּמִמֵּ֥י יְהוּדָ֖ה יָצָ֑אוּ הַֽנִּשְׁבָּעִ֣ים ׀ בְּשֵׁ֣ם יְהוָ֗ה וּבֵאלֹהֵ֤י יִשְׂרָאֵל֙ יַזְכִּ֔ירוּ, לֹ֥א בֶאֱמֶ֖ת וְלֹ֥א בִצְדָקָֽה	E4 B4 E4 ^:B4 F4 G#4 A4	E4 B4 ^:C5 F4 G#4 F4 E4
2	כִּֽי־מֵעִ֤יר הַקֹּ֙דֶשׁ֙ נִקְרָ֔אוּ, וְעַל־אֱלֹהֵ֥י יִשְׂרָאֵ֖ל נִסְמָ֑כוּ יְהוָ֥ה צְבָא֖וֹת שְׁמֽוֹ ס	x3 E4 ^:C5 F4 G#4 A4	A4 F4 G#4 E4 x2
3	הָרִֽאשֹׁנוֹת֙ מֵאָ֣ז הִגַּ֔דְתִּי, וּמִפִּ֥י יָצְא֖וּ וְאַשְׁמִיעֵ֑ם פִּתְאֹ֥ם עָשִׂ֖יתִי וַתָּבֹֽאנָה	E4 ^:B4 F4 G#4 A4	A4 F4 G#4 E4 x2
4	מִדַּעְתִּ֕י כִּ֥י קָשֶׁ֖ה אָ֑תָּה וְגִ֤יד בַּרְזֶל֙ עָרְפֶּ֔ךָ, וּמִצְחֲךָ֖ נְחוּשָֽׁה	E4 F4 G#4 A4	A4 ^:C5 G#4 E4
5	וָאַגִּ֤יד לְךָ֙ מֵאָ֔ז, בְּטֶ֥רֶם תָּב֖וֹא הִשְׁמַעְתִּ֑יךָ פֶּן־תֹּאמַר֙ עָצְבִּ֣י עָשָׂ֔ם, וּפִסְלִ֥י וְנִסְכִּ֖י צִוָּֽם	x3 E4 ^:C5 F4 G#4 A4	A4 ^:B4 F4 G#4 E4
6	שָׁמַ֤עְתָּֽ חֲזֵה֙ כֻּלָּ֔הּ, וְאַתֶּ֖ם הֲל֣וֹא תַגִּ֑ידוּ הִשְׁמַעְתִּ֤יךָ חֲדָשׁוֹת֙ מֵעַ֔תָּה, וּנְצֻר֖וֹת וְלֹ֥א יְדַעְתָּֽם	E4 C5 ^:E4 G#4 B4 A4	A4 ^:C5 G#4 F4 E4 x2
7	עַתָּ֤ה נִבְרְאוּ֙ וְלֹ֣א מֵאָ֔ז, וְלִפְנֵי־י֖וֹם וְלֹ֣א שְׁמַעְתָּ֑ם פֶּן־תֹּאמַ֖ר הִנֵּ֥ה יְדַעְתִּֽין	E4 C5 ^:B4 G#4 B4 A4	A4 G#4 F4 E4 x4
8	גַּ֣ם לֹֽא־שָׁמַ֗עְתָּ גַּ֚ם לֹ֣א יָדַ֔עְתָּ, גַּ֕ם מֵאָ֖ז לֹא־פִתְּחָ֣ה אָזְנֶ֑ךָ כִּ֤י יָדַ֙עְתִּי֙ בָּג֣וֹד תִּבְגּ֔וֹד, וּפֹשֵׁ֥עַ מִבֶּ֖טֶן קֹ֥רָא לָֽךְ	★ B4 E4 C5 ^:B4 G#4 B4 A4	C5 ^:B4 F4 G#4 F4 E4
9	לְמַ֤עַן שְׁמִי֙ אַאֲרִ֣יךְ אַפִּ֔י, וּתְהִלָּתִ֖י אֶחֱטָם־לָ֑ךְ לְבִלְתִּ֖י הַכְרִיתֶֽךָ	E4 C5 ^:B4 G#4 A4	A4 G#4 E4 x2
10	הִנֵּ֥ה צְרַפְתִּ֖יךָ וְלֹ֣א בְכָ֑סֶף בְּחַרְתִּ֖יךָ בְּכ֥וּר עֹֽנִי	E4 F4 G#4 B4 A4	A4 G#4 F4 E4 x4
11	לְמַעֲנִ֧י לְמַעֲנִ֛י אֶעֱשֶׂ֖ה כִּ֣י אֵ֣יךְ יֵחָ֑ל וּכְבוֹדִ֖י לְאַחֵ֥ר לֹֽא־אֶתֵּֽן פ	x2 E4 C4 D4 G#4 B4 A4	A4 G#4 F4 E4 x4
12	שְׁמַ֤ע אֵלַי֙ יַֽעֲקֹ֔ב, וְיִשְׂרָאֵ֖ל מְקֹרָאִ֑י אֲנִי־הוּא֙ אֲנִ֣י רִאשׁ֔וֹן, אַ֖ף אֲנִ֥י אַחֲרֽוֹן	E4 C5 ^:E4 G#4 A4	A4 ^:B4 G#4 F4 E4
13	אַף־יָדִי֙ יָ֣סְדָה אֶ֔רֶץ, וִימִינִ֖י טִפְּחָ֣ה שָׁמָ֑יִם קֹרֵ֥א אֲנִ֛י אֲלֵיהֶ֖ם יַעַמְד֥וּ יַחְדָּֽו	E4 ^:B4 G#4 B4 A4	A4 F4 D4 G#4 F4 E4
14	הִקָּבְצ֤וּ כֻלְּכֶם֙ וּֽשֲׁמָ֔עוּ, מִ֥י בָהֶ֖ם הִגִּ֣יד אֶת־אֵ֑לֶּה יְהוָ֣ה אֲהֵב֔וֹ, יַעֲשֶׂ֤ה חֶפְצוֹ֙ בְּבָבֶ֔ל, וּזְרֹע֖וֹ כַּשְׂדִּֽים	E4 C5 ^:E4 F4 G#4 B4 A4	A4 ^:B4 ^:C5 G#4 E4
15	אֲנִ֥י אֲנִ֛י דִּבַּ֖רְתִּי אַף־קְרָאתִ֑יו הֲבִיאֹתִ֖יו וְהִצְלִ֥יחַ דַּרְכּֽוֹ	E4 F4 D4 G#4 A4	A4 G#4 F4 E4 x4
16	קִרְב֧וּ אֵלַ֣י שִׁמְעוּ־זֹ֗את לֹ֤א מֵרֹאשׁ֙ בַּסֵּ֣תֶר דִּבַּ֔רְתִּי, מֵעֵ֥ת הֱיוֹתָ֖הּ שָׁ֣ם אָ֑נִי וְעַתָּ֗ה אֲדֹנָ֧י יְהוִ֛ה שְׁלָחַ֖נִי וְרוּחֽוֹ פ	E4 C4 B4 C5 ^:B4 F4 G#4 B4 A4	^◆A4 C4 D4 G#4 E4
17	כֹּֽה־אָמַ֧ר יְהוָ֛ה גֹּאַלְךָ֖ קְד֣וֹשׁ יִשְׂרָאֵ֑ל אֲנִ֨י יְהוָ֤ה אֱלֹהֶ֙יךָ֙ מְלַמֶּדְךָ֣ לְהוֹעִ֔יל, מַדְרִֽיכֲךָ֖ בְּדֶ֥רֶךְ תֵּלֵֽךְ	x2 E4 C4 D4 G#4 B4 A4	A4 C5 ^:B4 E4 G#4 F4 E4
18	ל֥וּא הִקְשַׁ֖בְתָּ לְמִצְוֺתָ֑י וַיְהִ֤י כַנָּהָר֙ שְׁלוֹמֶ֔ךָ, וְצִדְקָתְךָ֖ כְּגַלֵּ֥י הַיָּֽם	★ F4 G#4 A4	A4 ^:C5 G#4 F4 E4 x2
19	וַיְהִ֤י כַחוֹל֙ זַרְעֶ֔ךָ, וְצֶאֱצָאֵ֥י מֵעֶ֖יךָ כִּמְעֹתָ֑יו לֹא־יִכָּרֵ֧ת וְֽלֹא־יִשָּׁמֵ֛ד שְׁמ֖וֹ מִלְּפָנָֽי ס	x3 E4 ^:C5 F4 G#4 A4	A4 C4 E4 D4 G#4 E4
20	צְא֣וּ מִבָּבֶל֮ בִּרְח֣וּ מִכַּשְׂדִּים֒ בְּק֣וֹל רִנָּ֗ה הַגִּ֤ידוּ הַשְׁמִ֙יעוּ֙ זֹ֔את, הוֹצִיא֖וּהָ עַד־קְצֵ֣ה הָאָ֑רֶץ אִמְר֕וּ גָּאַ֥ל יְהוָ֖ה עַבְדּ֥וֹ יַעֲקֹֽב	E4 B4 ^:C5 G#4 B4 A4	A4 F4 G#4 F4 E4
21	וְלֹ֣א צָמְא֗וּ בָּחֳרָבוֹת֙ הוֹלִיכָ֔ם, מַ֥יִם מִצּ֖וּר הִזִּ֣יל לָ֑מוֹ וַיִּ֨בְקַע־צ֔וּר, וַיָּזֻ֖בוּ מָֽיִם	E4 ^:B4 F4 G#4 B4 A4	^:A4 G#4 E4 x2
22	אֵ֣ין שָׁל֔וֹם, אָמַ֥ר יְהוָ֖ה לָרְשָׁעִֽים פ	★	^:B4 F4 G#4 E4