📖 Isaiah — Chapter 49

🎼 SHV Aligned Melodic Matrix: ISAIAH 49

Rows are centered around the main structural cadence. Star highlights a verse beginning on a note other than the tonic.

🎨 Color Mapping Legend (Tonic E4)

F#4

G#4

1	שִׁמְע֤וּ אִיִּים֙ אֵלַ֔י, וְהַקְשִׁ֥יבוּ לְאֻמִּ֖ים מֵרָח֑וֹק יְהוָה֙ מִבֶּ֣טֶן קְרָאָ֔נִי, מִמְּעֵ֥י אִמִּ֖י הִזְכִּ֥יר שְׁמִֽי	E4 ^:C5 F4 G#4 A4	A4 ^:B4 F4 G#4 F4 E4 x2
2	וַיָּ֤שֶׂם פִּי֙ כְּחֶ֣רֶב חַדָּ֔ה, בְּצֵ֥ל יָד֖וֹ הֶחְבִּיאָ֑נִי וַיְשִׂימֵ֙נִי֙ לְחֵ֣ץ בָּר֔וּר, בְּאַשְׁפָּת֖וֹ הִסְתִּירָֽנִי	x2 E4 C5 ^:B4 F4 G#4 A4	A4 ^:B4 G#4 E4 x3
3	וַיֹּ֥אמֶר לִ֖י עַבְדִּי־אָ֑תָּה יִשְׂרָאֵ֕ל אֲשֶׁר־בְּךָ֖ אֶתְפָּאָֽר	x3 E4 F4 G#4 A4	A4 G#4 E4 x3
4	וַאֲנִ֤י אָמַ֙רְתִּי֙ לְרִ֣יק יָגַ֔עְתִּי, לְתֹ֥הוּ וְהֶ֖בֶל כֹּחִ֣י כִלֵּ֑יתִי אָכֵן֙ מִשְׁפָּטִ֣י אֶת־יְהוָ֔ה, וּפְעֻלָּתִ֖י אֶת־אֱלֹהָֽי ס	E4 C5 ^:B4 F4 G#4 B4 A4	A4 ^:B4 G#4 E4 x3
5	וְעַתָּ֣ה ׀ אָמַ֣ר יְהוָ֗ה יֹצְרִ֤י מִבֶּ֙טֶן֙ לְעֶ֣בֶד ל֔וֹ, לְשׁוֹבֵ֤ב יַֽעֲקֹב֙ אֵלָ֔יו, וְיִשְׂרָאֵ֖ל ל֣וֹ יֵאָסֵ֑ף וְאֶכָּבֵד֙ בְּעֵינֵ֣י יְהוָ֔ה, וֵאלֹהַ֖י הָיָ֥ה עֻזִּֽי	E4 B4 C5 ^:B4 C5 ^:E4 G#4 B4 A4	A4 ^:B4 G#4 F4 E4 x4
6	וַיֹּ֗אמֶר נָקֵ֨ל מִֽהְיוֹתְךָ֥ לִי֙ עֶ֔בֶד, לְהָקִים֙ אֶת־שִׁבְטֵ֣י יַעֲקֹ֔ב, וּנְצוּרֵ֥י יִשְׂרָאֵ֖ל לְהָשִׁ֑יב וּנְתַתִּ֙יךָ֙ לְא֣וֹר גּוֹיִ֔ם, לִהְי֥וֹת יְשׁוּעָתִ֖י עַד־קְצֵ֥ה הָאָֽרֶץ ס	^◆E4 ^:F4 ^:B4 F4 G#4 A4	A4 ^:B4 F4 G#4 F4 E4 x2
7	כֹּ֣ה אָֽמַר־יְהוָה֩ גֹּאֵ֨ל יִשְׂרָאֵ֜ל קְדוֹשׁ֗וֹ לִבְזֹה־נֶ֜פֶשׁ לִמְתָ֤עֵֽב גּוֹי֙ לְעֶ֣בֶד מֹשְׁלִ֔ים, מְלָכִים֙ יִרְא֣וּ וָקָ֔מוּ, שָׂרִ֖ים וְיִֽשְׁתַּחֲוּ֑וּ לְמַ֤עַן יְהוָה֙ אֲשֶׁ֣ר נֶאֱמָ֔ן, קְדֹ֥שׁ יִשְׂרָאֵ֖ל וַיִּבְחָרֶֽךָּ ס	★ B4 E4 C5 E4 ^:B4 G#4 E4 A4	A4 C5 ^:B4 F4 G#4 E4
8	כֹּ֣ה ׀ אָמַ֣ר יְהוָ֗ה בְּעֵ֤ת רָצוֹן֙ עֲנִיתִ֔יךָ, וּבְי֥וֹם יְשׁוּעָ֖ה עֲזַרְתִּ֑יךָ וְאֶצָּרְךָ֗ וְאֶתֶּנְךָ֙ לִבְרִ֣ית עָ֔ם, לְהָקִ֣ים אֶ֔רֶץ, לְהַנְחִ֖יל נְחָל֥וֹת שֹׁמֵמֽוֹת	★ ^◆B4 ^:C5 F4 G#4 A4	^◆A4 ^:B4 G#4 F4 E4 x4
9	לֵאמֹ֤ר לַֽאֲסוּרִים֙ צֵ֔אוּ, לַאֲשֶׁ֥ר בַּחֹ֖שֶׁךְ הִגָּל֑וּ עַל־דְּרָכִ֣ים יִרְע֔וּ, וּבְכָל־שְׁפָיִ֖ים מַרְעִיתָֽם	E4 C5 ^:E4 F4 G#4 A4	A4 ^:B4 G#4 E4 x3
10	לֹ֤א יִרְעָ֙בוּ֙ וְלֹ֣א יִצְמָ֔אוּ, וְלֹא־יַכֵּ֥ם שָׁרָ֖ב וָשָׁ֑מֶשׁ כִּי־מְרַחֲמָ֣ם יְנַהֲגֵ֔ם, וְעַל־מַבּ֥וּעֵי מַ֖יִם יְנַהֲלֵֽם	★ C5 ^:B4 F4 G#4 A4	A4 ^:B4 F4 G#4 E4
11	וְשַׂמְתִּ֥י כָל־הָרַ֖י לַדָּ֑רֶךְ וּמְסִלֹּתַ֖י יְרֻמֽוּן	x3 E4 F4 G#4 A4	A4 G#4 E4 x3
12	הִנֵּה־אֵ֕לֶּה מֵרָח֖וֹק יָבֹ֑אוּ וְהִֽנֵּה־אֵ֙לֶּה֙ מִצָּפ֣וֹן וּמִיָּ֔ם, וְאֵ֖לֶּה מֵאֶ֥רֶץ סִינִֽים	x2 E4 G#4 A4	A4 E4 ^:B4 G#4 F4 E4
13	רָנּ֤וּ שָׁמַ֙יִם֙ וְגִ֣ילִי אָ֔רֶץ, וּפִצְח֥וּ הָרִ֖ים רִנָּ֑ה כִּֽי־נִחַ֤ם יְהוָה֙ עַמּ֔וֹ, וַעֲנִיָּ֖ו יְרַחֵֽם ס	x2 E4 C5 ^:B4 F4 G#4 A4	E4 ^:C5 G#4 E4
14	וַתֹּ֥אמֶר צִיּ֖וֹן עֲזָבַ֣נִי יְהוָ֑ה וַאדֹנָ֖י שְׁכֵחָֽנִי	E4 F4 G#4 B4 A4	A4 G#4 E4 x3
15	הֲתִשְׁכַּ֤ח אִשָּׁה֙ עוּלָ֔הּ, מֵרַחֵ֖ם בֶּן־בִּטְנָ֑הּ גַּם־אֵ֣לֶּה תִשְׁכַּ֔חְנָה, וְאָנֹכִ֖י לֹ֥א אֶשְׁכָּחֵֽךְ	E4 ^:C5 G#4 A4	A4 ^:B4 G#4 F4 E4 x4
16	הֵ֥ן עַל־כַּפַּ֖יִם חַקֹּתִ֑יךְ חוֹמֹתַ֥יִךְ נֶגְדִּ֖י תָּמִֽיד	★ F4 G#4 A4	A4 F4 G#4 E4 x2
17	מִֽהֲר֖וּ בָּנָ֑יִךְ מְהָֽרְסַ֥יִךְ וּמַחֲרִבַ֖יִךְ מִמֵּ֥ךְ יֵצֵֽאוּ	x2 E4 G#4 A4	A4 E4 F4 G#4 F4 E4
18	שְׂאִֽי־סָבִ֤יב עֵינַ֙יִךְ֙ וּרְאִ֔י, כֻּלָּ֖ם נִקְבְּצ֣וּ בָֽאוּ־לָ֑ךְ חַי־אָ֣נִי נְאֻם־יְהוָ֗ה כִּ֤י כֻלָּם֙ כָּעֲדִ֣י תִלְבָּ֔שִׁי, וּֽתְקַשְּׁרִ֖ים כַּכַּלָּֽה	E4 ^:C5 G#4 B4 E4 A4	A4 B4 C5 ^:B4 E4 G#4 E4
19	כִּ֤י חָרְבֹתַ֙יִךְ֙ וְשֹׁ֣מְמֹתַ֔יִךְ, וְאֶ֖רֶץ הֲרִסֻתֵ֑יךְ כִּ֤י עַתָּה֙ תֵּצְרִ֣י מִיּוֹשֵׁ֔ב, וְרָחֲק֖וּ מְבַלְּעָֽיִךְ	★x2 C5 ^:B4 G#4 A4	C5 ^:B4 G#4 E4
20	ע֚וֹד יֹאמְר֣וּ בְאָזְנַ֔יִךְ, בְּנֵ֖י שִׁכֻּלָ֑יִךְ צַר־לִ֥י הַמָּק֖וֹם גְּשָׁה־לִּ֥י וְאֵשֵֽׁבָה	★x2 C5 ^:B4 G#4 A4	A4 F4 G#4 F4 E4
21	וְאָמַ֣רְתְּ בִּלְבָבֵ֗ךְ מִ֤י יָֽלַד־לִי֙ אֶת־אֵ֔לֶּה, וַאֲנִ֥י שְׁכוּלָ֖ה וְגַלְמוּדָ֑ה גֹּלָ֣ה ׀ וְסוּרָ֗ה וְאֵ֙לֶּה֙ מִ֣י גִדֵּ֔ל, הֵ֤ן אֲנִי֙ נִשְׁאַ֣רְתִּי לְבַדִּ֔י, אֵ֖לֶּה אֵיפֹ֥ה הֵֽם פ	E4 B4 C5 ^:E4 F4 G#4 A4	A4 ^:B4 C5 ^:B4 G#4 F4 E4
22	כֹּֽה־אָמַ֞ר אֲדֹנָ֣י יְהוִ֗ה הִנֵּ֨ה אֶשָּׂ֤א אֶל־גּוֹיִם֙ יָדִ֔י, וְאֶל־עַמִּ֖ים אָרִ֣ים נִסִּ֑י וְהֵבִ֤יאוּ בָנַ֙יִךְ֙ בְּחֹ֔צֶן, וּבְנֹתַ֖יִךְ עַל־כָּתֵ֥ף תִּנָּשֶֽׂאנָה	E4 B4 ^:C5 G#4 B4 A4	A4 ^:C5 G#4 F4 E4
23	וְהָי֨וּ מְלָכִ֜ים אֹֽמְנַ֗יִךְ וְשָׂרֽוֹתֵיהֶם֙ מֵינִ֣יקֹתַ֔יִךְ, אַפַּ֗יִם אֶ֚רֶץ יִשְׁתַּ֣חֲווּ לָ֔ךְ, וַעֲפַ֥ר רַגְלַ֖יִךְ יְלַחֵ֑כוּ וְיָדַ֙עַתְּ֙ כִּֽי־אֲנִ֣י יְהוָ֔ה, אֲשֶׁ֥ר לֹא־יֵבֹ֖שׁוּ קוָֹֽי ס	^◆E4 ^:B4 C5 ^:B4 F4 G#4 A4	A4 E4 ^:B4 F4 G#4 E4
24	הֲיֻקַּ֥ח מִגִּבּ֖וֹר מַלְק֑וֹחַ וְאִם־שְׁבִ֥י צַדִּ֖יק יִמָּלֵֽט ס	x3 E4 F4 G#4 A4	A4 F4 G#4 E4 x2
25	כִּי־כֹ֣ה ׀ אָמַ֣ר יְהוָ֗ה גַּם־שְׁבִ֤י גִבּוֹר֙ יֻקָּ֔ח, וּמַלְק֥וֹחַ עָרִ֖יץ יִמָּלֵ֑ט וְאֶת־יְרִיבֵךְ֙ אָנֹכִ֣י אָרִ֔יב, וְאֶת־בָּנַ֖יִךְ אָנֹכִ֥י אוֹשִֽׁיעַ	E4 B4 ^:C5 F4 G#4 A4	A4 ^:B4 G#4 F4 E4 x4
26	וְהַאֲכַלְתִּ֤י אֶת־מוֹנַ֙יִךְ֙ אֶת־בְּשָׂרָ֔ם, וְכֶעָסִ֖יס דָּמָ֣ם יִשְׁכָּר֑וּן וְיָדְע֣וּ כָל־בָּשָׂ֗ר כִּ֣י אֲנִ֤י יְהוָה֙ מֽוֹשִׁיעֵ֔ךְ, וְגֹאֲלֵ֖ךְ אֲבִ֥יר יַעֲקֹֽב ס	E4 ^:C5 G#4 B4 A4	A4 B4 C5 ^:E4 G#4 F4 E4